ڕۆژانە

15:24

 ژنانی سوەیدا ڕەتکردنەوەی خەڵکی شارەکەیان لە هەڵبژاردن بۆ ئەندامانی ئەنجومەنی گەل پشتڕاستکردەوە، چونکە ئەنجومەنەکە پەنجا ساڵە “کار”ی بۆ خەڵک نەکردووە.

15:05

ژنان ١١ پۆستی باڵای کابینەی نوێی حکومەت و لانیکەم ٢٤٢ کورسی پەرلەمانی بەریتانیان بەدەستهێناوە.

14:24

بەهۆی ململانێکانەوە ملیۆنان کەس لە سودان ئاوارە بوون، بەتایبەت ئەو ژنانەی کە ناچارن شارەکانیان بەجێبهێڵن، لەسەر ڕێگاکان ڕووبەڕووی مەترسی و سەختی دەبنەوە.

13:39

دوای کوژرانی دوو ڕۆژنامەنووسی دیکە، ژمارەی ڕۆژنامەنووسانی فەلەستینی لە سەرەتای دەستپێکردنی شەڕی کەرتی غەززەوە بۆ ١٥٨ ڕۆژنامەنووس بەرزبووەوە.

12:10

مەسعود پزشکیان، کاندیدی ڕیفۆرمخوازەکان لە خولی دووەمی هەڵبژاردنی ١٤یەمی سەرۆکایەتی ئێراندا، ٥٣.٧%ی دەنگەکانی بەدەستهێنا و بوو بە نۆیەمین سەرۆک کۆماری ئەو وڵاتە.

11:57

ڕێپێوانی "ڕێزگرتن لە ئیرادە" کە لە وانەوە تا جولەمێرگ بەردەوامە، پێی نایە ڕۆژی حەوتەمەوە، ژنان بە وشەی؛ "قەیومەکن دەڕۆن، ژن و گەل دەمێننەوە، ئیرادەی خۆیان بۆ تێکۆشان دەربڕی.

09:44

تەڤگەری ئازادی ژنانی ئێزیدی لە بەغدا لەگەڵ ژنان کۆبوونەوە، فەریدە شەنگالی، ئەندامی دیپلۆماسی تاژێ ئاماژەی بەوەکرد، بەردەوام دەبن لە گفتوگۆکانیان تا سیستمی شەنگال بە گشت عێراق دەناسێنن.

09:01

ئەو ژنانەی بەشدارییان لە پەروەردەی داخراوی شەهبادا کردووە، دووپاتیان کردەوە پەروەردە لە نان و ئاو گرنگترە و لە ڕێگەی پەروەردەوە ئەو ڕاستیانەی کە شاراوە و پشتگوێ خرابوون ئاشکرا دەبن.

08:42

تەڤگەری ئازادی ژنانی ئێزیدی و دەیان ژن لەو شوێنەی کە لە فەرمانەکەدا وەک زیندانی ژنان بەکارهێندرا، بەیاننامەیەکی داو ئاماژە بەوەکرا، ١٠ ساڵە خەباتێکی بەهێز بەڕێوە دەچێت.

16:11

بەپێی دەرئەنجامەکان بەردەستەکان، فێریاڵ کلارک، کاندیدی کورد لە پارتی کرێکارانی ئۆپۆزسیۆن بۆ جاری دووەم دەنگی پێویستی بەدەستهێنا و سەرکەوت بۆ پەرلەمان.

16:05

دەوڵەتی داگیرکەری تورک بۆردوومانی سنووری شارەدێی دێرەلووکی لە ئامێدی کرد، لە ئێستادا ئاگر لە دارستان و پووش و پاوانی ناوچەکە کەوتووەتەوە، تا ئێستاش دەوڵەتی تورکیا ملیۆنێک و ٨٠٠ هەزار دۆنم زەوی سووتاوندووە و زیانی پێگەیاندوون.

15:53

دوای هێرشی ڕەگەزپەرستانە دژی کۆچبەرانی سووری لە تورکیا، ئاوارەکان بە زۆر دیپۆرتکرانەوە، شیرین ئیبراهیم کە لەگەڵ خێزانەکەی دیپۆرتکراوەتەوە ڕایگەیاند، ڕووبەڕووی هەموو جۆرە جیاکارییەک بوونەتەوە.

15:25

وتەبێژی دەم پارتی ڕایگەیاند، کە لە ١٩ـی تەمووز دەست بە کەمپەینی "نان و دادپەروەریی" دەکەن و بانگەوازیی لە گەل کرد بۆ کار، نان، ئازادیی و ڕەنج خاوەنداریی لە کەمپەینەکە بکەن.

14:54

ئەو ژنانەی بە ئەزموونی خەباتی خۆیان فشارە کۆمەڵایەتییەکان و چەشنە کۆنەپەرستانەکان دەشکێنن، دەبنە هیوا بۆ ژنانی دیکە.

13:52

دوێنێ رۆژی هەڵبژاردنی پەرلەمانی بەریتانیا بوو، بۆ ئەو مەبەستەش ژنێکی کورد کاندیدی  پارتی پارێزگاران، پارتی فەرمانڕەوای وڵاتەکەیە.

11:52

ئەندامان و ئیدارەکانی کۆنگرە ستار لە ناوچەی تیربەسپی هەڵسەنگاندنیان بۆ کار و چالاکییەکانی کۆنگرە ستار کرد و ڕایانگەیاند کە ئەوان چارەسەری هەموو کێشەکانی ژنان و کۆمەڵگەن.

10:17

دەوڵەتی تورکیا و چەتەکانی بەردەوامن لە ئەنجامدانی تاوان دژی مافی مرۆڤ لە ناوچە داگیرکراوەکان، لە مانگی حوزەیرانی ئەمساڵدا لە عەفرین، گرێ سپی و سەرێکانی ١٨ کەس کوژراون، جگە لەوەش ڕفاندن، دزی، ئەشکەنجەدان، دەستدرێژیکردنە سەر منداڵان بەردەوامە.

10:05

شەریفە محەمەدی چالاکوانی کرێکار و هاوسەرەکەی لەلایەن ئیدارەی ئیتلاعاتەوە بە تۆمەتی "ناپاکی" تۆمەتبار کراو و سزای لەسێدارەدانی بەسەردا سەپێندرا.

09:31

مەرەح عەزیزی تەمەن ١٦ ساڵ کە وێنە دەکێشێت و یاری تۆپی پێ دەکات، لە ڕێگەی هەوڵەکانییەوە بەربەستەکانی کۆمەڵگە دەشکێنێت، هەروەها داوا لە هەموو ژنانی گەنج دەکات باوەڕیان بەخۆیان هەبێت و پەرە بە تواناکانی خۆیان بدەن.

15:58

بە پێی ڕاپۆرتی پلاتفۆڕمی تاوانەکانی دژی ژنان دەوەستێنین، لە ٦ مانگی ساڵی ٢٠٢٤دا ٢٠٥ ژن لەلایەن پیاوانەوە کوژراون و ١١٧ ژنیش گیانیان لەدەستداوە.