ڕۆژانە

15:14

دانیشتووانی کۆبانێ ڕێپێوانێکی جەماوەرییان لە دژی هێرشەکانی دەوڵەتی تورک و چەتەکانی سەر بە دەوڵەتی تورکیا بۆ سەر حەلەب، عەفرین و شەهبا ڕێکخست و لە رێپێوانەکەدا پەیامی بەرخۆدان درا.

15:10

هێرشەکانی دەوڵەتی داگیرکەری تورکیا بۆ سەر ناوچەکانی باکور و ڕۆژهەڵاتی سوریا بەردەوامە. لەئەنجامی ئەو هێرشانەدا ژنێک شەهید بووە و ژنێکی دیکەش بریندار بووە.

14:59

ڕۆناز یونس، بەڕێوەبەری کۆمیتەی فریاگوزاری کە بۆ هاوکاریکردنی کۆچبەرانی عەفرین و شەهبا پێکهێنراوە ڕایگەیاند، بە هەموو شێوەیەک کۆچبەران لە باوەش دەگرن و برینەکانی یەکتر ساڕێژ دەکەین.

14:37

کۆمەڵەی ژنانی ئازادی ڕۆژهەڵاتی کوردستان-کەژار لە کاردانەوە بە هێرشەکانی ئەم دواییەی چەتە بەکرێگیراوەکانی تەحریر شام بە پشتیوانی دەوڵەتی داگیرکەری تورکیا لە باکور و ڕۆژهەڵاتی سوریای دیموکراتیک و کوشتنی خەڵکی مەدەنی ڕاگەیاندراوێکی بڵاوکردەوە.

13:51

ئەو ژنانەی لە پرسووس گردبوونەوە بە ڕێپێوان داواکارییەکانیان دەربڕی و داوای یەکڕیزیی نەتەوەیییان کرد لە دژی سیاسەتەکانی کوشتن.

12:36

ژنانی چالاکوانانی شاری سنە هێرشی چەتە بەکرێگیراوەکانی سەر بە دەوڵەتی تورکیایان بۆ سەر سووریا و بە تایبەت بۆ سەر خۆبەڕێوەبەری ڕۆژئاوا شەرمەزار کرد و خوازیاری چارەسەرکردنی دۆخی ئەو ژنە دیلانەی شەڕڤانان بوون، کە شەڕیان کرد بۆ بەرگریکردن لە ناوچەکەیان

12:24

ژنانی زیندانی سیاسی زیندانی ئێڤین، لە حەوشەی زیندان کۆبوونەوە و بەرامبەر بە زیادبوونی سزای لەسێدارەدان بۆ زیندانیانی سیاسی ناڕەزایەتیان دەربڕی و هاواری "سزای لەسێدارەدان، تۆڵەی حوکمڕانان، لە ژنان و کوردستانەوە تا هەموو گۆشەیەکی ئێران"یان بەرز کردەوە.

10:52

ڕێکخراوی لێبوردنی نێودەوڵەتی ڕایگەیاند، ئیسرائیل کۆمەڵکوژی دژی فەلەستینییەکانی کەرتی غەززە کردووە.

10:43

نەتەوە یەکگرتووەکان ڕایگەیاند، بەهۆی هێرشەکانی ڕۆژانی رابردووی چەتەکانی تەحریری شام، زیاتر لە ١١٥ هەزار کەس ئاوارە بوون.

10:34

دوای ئەنجامدانی نەشتەرگەری و خراپی باری تەندروستی، دەسەڵاتدارانی ئێران نێرگس محەمەدی، چالاکوان و خاوەن خەڵاتی نۆبڵی ئاشتییان ئازاد کرد.

10:06

فاتمە زەهرا ئیفلاحان، توێژەر و جێگری پێشووی سەرۆکی زانکۆی قازی عەیاز لە مەغریب ڕایگەیاند، نوێنەرایەتی ژنان لە زانکۆکانی مەغریب هێشتا لاوازە، بەو پێیەی پۆستە باڵاکان وەک پارێزراوی پیاوان ماونەتەوە.

09:11

چالاکوان ڕیم خەول ڕایگەیاند، ناساندنی کەرتی غەززە وەک ناوچەیەکی وێرانکراو، جارێکی دیکە یاسا نێودەوڵەتییەکان دەهێنێتە بواری جێبەجێکردنەوە، ئەمەش دەبێتە هۆی دابینکردنی هاوکاری مرۆیی.

08:36

نەعام بەدەل ئەندامی کۆردیناسیۆنی تاژێ، ڕایگەیاند، چەتەکانی سەر بە دەوڵەتی تورکیا لەژێر کۆنترۆڵی هێزە نێودەوڵەتییەکاندا، حەلەب و چەندین شوێنی دیکەیان داگیرکردووە و وتی: خەڵکی شەنگال تا کۆتایی لەگەڵ خەڵکی ڕۆژاڤادان.

08:14

لەسەر بانگەوازی خۆبەڕێوەبەری بۆ سەفەربەری، ژنانی تل تەمیر لە گەڕەکەکاندا دەستیان بە ئێشکگری شەوان کرد.

07:43

کورد و عەرەب و سریانییەکان جەختیان لەوە کردەوە کە گەلی ناوچەکە بە پڕۆسەی بوون و لەناوچووندا تێدەپەڕن و ڕایانگەیاند، کات کاتی پاراستنی خاک و هەبوونیانە.

07:29

ڕووبار ئەحمەد، ئەندامی بەرەی پشتیوانی ڕۆژئاوا، سەبارەت بە هەوڵەکان بۆ سوکایەتییکردن بە ژنانی ڕۆژئاوا وتی: دەوڵەتانی سەردەست لە هێزی ژنان دەترسن و ژنانی ڕۆژئاوا بە دروشمی "گیانێکمان هەیە، بەختی دەکەین بۆ نیشتیمان" بەرخۆدان دەکەن.

15:38

کۆنگرەی ستار بەیاننامەیەکی سەبارەت بە لەسێدارەدانی وریشە مورادی بڵاوکردەوە و ڕایگەیاند، "ژن ژیانە، بەئاماجکردنی وریشە بەئامانجکردنی هەموو مرۆڤایەتییە، ناهێڵین تاریکی سەربکەوێت، ئازادی هەمیشە بۆ ژنانی بەرخۆدێرە".

15:29

نزیکەی ٥٠ پاس کە لە ڕێگادا بوون بۆ گواستنەوەی کۆچبەرانی دیکە، کە لە شەهبا و شێراوە مابوونەوە، لەلایەن چەتەکانی سەر بە دەوڵەتی تورکەوە ڕێگرییان لێکرا.

14:22

کەجەدەپە لە ڕاپۆرتی مانگی تشرینی دووەمی خۆیدا ڕایگەیاند کە ٣٢ ژن کوژراون و ٢٦ ژنیش بە شێوەیەکی گوماناوی گیانیان لەدەستداوە.

13:11

نەتەوە یەکگرتووەکان ئیدانەی بۆردوومانێکی کرد کە کامپی زمزمی ئاوارەکانی کردە ئامانج، کامپەکە یەکێکە لە گەورەترین کامپەکانی ئاوارە لە ناوخۆی سودان.