ڕۆژانە

11:03

تۆڕی پزیشکانی سودان دەستدرێژیکردنە سەر ١٩ ژنیان بەڵگەدا کردووە، کە پێدەچێت لەلایەن ئەندامانی هێزەکانی پشتیوانی خێراوە ئەنجامدرابێت، لەکاتێکدا لە فاشرەوە کۆچیانکردووە بۆ شاری دەبە لە پارێزگای باکوور.

08:05

کۆنفڕانسی نێودەوڵەتی ئاشتی و کۆمەڵگەی دیموکراتیک کە ماوەی دوو ڕۆژ بوو بە سەرپەرشتی دەم پارتی لە ئیستەنبوڵ بەردەوامبوو کۆتایی هات.

07:14

بۆ هۆشیارکردنەوەی ژنان لە بەرامبەر زیرەکی دەستکردو بۆ ئەوەی ڕووبەڕووی ترس نەبنەوە، لە هەڵەبجە چەند ژنێک ڕێنمایی دەدەنە ژنان کە چۆن زیرەکی دەستکرد بەکاربهێنن و جیای بکەنەوە.

15:03

ڕێکخراوی سارا بۆ بەرەنگاربوونەوەی توندوتیژی دژ بە ژنان ئەو کوشتنانەی شەرمەزار کرد کە دژی ژنان ئەنجام دراون، دوایینیان کوشتنی دوو ژنی گەنج بوو لە شاری حەلەبی سووریا.

14:04

لە درێژەی چالاکییەکانی هەڵمەتی ۱٦ ڕۆژەی بەرەنگاربوونەوەی توندوتیژی دژ بە ژنان، تۆڕی هاوبەشی ڕێکخراوەکان بە هاوبەشی لەگەڵ سەنتەری ڕاوێژکاری دەروونی و کۆمەڵایەتی، پانێڵێکیان ئەنجامدا.

13:21

کۆنفرانسێکی کۆمۆنەکان لە شاری کۆبانێ لە کانتۆنی فورات بە دروشمی "کۆمۆنەکان بنەمای بونیادنانی کۆمەڵگەیەکی دیموکراتیکن" بەڕێوەچوو. نارین زادد، هاوسەرۆکی ئەنجومەنی شارۆچکەی کۆبانێ وتی: کۆمۆنەکان بنەما و تۆوی بنونیادنانی کۆمەڵگەو سیستمێکی دیموکراتیکن.

12:40

بیست و دووەمین فێستیڤاڵی نێودەوڵەتی فیلمی مەراکش بە پێدانی خەڵات بە فیلمی "سماء بلا أرض" لە لایەن ئاریج سحیری، دەرهێنەری تونسی-فەرەنسی کۆتایی هات.

12:21

کۆنفرانسی نێودەولەتی ئاشتی و کۆمەڵگەی دیموکراتیکی دەم پارتی، لە دووەم ڕۆژدا بەردەوامە. کۆنفرانسەکە بە دانیشتنێک بە ناوی "لە دەوڵەت نەتەوەوە بەرەو نەتەوەی دیموکراتیک" بەڕێوە دەچێت.

11:01

مامۆستایانی ژن لە ژێر چاودێری ورددا دەچنە ناو پۆلەکانەوە، جووڵە و زەردەخەنەکانیان هەڵدەسەنگێندرێت و چاوەڕوان دەکرێت بەبێ ناڕەزایەتی وانە بڵێنەوە، ئەویش لە خوێندنگەیەکدا کە سیستەم و بەهاکانی حکومەت بەرهەم دەهێنێتەوە نەک تەنها سەرنجی لەسەر پەروەردە بێت.

10:35

ئەمڕۆ سێیەمین کۆنفرانسی نێودەوڵەتی بەرەنگاربوونەوەی ماددە هۆشبەرەکان لە بەغداد دەستیپێکردو بپێی وێنە بڵاوکراوەکان کۆنفرانسەکە زیاتر پیاوان بەشدارن و رەنگی پیاوسالاری پێوە دیارە.

08:29

فاتما شێخی، بەرێوەبەری ڕێکخراوی سارای کامپی نەورۆز لە شاری دێرک ڕایگەیاند، ئامانجی سەرەکییان ڕێکخستنەوەی ژنانی کۆچبەرە لەناو کامپەکە.

08:08

دانیشتووانی گەڕەکی شێخ مەقسود، ئەشرەفییە و خەڵکی کۆچبەری عەفرین بۆنەیەکیان بەڕێوەبرد و داوای ئازادی جەستەیی ڕێبەری گەلی کورد عەبدوڵا ئۆجالانیان کرد و داوای دامەزراندنی کۆمەڵگەیەکی یەکسان و ئارامیان کرد.

07:39

١٤یەمین کۆنفرانسی ئەنجومەنی عشتار کۆتایی هات و ئەنجامنامەیەکیان بڵاو کردەوە و تێیدا هاتبوو: ئێمە بانگهێشتی هەموو ژنانی ئازادیخواز دەکەین، بە ڕۆحی کەسایەتییە سۆسیالیستییەکان، کۆمەڵگەیەکی دیموکراتیک و کۆمیناڵ بونیاد بنێین.

07:14

ڕوقیە عوسمان، مامۆستا دەڵێت: تا ئێستاش توندوتیژییەکان بەردەوامەو دادگا و کۆمەڵگە ژنان ناچار بە ڕازیبوون بە توندوتیژییەکان دەکەن، ئەمەش هۆکارە بۆ ئەوەی توندوتیژییەکان بەرەو زیادبوون بچێت.

14:26

تولای حاتم ئۆغولاری، هاوسەرۆکی پارتی یەکسانی و دیموکراسی گەلان، لە وتارەکەیدا لە کۆنفرانسی نێودەوڵەتی "کۆمەڵگەی ئاشتی و دیموکراتیک" جەختی لەوە کردەوە، کە بوونی ژنان بۆ پرۆسەی ئاشتی زۆر گرنگە، چونکە ئەوان تەنها بینەر نین بەڵکو پارێزەری چالاکن بۆ ئاشتی.

13:48

ئیلهام ئەحمەد، هاوسەرۆکی دەستەی پەیوەندییەکانی دەرەوەی خۆبەڕێوەبەری باکوور و ڕۆژهەڵاتی سووریا ڕایگەیاند: ئەگەر تورکیا لەگەڵ سووریا ئاشتی بکات، ئەوا بەشێوەیەکی باشتر لە ڕۆژئاوا بەدی دێت.

13:31

کۆمەڵەی "جەنگاوەران بۆ ئاشتی" تیشکی خستە سەر قەیرانی سیستەمی دابەشکردنی دەسەڵاتی خێڵەکی لە لوبنان، هەروەها چارەسەری جێگرەوەیان لەسەر بنەمای هاوڵاتیبوون، یەکسانی و شەفافیەت خستەڕوو، ئەویش بە سوودوەرگرتن لە ئەزموونە دیموکراتییە بەشداربووەکان لە ناوچەکەدا.

12:54

ڕێبەری گەلی کورد عەبدوڵا ئۆجالان ەیامێکی بۆ "کۆنفرانسی نێونەتەوەیی ئاشتی و کۆمەڵگەی دیموکراتیک" نارد و ڕایگەیاند ئەمڕۆ کاتی هەنگاونانە بەرەو سەرکەوتن لەسەر بناغەی سۆسیالیزمی کۆمەڵگەی دیموکراتیک.

12:49

دامەزراوەی ڤیژن ئەنجامی توێژینەوەی "زانیاریی ناڕاست و چەواشە لە ماوەی بانگەشەی هەڵبژاردن لە هەرێمی کوردستان" و راپۆرتی کۆتایی پڕۆژەی "عێراق فلتەر"ی بڵاوکردەوە ک ژنان گەورەترین زیانبەرکەوتووی هەواڵی ناڕاست و چەواشەکاری بون لە ماوەکانی بانگەشەی هەڵبژاردندا.

12:18

ناوەندی فەڵەستین بۆ گەشەپێدان و ئازادییەکانی ڕاگەیاندن "مەدا"، ٥٢ پێشێلکاری بەرامبەر بە ڕۆژنامەنووسان لە ماوەی مانگی تشرینی دووەمدا لە فەلەستین بەڵگەدار کردووە.