ڕۆژانە

13:33

لە نەیجیریا ڕاگەیەندراوە کە ٧ ملیۆن و ٧٠٠ هەزار کچ کوتانیان بۆ دەکرێت، لەپێناو کەمکردنەوەی ئەگەری توشبوون بە شێرپەنجەی ملی منداڵدان.

10:51

لە بەنگلادیش بەهۆی نزیکبوونەوەی زریانی هامون، یەک ملیۆن و ٥٠٠ هەزار کەس ناوچە مەترسیدارەکانیان چۆڵ کرد.

10:14

جێگری بەڕێوەبەری چاودێری و هەڵسەنگاندنی ڕێکخراوی فیلمی سینەمایی ڕایگەیاند، بە بیانووی نەپۆشینی حیجابی ناچاری کاری ئەکتەرە ژنەکان قەدەغە کران.

16:07

پێشنیوەڕۆی ئەمڕۆ ژنێکی گەنجی ٢٥ ساڵ، لە شارەدێی حاجیاوا بە گوماناوی کۆتایی بە ژیانی هات.

15:54

خۆبەڕێوەبەری باکوور و ڕۆژهەڵاتی سووریا دۆسیەی هێرشەکانی دەوڵەتی تورکیای بۆ سەر ناوچەکە بۆ نەتەوە یەکگرتووەکان و ڕێکخراوە نێودەوڵەتییەکان نارد.

15:28

مەیسا عەبدئەخادی، ئەکتەری عەرەبی ئیسرائیلی بە تۆمەتی ئەوەی "پشتیوانی لە حەماس" کردووە لە هێرشەکەی سەر فەڵەستین، دەستگیر کرا.

14:40

ئەو ژنانەی بەشدارییان لە خۆپیشاندانەکانی سوەیدا کرد پشتڕاستیان کردەوە، بۆ دەربڕینی هەڵوێستی خۆیان بەرامبەر بە بارودۆخی ئابووری و کۆمەڵایەتی سەخت وەک داواکارییەکی بنەڕەتی و ڕەوا و بوونی ژنان لە خۆپیشاندانەکەدا تایبەتمەندییەکی جیاوازی بە بزووتنەوەکە داوە.

14:33

لە ئەسفەهان هێزە ئەمنییەکان هەڵیانکوتایە سەر ماڵان و ١٠ ژنی بەلوچی دەستگیرکران، تا ئێستا نازاندرێت ئەو ژنانەی دەستگیرکراون بۆ کوێ براون.

14:00

لە هێرشەکانی ٧ی تشرینی یەکەمەوە، ژمارەی گیان لەدەستدان لە کەرتی غەززە لە ئەنجامی بۆردومانی هاوبەش ٥ هەزار کەسی تێپەڕاندووە.

12:41

بەهۆی ناکۆکییەکانی نێوان حکومەتی شام و چەتەکانی سەر بە دەوڵەتی تورکیا ژمارەیەکی زۆر خێزان لە ئیدلبەوە کۆچ دەکەن، لەگەڵ نزیکبوونەوەی وەرزی زستان، نیگەرانییەکانی ئەو خێزانانەی لە کامپەکاندا دەژین لە زیادبووندایە.

11:36

دادگای تێهەڵچوونەوە سزای زیندانیکردنی موژگان کاوسی پەسەند کرد کرد و بە پێی سزاکە، "٦٢ مانگ و یەک ڕۆژ زیندانی"ی بەسەردا سەپێنراوە.

11:24

دانیشتووانی گوندەکانی سنوور بەهۆی بۆردومانکردنی بەردەوام بێبەشن لە کۆکردنەوەی بەروبوومەکانیان لەسەر هێڵی بەرکەوتن، کە دەگاتە زیاتر لە ٦ هەزار هێکتار زەوی کشتوکاڵی.

08:43

پۆلیسی ڕاپەرین ڕایگەیاند، منداڵێکی کچی تەمەن ٩ ساڵ بەهۆی بەرکەوتنی گولـلە گیانی لەدەستداوە.

15:53

دوای ئەوەی شاری ڕەققە لە دەستی چەتەکانی داعش ئازادکرا، ئەو ژنانەی کە بەشدارییان لە دروستکردنی شارەکەدا کرد بەردەوامن لە خەباتیان دژی جیاکاریی ڕەگەزی لە شارەوانییەکەدا.

14:29

كۆڕبەندی ئابووری جیهانی ئاشکرای کرد، گۆڕانكاری كەشوهەوا هەڕەشەیە لەسەر بژێوی زیاتر لە ٥٠٠ ملیۆن كەس لە جیهاندا.

14:09

ڕێکخراوی نەتەوە یەکگرتووەکان ڕایگەیاند، ٢٩ کارمەندیان بەهۆی هێرشەکانی ئیسرائیلەوە لە غەززە گیانیان لەدەستداوە، ئاماژەی بەوەشکرد تەنها سێ ڕۆژ سووتەمەنی لە غەززە ماوە.

13:17

ڕەجا دەهمانی، چالاکوانی فێمێنیستی تونسی داوای دوو هێندەکردنی هەوڵەکانی کرد بۆ پشتیوانیکردنی فەڵەستین و وتی: تاکە ڕێگا بۆ گەڕاندنەوەی خاکە دزراوەکە تێکۆشان و بەرخۆدانە.

11:17

ژنانی سەندیکا ڕایانگەیاند، بەهۆی جەنگەکانی ڕۆژهەڵاتی ناوەڕاست ژنان و منداڵان زۆرترین زیانیان بەرکەوتووە و داوای ژینگەیەکی ئاشتییانە دەکەن بۆ ئەوەی خەڵکی مەدەنی زیانیان پێنەگات.

10:54

هێزەکانی ئاسایشی ناوخۆی باکوور و ڕۆژهەڵاتی سووریا ڕایگەیاند، لە تەقینەوەکەی دوێنێ، ٢٢ی تشرینی یەکەم، ژنێک گیانی لەدەستداوە و کەسێکی دیکەش بریندار بووە.

10:09

پزیشک خێڵان کەریم بەرزنجی دەربارەی بەرزی فشاری خوێن لە ژنانی دووگیاندا دەڵێت: گەر بە شێوەیەکی ڕێکوپێک چارەسەر بكرێت و لەژێر چاودێری پزیشکیدا بێت دایک و کۆرپەکە سەلامەت دەبن.