ڕۆژانە

09:10

بازاڕێکی پایزە بۆ ژنانی دەست ڕەنگین لە شاری کۆیە کرایەوە، کە ئەم بازاڕە بووەتە نەریتێکی ساڵانە و ئەو ژنانەی دەست ڕەنگین و بەهرەدارن تیایدا بەشداری دەکەن.

08:20

ژمارەیەک لە چالاکوانانی کورد، بانگی یەکڕیزی گەلی کوردیان لە شارەکە کرد و داوایان لە کاندیدە بەربژێرەکان کرد کە ڕق وکینە وەلا بنێن و کار بۆ شارەکە بکەن.

14:50

لە کاتێکدا بۆردوومانە هاوبەشەکانی نێوان ئیسرائیل و حیزبوڵا بەردەوامە لەکاتی دەستپێکردنی شەڕی غەززەوە، ٨ کەس لەنێویاندا دوو ڕۆژنامەنووس بەهۆی بۆردوومانەکانی ئیسرائیلەوە لە باشووری لوبنان کوژراون.

14:49

لە ماوەی یەک هەفتەدا لە باشووری ئوستراڵیا ٥ ژن کوژراون و تەنها سێ لە تۆمەتبارەکان دەستگیر کراون.

14:37

لەکاتی هەڵکوتانە سەر ماڵاندا، بەلایەنی کەمەوە ٨ کەس لە ئامەد دەستگیرکران کە بەیجان تاشکیران، جێگری هاوسەرۆکی "ESP" لەناو دەستگیرکراوەکاندایە.

14:12

مەلیسا بارێڕا، ئەکتەری مەکسیکی بەهۆی ڕاگەیاندنێکی پشتگیری بۆ فەڵەستین، لە فیلمی "Scream" دوورخرایەوە.

13:39

نەسیم سیمیاری بەهۆی ئەوەی ماوەی ٧ مانگە زیندانی کراوە بەبێ ئەوەی بنێردرێتە دادگا و مافی ئەوەی پێنەدراوە پارێزەرێک بۆ خۆی دابین بکات، دەستی بە مانگرتن لە خواردن کرد.

13:09

لە چوارچێوەی هەڵمەتی بەرەنگاربوونەوەی توندوتیژی دژی ژنان، ڕژاک لە شاری ڕانیە دەربارەی توندوتیژییەکانی سەر ژنان و ئەقڵیەتی پیاوسالاری هۆشیاری بڵاوکردەوە.

12:45

ئەنجومەنی عشتاری کامپی پەنابەرانی شەهید ڕۆستەم جودی مەخموور لە چوارچێوەی چالاکییەکان بۆ ٢٥ی تشرینی دووەم ڕۆژی جیهانی بەرەنگاربوونەوەی توندوتیژی دژی ژنان، سیمینارێکی ڕێکخست.

11:05

لە ٤٧ەمین ڕۆژی هێرشەکانی ئیسرائیل بۆ سەر غەززە، ڕێککەوتنێک لە نێوان حەماس و ئیسرائیل بۆ ئاگربەست و ئاڵوگۆڕی بارمتەکان پەسەند کرا، بەڵام چەند کاتژمێرێک دوای ئاگربەستەکە ئیسرائیل هەڕەشەی هێرش بۆ سەر نەخۆشخانەی ئیندۆنیزی دەکات.

10:18

عێراق کە لەبەردەم گۆڕانی ژینگەیی و کەشوهەوادایە، بۆ ڕووبەڕووبوونەوەی پەنا بۆبارانی دەستکرد دەبات.

09:45

لە چوارچێوەی زنجیرە چالاکی هەڵمەتی "لە دژی هەر جۆرە توندوتیژی و داگیرکارییەک، ژن، ژیان، ئازادی" کۆنگرەی ستار سیمینارێکی بۆ ژنانی هێڵی بەرکەوتن لە ناوچەی تل تەمر پێشکەش کرد.

09:10

ئەسمەهان ئیسماعیل، کارگێڕی مانگی سووری کوردی لە عەفرین-شەهبا، داوای لە ڕێکخراوەکانی مافی مرۆڤ و مرۆیی کرد، هاوکاری خەڵکی ئاوارەکراوی عەفرین و ئەو خێزانانە بکەن کە زیانبەرکەوتووی بوومەلەرزەکەی شوباتن.

08:34

بە درێژایی هەفتەی ٢٥ی تشرینی دووەم بە ئامانجی ڕێکخستن و هۆشیارکردنەوە لە دژی توندوتیژی و سیاسەتی تایبەتی جەنگ لە مەیدانەکەدا دەبێت، سافیە ئاکداغ، چالاکوانی تەژەئە وتی: دژی هەموو هێرشێک، دەنگی خۆمان بەرز دەکەینەوە.

07:47

پارێزەر ئاینور پاشا پشتڕاستی کردەوە کە لە سەرەتای ساڵی ٢٠٢٣ەوە لانیکەم ٢٤ ژن کوژراون و ٢٢ ژن ڕفێندراون لەو ناوچانەی کە دەوڵەتی تورکیا داگیری کردوون، هەروەها ١٠ منداڵ کوژراون و ١٤ منداڵیش ڕفێندراون.

15:56

تولای هاتمئۆغولاری، هاوسەرۆکی گشتی هەدەپ لە کۆبوونەوەی گروپەکەدا بۆ ٢٥ی تشرینی دووەم تیشکی خستە سەر بارودۆخی ژنان و وتی: شارەوانییەکانمان بنیاد دەنێینەوە و ئەو شتانە بنیاد دەنێینەوە کە هەوڵیان داوە وێرانیان بکەن.

15:46

لە کۆی ئەو خەبات و میراتە بەنرخەی ناگیهان ئاکارسەل دوای خۆی بۆ ژنانی بەجێهێشت، بەرتوکێکی تری بۆ خزمەتی کۆمەڵگە ناساندنی بۆ کرا.

15:15

بەهۆی بوومەلەرزەیەکەوە کە شاری زاهیدانی ئێرانی هەژاند، ٧١ کەس برینداربوون و هەندێک ماڵی نیشتەجێبوون زیانیان بەرکەوت.

15:03

هاوپەیمانی ژنان لە ڕۆژنامەگەری-CFWIJ لە تۆڕی کۆمەڵایەتی تایبەتی ئێکس ڕایگەیاند، کە ڕۆژنامەنووسانی فەلەستینی ئالا تاهیر حەسەنات و ئایەت ئەلخادور لە هێرشەکانی ئیسرائیل بۆ سەر غەززە کوژراون.

14:59

ژمارەی گیان لەدەستدانەکان بەهۆی لافاوەوە لە سۆماڵ گەیشتە ٥٠ کەس و نزیکەی ٧٠٠ هەزار کەسی ناچارکرد ناوچەکانیان جێبهێڵن.