ڕۆژانە

10:54

لە مانگی تشرینی دووەمی ڕابردوودا ١٦ ژن و چوار منداڵ لە ڕۆژهەڵاتی کوردستان و ئێران کوژراون، ١٢ ژنیش بە شێوەیەکی گوماناوی گیانیان لەدەستداوە و هەشت ژنیش لە سێدارە دراون.

10:19

کۆمیسیۆنی ڕەنجی دەم پارتی بە بۆنەی ٤ی کانوونی یەکەم، ڕۆژی جیهانیی کرێکارانی کانەکان ڕاگەیەندراوێکی بڵاوکردەوە و وتی: ڕووداوی کانەکان قەزاوقەدەر نین، بەڵکوو دەرئەنجامی سیاسەتی لایەنگریی سەرمایەیە.

09:08

سارا عومەر، نووسەر و هەڵگری بڕوانامەی ماستەر لە بەشی زانستی سیاسی بۆ یەکەمجار بە‌ زمانی دانیمارکی رۆمانێک بە ناوی "مردوو شۆر" بڵاودەکاتەوە، بە گشتیی باسی ناهه‌قی ‌و ناهه‌مواری ژیانی مرۆڤی کۆمەڵگەکانی خۆرهەڵاتی ناوەڕاست دەکات.

08:40

کۆمەڵەی ڕۆژنامەنووسانی دیجلە-فورات "دەفەگە" ڕاپۆرتی "پێشێلکاریی مافەکانی بەرامبەر ڕۆژنامەنووسان لە مانگی تشرینی دووەمدا بڵاوکردەوەو ئاماژەی بەوەکرد کە ١٥ڕۆژنامەنووس سزای ١٧ساڵ زیندانیان بەسەردا سەپێندرا.

07:53

وەزارەتی ئیتڵاعاتی ئێران بەبێ فەرمانی دادوەر لە شوێنی کارەکەی، ژنێکی کوردی بە ناوی عەزیزە مورادیان لە شاری مەریوانی ڕۆژهەڵاتی کوردستان دەستگیر کرد.

07:14

لە تشرینی دووەمی ساڵی ٢٠٢٤، تا تشرینی دووەمی ساڵی ٢٠٢٥، ٤٢ ژن کوژراون، لە ١٦ ڕۆژەی بەرەنگاربوونەوەی توندوتیژی دژی ژنان، ژنان لە ڕێگەی چالاکی و هۆشیارکردنەوەی کۆمەڵگەوە دەیانەوێت کوشتنەکان نەمێنێت، کوشتەنکان بۆ خراپی سیاسەتی باشووری کوردستان دەگەڕێننەوە.

14:53

بەپێی لێکۆڵینەوەیەکی ڕێکخراوی نوێ بۆ پاراستنی ژینگە و مافەکانی ژن، لە پارێزگای هەڵەبجە لەکۆی زیاتر لە ١٤٤ پۆستی حکومی،٦٠ دانەیان لەلایەن ژنانەوە بەڕێوە دەبرێن.

14:45

لیژنەی ئامادەکاریی سەندیکای پزیشکانی سودان ڕایگەیاند، لە سەرەتای سەرهەڵدانی شەڕی نێوان سوپای سودان و هێزەکانی پشتیوانی خێرا لە دارفوری باکوور، نزیکەی ٢٥ هەزار منداڵ کوژراون، دەیان منداڵیش لە کاتی هەڵاتنیان لە فاشر دەستدرێژییان کراەتەسەر.

14:38

شاندی ئیمراڵیی دەم پارتی، دوای دیدارەکەیان لەگەڵ ڕێبەری گەلی کورد، ڕایگەیاند ڕێبەر لە دیدارەکەدا وتوویەتی: "ئەم پرۆسەیە پرۆسەی بەشداریی یاسایی کوردە لە کۆمار، بونیانتانی کۆمارێکی دیموکراتیکە بە هاوپشتییەکی بەرفراوانی کۆمەڵایەتی".

14:08

نەتەوە یەکگرتووەکان داوای لە کاربەدەستانی ئێران کرد لەسێدارەدانی گوڵی کۆهکان، ژنێکی گەنجی بەلووچی زیانلێکەوتووی هاوسەرگیری منداڵان کە دوای چەندین ساڵ لە توندوتیژی خێزانی بۆ بەرگریکردن لە خۆی و منداڵەکەی بە کوشتنی هاوژینەکەی تۆمەتبارە، ڕابگرێت.

13:46

شەقامەکانی ڕۆژهەڵاتی کوردستان و تاران ڕاستیەکی کۆمەڵایەتی نوێ ئاشکرا دەکەن کە ڕەتیدەکاتەوە ملکەچی بکات، ئەمەش پشتڕاستی دەکاتەوە کە ئیرادەی ژنان بەهێزترە لەو ئامڕازە سزادانەی کە پەرلەمانی کۆنەپەرست هەوڵی بەرهەمهێنانەوەی دەدات.

13:18

لە درێژەی کارو چالاکییەکانی هەڵمەتی ١٦ ڕۆژەی توندوتیژی دژی ژنان، پانێڵێک کە لە ڕووی یاساییەوە باسی لە توندوتیژی و ڕێکارە یاساییەکان دەکرد، بۆ خوێندکارانی زانکۆی سلێمانی ڕێکخرا.

12:19

دوێنێ لە شاری کۆیە، بە ئامادەبوونی ژمارەیەک لە نووسەران و ڕووناکبیران و ئەدەب دۆستان، کۆڕێک بۆ ناساندنی ڕۆمانی ''مرواری تاقانە'' لە نووسینی لاڤە ئاسۆ ڕێکخرا.

12:00

بەیانی ئەمڕۆ لە ئیزمیر لە هەڵکوتانەسەر ماڵاندا پێنج ئەندامی پارتی ئازادیی کۆمەڵایەتی "TOP" بە تۆمەتی "پڕوپاگەندەی ڕێکخستن" دەستبەسەرکران.

11:57

لە میانی چالاکییەکەدا ئەفسەرێکی پۆلیس بە ناوی K.H. کە ڕاپۆرتی فاتمە پینار ئوستای بە سۆفیا ئالاگاش، بەڕێوەبەری هەواڵەکانی JINNEWS گەیاندبوو بەهۆی ئەو هەواڵەی کە پێشکەشی کردبوو، و دۆسیەیەکی لەسەر تۆمارکراو لە دۆسیەکەدا بێتاوان دەرچوو.

10:31

ژنانی کۆچبەری عەفرین، کە لە ئەنجامی داگیرکاریی تورکیا و پەرەسەندنی سەربازیی ڕووبەڕووی دوو شەپۆلی کۆچکردن بوونەتەوە، دووپاتیان کردەوە، کە مافی گەڕانەوەی پارێزراو بۆ عەفرین دانوستان نییە، بۆیە داوایان کرد ئەم مافە مسۆگەر بکرێت و بوونیان بپارێزرێت.

09:27

لانیکەم هەشت خوێندکاری کچ بە هۆی ژەهراویبوونی یەکەم ئۆکسیدی کاربۆن لە خوێندنگەیەکی ئامادەیی شاری دیواندەرە بە سەختی ژەهراوی بوون، ئەو خوێندکارانە گواستراونەتەوە بۆ نەخۆشخانە و باری تەندروستییان ناجێگیرە و لە چاودێری چڕدان.

08:53

یەکێتی ژنانی کوردستان لە مەراسیمێکی شکۆمەندانەدا، بەئامادەبوونی ئەندامانی یەکێتییەکە و خانەوادەکەی، چلەی ماتەمینی "عائیشە مەلا حەکیم" ی ئەنجامدا.

08:44

دوای دەیان ساڵ لە پەراوێزخستن لە ژێر پێکهاتەیەکی پیاوسالاری تایبەتدا، ژنانی عەلەوی خۆیان لەبەردەم بارگرانییەکی دوو هێندەدا دەبیننەوە، باجی پەیوەندی خێڵەکی خۆیان و مێژووی دوورخستنەوەیان دەدەن لە نێوان شەڕێکدا کە هیچ کەسێکی نەپاراستووە.

08:06

کۆمیتەی پاراستنی ڕۆژنامەنووسان (CPJ) و سەنتەری میترۆ، هێرش و پێشێلکارییەکانی هێزە ئەمنییەکانی پەدەکە دەکەن بۆ سەر تیمە ڕۆژنامەوانییەکان، لە کاتی ڕووماڵکردنی خۆپیشاندانەکانی گوندی لاجان، ئیدانە دەکەن.