ڕۆژانە

11:29

وەزارەتی كۆچ و كۆچبەرانی عێراق گەڕانەوەی ٥٠١ ئاوارەی لە كامپی دیبەگە لە سنووری پارێزگای هەولێرەوە بۆ زێدی خۆیان لە پارێزگاكانی نەینەوا، كەركووك و سەڵاحەدین ڕاگەیاند.

10:50

سەنتەری نیشتمانیی زریانەکان لە ئەمریکا ڕایگەیاند، زریانی میڵتۆن وەک ئاستی سێ پۆڵێنکراوە و بەشێوەیەکی زۆر مەترسیدار گەیشووەتە سەر زەوی.

09:53

لە ٢٦ەمین ساڵیادی پلانگێڕی نێودەوڵەتی دژی ڕێبەری گەلی کورد عەبدوڵا ئۆجالان، پارێزەر ئاینور پاشا ئەو گۆشەگیرییە توندەی ئیدانە کرد و ڕایگەیاند، کاردانەوە نێودەوڵەتییەکان دەتوانن فشار بخەنە سەر ئەو بڕیارە سیاسییە.

09:14

بێریڤان کایا، پلانگێڕی نێودەوڵەتی ٩ی تشرینی یەکەم دژ بە ڕێبەری گەلی کورد عەبدوڵا ئۆجالان شەرمەزار کرد و وتی: پلانگێڕی دژی ڕێبەر بە دەستی هێزە جیهانیەکان لەدژی گەلی کورد پێکهاتووە.

09:10

بەرەی ژنانی باشووری کوردستان لە بەیاننامەیەکدا بانگەوازی بۆ هێڵێکی نیشتیمانپەروەری و ئازادیی کرد کە هەموو کوردستان بە بنەما بگیرێت و ئاماژەی بەوەکرد، قڕکردنی کولتووری و ناسنامەیی و جەستەیی لەسەر گەلی کورد و بەتایبەتی ژنان بەڕێوەدەچێت.

21:18

لە شاری سلێمانی، شاندی هاوبەشی ڕۆژنامەنوسانی کورد و بیانی، بانگەوازیان لە تەواوی دەزگا میدیایی و لایەنێکدا ، کە خاوەنداری لە ڕۆژنامەنوسان بکەن، جەختیان لە سزادانی بکوژانی "شەهید گولستان تارا و هێرۆ بەهادین"یان، کردەوە

15:33

شاندی ڕۆژنامەنووسانی ئازاد لە سێیەم ڕۆژی سەردانەکەیاندا لەگەڵ بەڕێوەبەرایەتی کەی ئێن ئێن، ئێن ئاڕ تی و ڕۆژنامەی کوردستانی نوێ کۆبوونەوە و باسیان لە گرنگی پاراستنی ڕۆژنامەنووسان کرد.

15:17

لە چوارچێوەی سەرکوتی گەلی کورد لە باکووری کوردستان، سادیە ئاکتین، هاوسەرۆکی شارەوانی مەسرەج و هاوسەرۆکانی دەم پارتی و دەبەپە دەستبەسەر کران.

15:06

لە نەیجیریا باران بارین و زریان زیانی گیانی و ماددی لێکەوتووەتەوەو جگە لە گیان لەدەستدانی سەدان کەس زیاتر لە ملیۆنێک کەسیش زیانیان بەرکەوتووە.

14:31

 نەتەوە یەکگرتووەکان ڕایگەیاند، ٤٠٠ هەزار فەڵەستینی لە باکووری غەززە گیریان خواردووە و ئیسرائیل هێرشەکانی زیاتر کردووە.

13:52

دانیشتووانی کامپی مەخموور بۆ ئیدانەکردنی پلانگێڕی نێودەوڵەتی دژی ڕێبەری گەلی کورد عەبدوڵا ئۆجالان چوونە مەیدان.

13:07

چالاکوانانی مافەکانی مرۆڤ لە ئێران بڵاویان کردەوە، نێرگز مەنسوری، زیندانیکراوى سیاسیی لە زیندانی ئەڤین لە مافە سەرەتاییەکانی بێبەش کراوە.

11:58

بەسێ هۆزات، هاوسەرۆکی دەستەی بەڕێوەبەریی کەجەکە رایگەیاند، هەڵبژاردنی باشوور لەناو شەڕێکی گەورەدا بەرێوەدەچێت، دەبێت گەلی باشوور دەنگ بدەن بە کاندیدە وڵاتپارێز و نیشتمانپەروەرەکان.

10:37

لە ڕێگەی دەروازەی سنووریی قائیمەوە كۆمەڵەی چوارەمی ئاوارەكانی لوبنان، كە لە ٤٥٢ كەس پێكهاتوون گەیشتنە عێراق.

10:22

ئەکادیمیای ژنۆلۆژی لە شەنگال بەردەوامە لە سیمینارەکانی و داوا دەکرێت ڕێگای بەردەم ژنان بکرێتەوە.

09:49

لە چوارچێوەی ڕێگریکردن لە توندوتیژی لە کاتی پرۆسەی بانگەشەی هەڵبژاردندا، لە شاری هەڵەبجە سیمینارێک بۆ هۆشیارکردنەوەی گەنجان بەڕێوەچوو.

09:23

سوهام شەنگالی، وتەبێژی کۆمیتەی دیپلۆماسی تاژێ باسی لە پلانگێڕیی ٩ی تشرینی یەکەم کرد و داوای لە هەموو پێکهاتە ئازادیخوازەکان و بەتایبەت پێکهاتەی ئێزیدی کرد داوای ئازادی جەستەیی ڕێبەری گەلی کورد عەبدوڵا ئۆجالان بکەن و خەبات بکەن.

18:40

لە درێژەی سەردانەکانیاندا، شاندی ڕۆژنامەنووسانی ئازاد، لە شاری سلێمانی، لەگەڵ چەند دەزگا و ناوەندێکی میدیایی کۆبوونەوە و باسیان لە دروستکردنی پردی نێوان دەزگا و ڕێکخراوەکانی ڕۆژنامەنووسان کرد بۆ کارکردن لەسەر دۆسیەی ڕۆژنامەنووسان لەسەر ئاستی نێودەوڵەتی.

15:29

سندوقی دانیشتووانی نەتەوە یەکگرتووەکان ڕایگەیاند، لە سەرەتای ئەمساڵەوە پاراستنی ژیان و خزمەتگوزاری تەندروستی زاوزێی پێشکەش بە نزیکەی ٢٠ هەزار ژن و منداڵی کچ لە ناوچە دوورەدەستەکان و ناوچە ئاوارەبوونەکان کردووە.

15:06

 سەرۆکی پێشووی ئیندۆنیزیا نیگەرانی خۆی دەربڕی کە جیهان بەدەست جۆرە جیاوازەکانی کۆلۆنیالیزمی نوێوە دەناڵێنێت.