ڕۆژانە

09:49

بەهۆی کێشەی خێزانی لە بەغدادی پایتەختی عێراق ژنێک کوژرا و چوار کەسی دیکەش بریندار بوون.

09:32

ئەنجومەنی سەرتاسەری هاوڵاتیانی باشوور بۆ پشتیوانی سەفەربەری و بەرخۆدانی شەڕڤانان لە ڕاگەیاندراوێکدا بانگەوازی ڕێپێوان بەرەو ڕۆژئاوای کوردستان دەکات و کاتژمێر ١:٠٠ ی پاشنیوەڕۆی ئەمڕۆ کۆدەبنەوە.

09:16

بەرپرسی سیاسەتی دەرەوەی یەکێتی ئەوروپا داوای ڕاگرتنی دەستبەجێ و هەمەلایەنەی هەموو چالاکییە سەربازییەکانی سووریای کرد، جەختیشی لەسەر گرنگی پابەندبوون بە ئاگربەستی ئەم دواییە وەک هەنگاوێکی چارەنووسساز بۆ ڕێگریکردن لە تێکچوونی زیاتری دۆخەکە کرد.

09:15

ژنانی تل تەمر لە باکوور و ڕۆژهەڵاتی سووریا وەڵامی ئەو هێرشانەیان دایەوە کە لەلایەن جیهادییەکانی هەتەشەو چەتەکانی تورکیاوە بۆ سەر ناوچەکە دەستیپێکرد و پشتیوانی خۆیان بۆ هەسەدە دووپاتکردەوەو ڕایانگەیاند کە هێرشەکان بۆ سەر پڕۆژە دیموکراتیەکەیان تێکدەشکێنرێن.

09:03

دانیشتووانی کۆبانی لە وەڵامی بانگەوازی سەفەربەری ڕژانە سەر شەقامەکان و پشتیوانی خۆیان بۆ هەسەدە و یەپەژە لە بەرگریکردن لە بوون و کەرامەتی خۆیان دووپاتکردەوە.

08:33

سەدان گەنج لە باشووری کوردستانەوە بەشداری بانگەوازی سەفەربەری بوون و بەڕێکەوتن بۆ بەرخۆدانی ڕۆژئاوا.

07:52

پاژک ڕایگەیاند، ڕۆژئاوا بەرخۆدان دەکات، شکۆ و بوونی خۆی دەپارێزێت و ڕادەست نابێت، هەروەها بانگەوازی لە هەموو مرۆڤایەتی کرد کە باکوور و ڕۆژهەڵاتی سووریا بپارێزن و وتی: دەبێت هەموو ژنان و گەنجان بە هەموو جۆرە چالاکییەک هێز بدەنە بەرخۆدانەکە.

07:44

کۆردیناسیۆنی کەژەکە بە وتنی “ڕۆژئاوا بۆ ژنانی جیهان قەڵای ئازادییە” و “وڵاتی مرۆڤایەتی گەورەیە” دژی ئەو تاریکییەی دەسەپێندرێت بانگەوازی ببنە ئەڵقەی ئاگر لە دەوری ڕۆژئاوای کرد.

23:36

سەدان کەس لە هەولێرو سلێمانی و کۆیەو ڕانیەو کەلار پشتیوانی لە بەرخۆدانی ڕۆژئاوا دژی چەتەکانی هەتەشەو دەوڵەتی تورک دەکەن و بێدەنگی ئەمریکا لە ئاستی هێرشەکان شەرمەزار دەکەن

23:25

ئەنجومەنی سەرتاسەریی هاوڵاتییانی باشوور بانگەوازی ڕێپێوانی فراوان بەرەو ڕۆژئاوا دەکات و داوا لە گەل و هەموو حزبەکان دەکەن بە شێوەیەکی فراوان بەشداری و پشتیوانی ڕێپێوانەکە بکەن.

23:12

دانیشتووانی شاری حەسەکە ڕایانگەیاندووە کە گەڕەکەکەیان لە بەرامبەر ئەو هێرشانەی کە لە زۆر شوێن دەستیان پێکردووە دەپاریزن.

22:53

فۆزا یوسف ، ئەندامی دەستەی سەرۆکایەتی پارتی یەکێتی دیموکراتیک لەبارەی هێرش و کۆمەڵکوژییەکانی چەتەکانی جۆلانییەوە ڕایگەیاند، “حکومەتی کاتیی سووریا ڕادەستبوونی تەواوەتی لە ئێمە دەوێت و هیچ شتێک پەسەند ناکات هەر بۆیە ئێمە بڕیاری بەرخۆدانمان دا.

19:46

لە کامپی پەنابەرانی مەخموور ڕاگەیەندراوێک بۆ پشتیوانی لە بانگەوازی خۆبەڕێوەبەری بۆ سەفەربەری درا و داوای لە گەلی کورد کرد یەکڕیزییەکی بەهێز لە دژی هێرشەکانی سەر ڕۆژئاوا پێکبهێنێت.

19:10

جیهادییەکانی هەتەشە لە ناوەندی مانگی سووری کورد لە شاری ئەریشە لە گوندەکانی باشووری حەسەکە کەرەستەی پزیشکی و لۆجستییان دزی و تاڵانیان کردو ناوەندەکەیان سووتاند.

19:00

فۆزا یوسف، ئەندامی دەستەی سەرۆکایەتی پەیەدە، داوای لە هێزە کوردستانییەکان کرد سەفەربەریی گشتی ڕابگەیەنن و جەختی کردەوە کە گەلی ڕۆژئاوا لەبەردەم مەترسییەکی گەورەی قڕکردن و کۆمەڵکوژیدایە.

16:09

هاوڵاتیانی شاری سلێمانی و چین و توێژە جیاوازەکانی کۆمەڵگە، لە دژی پلانە نێودەوڵەتییەکانی دەوڵەتانی داگیرکەر بۆ سەر ڕۆژئاوای کوردستان، بە دروشمە جیاوازەکان ڕژانە سەر شەقام و گردبوونەوەیەکی فراوانیان ئەنجامدا.

14:48

ڕژێمی ئێران دەیان ساڵە، لە چەوساندنەوە و بەئامانجگرتنی ژنانی کورد و ئێران بەردەوامە، بە مەبەستی سەرکوتکردنی دەنگیان و لەو چوارچێوەیەشدا، ناسنامەی ١٨ ژنی کوژراو و دەستبەسەرکردنی پێنج ژن ئاشکرا کرا.

14:37

دەسەڵاتدارانی ئێران شیما غوشی، پارێزەر و چالاکوانی مافی ژنانyan لە ماڵەکەی خۆیda دەستگیرکرد، تۆمەتی دەستگیرکردنەکەیان ئاشکرا نەکردووە.

14:07

لیژنەی کۆچبەرانی سەرێکانی بانگەوازێکی بڵاوکردەوە و داوای لە خەڵک و ڕێکخراوە مرۆییەکان کرد بەرپرسیارێتی خۆیان بەرامبەر بە هەزاران خێزانی کۆچبەری ڕەققە و تەبقا و حەلەب هەڵبگرن کە لە هێرشەکانی جیهادییەکانی هەتەشە بەرەو ناوچەی جزیرە کۆچیانکرد.

13:36

بۆردوومانی چڕ و پەرەسەندنی سەربازی بەردەوام و کۆچکردنی زۆرەملێ لە ژێر تەقەدا بووەتە هۆی ئەوەی هەزاران خێزان لەوان ژن و منداڵ و بەتەمەنەکان، جارێکی دیکە ماڵ و گەڕەکەکانیان بەجێبهێڵن.