ڕۆژانە

13:53

شاجوان بەهرۆز، یاریزانی یارییە سیانییەکان و خوێندکاری پەروەردەی وەرزشی زانکۆی سلێمانی لە ڕاکردنی ماوە درێژی سلێمانی پلەی یەکەمی بەدەستهێنا.

12:07

ژنان بۆ داوای ئازادکردنی وریشە مورادی، ئەندامی کژار کە لەلایەن ئیتلاعاتی ئێرانەوە ڕفێندراوە، لە ستۆکهۆڵم و برۆکسل چالاکییان ڕێکخست.

11:32

ڕاپۆرتەکان پشتڕاستیان کردەوە، ساڵی ڕابردوو لانیکەم ٢٥ هەزار و ٩٠٠ کچ لە ئێران هاوسەرگیرییان کردووە و نزیکەی هەزار و ٣٩٢ منداڵ لە دایکانی خوار تەمەن ١٥ ساڵ لەدایکبوون.

10:35

ڕێکخراوی پزیشکانی بێسنوور هۆشداری دەدات، بەهۆی نەبوونی دەرمان، ئاو و کارەبا، هەزاران بریندار لە نەخۆشخانەکانی کەرتی ‌غەززە مەترسیی مردنیان لەسەرە.

09:49

بڕینی پشتیوانی و هاوکاری بۆ زۆربەی کامپەکان وای لە ژنانی ئاوارە کرد پێداویستییەکانیان بە شێوەیەکی سەرەتایی مسۆگەر بکەن کە بتوانن کاروبارەکانیان بەڕێوەببەن لەبەر کەمی دەرفەتی ژیان و خزمەتگوزاری لە کامپەکانیاندا.

09:00

لە سەرێکانی کە دەوڵەتی تورک و چەتەکانی سەر بە دەوڵەتی تورکیا داگیری کردووە، گوشار و هێرش بۆ سەر ژنان زیاتر دەبێت و زەینەب خەلەف حەمەدی، دانیشتووی گوندی عەزیزەی سەر بە سەرێکانی لەلایەن براکەیەوە کوژرا.

15:30

سکرتێری گشتی نەتەوە یەکگرتووەکان ڕایگەیاند، پێویستە بە زووترین کات بارهەڵگرەکانی هاوکاری بۆ کەرتی غەززە بنێردرێن و فریاگوزاری بەردەوامیان بۆ دابین بکرێت.

13:31

لە تشرینی یەکەمی ٢٠١٧، شاری ڕەققە، لە دەستی چەتەکانی داعش ئازادکرا، پڕۆسەی ئازادکردنی ڕەققە گەورەترین شکست بوو بۆ داعش، چونکە شوێنی تۆڵەکردنەوەی هەموو ژنانی ئێزیدی بوو.

12:59

نەتەوە یەکگرتووەکان هۆشداری دەدات لە حاڵەتە گومانلێکراوەکانی کۆلێرا و پشتڕاستی دەکاتەوە نزیکەی ٦٤ کەس لە ماوەی تەنها مانگێکدا لە چوار ویلایەتی سودان گیانیان لەدەستداوە.

11:13

پزیشک گەشین کاوە پسپۆڕى نەخۆشیەکانى منداڵان دەڵێت، بە چەند ڕێگایەک دەتوانرێت گەشەى مێشکى منداڵان بەهێز بکرێت لەوانەش لە سەرەتاى تەمەنیانەوە پەرتووکیان بۆ بخوێننەوە.

10:51

ژنانی سوەیدا هێشتا بەردەوامن لە بزووتنەوە جەماوەرییەکەیان، بۆ ئەوەی جەخت لەوە بکەنەوە ئەوان لە داواکارییەکانیان پاشگەز نابنەوە بۆ مافەکانیان و ئازادکردنی ژنان و بنیادنانی دەوڵەتێکی دیموکراسی.

10:20

ژنانی جوتیار لە تونس ڕووبەڕووی چەندین کێشە دەبنەوە، بەتایبەتی گۆڕانی کەشوهەوا، نەبوونی چاودێری و سەختی لە بەرزکردنەوە، بەڵام لەگەڵ ئەوەشدا هەوڵ دەدەن خۆیان بسەلمێنن.

09:22

کۆمەڵەی ژنانی ڕۆژنامەنووسی میزۆپۆتامیا کە لە ڕۆژی ڕۆژنامەوانی ژنانی کورد دامەزرا، بۆ گۆڕینی زمانی نێر و یەکگرتن دژی پێشێلکردنی مافەکانی ژنانی ڕۆژنامەنووس دەستی بە کار کردووە.

08:53

زۆزان بروسک، فەرماندەی یەکینەکانی پاراستنی ژنان هەڵوێستی خۆی سەبارەت بە هێرشە قڕکەرەکانی دەوڵەتی تورک لە باکوور و ڕۆژهەڵاتی سووریا دەربڕی و وتی : وەک سوپایەکی ژنان ئەم هێرشانە دژی شۆڕش و دەستکەوتەکانمان دەبینین، لە هێڵەکانی پێشەوە تێدەکۆشین.

15:08

لیژنەی پاراستنی ڕۆژنامەنووسان لە دەستگیرکردنی ئەلسۆ کۆرماشۆڤا، پەیامنێری ڕادیۆی ئەوروپای ئازادلە شاری کازانی ڕووسیای ڕاگەیاند و نیگەرانی خۆی لە دەستگیرکردنی ئەم پەیامنێرە خستەڕوو.

14:55

بە پێی ڕاگەیاندنی حکومەتی غەززە، لە ماوەی ٢٤ کاتژمێردا ٦٧٨ فەلەستینی لە هێرشی ئیسرائیلدا گیانیان لەدەستداوە، ژمارەی کوژراوانی غەززە گەیشتە سێ هەزار و ٤٧٨ کەس و هەزار و ٣٠٠ کەس بە 'بێسەروشوێن' ڕاگەیەندرا.

14:44

دوو ڕێکخراوی نەتەوە یەکگرتووەکان دووپاتیان کردووەتەوە کە سەدان منداڵ لە سودان بەرکەوتەی بەدخۆراکی توند دەبن، بەهۆی زیادبوونی نائاسایشی خۆراک و پەککەوتنی خزمەتگوزارییە سەرەتاییەکان لە سەرەتای دەستپێکردنی ململانێکانەوە.

11:58

ژنانی چالاکوانی مافی مرۆڤ و ژنان و ئازادیخواز بە ڕێپێوانێک ناڕەزایەتیان بەرامبەر هێرشەکانی ئیسرائیل بۆ سەر فەلەستین دەربڕی و ڕایانگەیاند، "ئێمە ئەو دوو ڕووییە قبوڵ ناکەین، کە شەڕی فەلەستین نەرێ و شەڕی ڕۆژئاوا و قەرەباخ ئەرێ دەکات.

11:15

ژنانی چالاکوانانی فەلەستینی کۆمەڵکوژیی نەخۆشخانەی مەعمەدانییان شەرمەزار کرد کە بووە هۆی گیانلەدەستدانی سەدان هاوڵاتی مەدەنی و خوازیاری دەستێوەردانی خێرا و پاراستنی بەپەلە بۆ خەڵکی کەرتی غەززە بوون.

10:34

دوێنێ لە سیبا شێخ خدری سەر بە شەنگال دەست بە هەڵدانەوەی ٣ گۆڕی بەکۆمەڵ کرا، کەسوکاری ئەو کەسانەی لە کۆمەڵکوژی شەنگالدا گیانیان لەدەستدا، ڕایانگەیاند، ماوەی ٩ ساڵە چاوەڕێی تەرمی کەسوکارەکانیانن لە خاکدا دەربهێنرێن.