ڕۆژانە

14:24

وتەبێژی دەسەڵاتی دادوەری ڕایگەیاند، توندترین سزا جێبەجێ دەکرێت و دۆسیەی ئیلاهە محەمەدی و نیلوفەر حامیدی ڕەوانەی جێبەجێکردنی سزاکان دەکات.

13:58

یەکێتی ئەوروپا سەبارەت بە هەموواری یاسای باری کەسێتی لە عێراق، هۆشدارییان داوە لە دەرئەنجامەكانی پێشنیازەکە، كە پێشێلكردنی پابەندییە نێودەوڵەتییەكانی عێراقە سەبارەت بە مافە سەرەتاییەكانی ژنان.

13:42

نور سورەر و بنوور کایا کە لە ٦١ەمین فێستیڤاڵی نێودەوڵەتی فیلمی پرتەقاڵی زێڕینی ئەنتاڵیا خەڵاتی باشترین ئەکتەریان پێبەخشرا و داوای گەڕانەوەی تورکیا بۆ پەیماننامەی ئیستەنبوڵیان کرد.

13:13

ڕێکخراوێکی مافەکانی مرۆڤ ڕایدەگەیەنێت، لە عێراقدا لە سێدارەدانی بە کۆمەڵ هەیە و داوای ڕوونکردنەوە لەو بارەیەوە دەکات.

11:40

وریشە مورادی، چالاکی مافی ژنان و زیندانی سیاسی زیندانیکراوی زیندانی ئەڤین، نامەیەکی بڵاوکردەوە و ڕایگەیاند کە مانگرتنە نادیارەکەی بە ئامانجی تیشک خستنە سەر ئەو کوشتار و لەسێدارەدانی ناوخۆییە کە ڕۆژانە لەژێر ئاڵای ئیسلامی سیاسی لە ئێران بەڕێوەدەچن.

10:43

دەرهێنەری فیلمی "شاری بێدەنگ" ڕایگەیاند، باران کەوسەری ڕێگەی پێنەدراوە بەشداری نمایشکردنی فیلمەکەی بکات.

09:58

ژنانی ئامەد ئاماژەیان بەوە کردووە، ڕووداوەکانی توندوتیژی و هەراسانکردن و دەستدرێژی و کوشتن بەرانبەر بە ژنان ڕوو لە زیادبوونە و سیاسەتەکانی بێ سزای دەوڵەت هۆکاری زیادبوونی کوشتنی ژنانە.

09:34

ژنان و ژنە گەنجەکانی کامپی مەخموور سەرەڕای هێرش و گەمارۆکان، بەشدارییان لە خولی پەروەردەی تەندروستی کرد کە بۆ ماوەی دوو مانگە بەردەوامە و ڕایانگەیاند، تاکە ئامانجیان بونیادنانی کۆمەڵگەیەکی تەندروستە.

08:52

نەسرین عەبدوڵا، فەرماندەی یەپەژە جەختی لەوەکردەوە، ژنۆلۆژی بۆ یەپەژە نەخشەڕێی تێکۆشان دیاری دەکات و وتی: تا مرۆڤ خۆی بناسێت، دەتوانێت خۆی بپارێزێت.

15:47

لە ئەنجامی هێرشەکانی ئیسرائیل لە کەرتی غەززە لە ماوەی ٢٤ کاتژمێری ڕابردوودا ٤٩ کەس گیانیان لەدەستداو لە ٧ی تشرینی یەکەمەوە ژمارەی ئەو کەسانەی گیانیان لەدەستداوە بووە ٤٢ هەزار و ١٧٥ کەس.

15:24

سەرەڕای کۆتایی هاتنی ١٥ ساڵ زیندانی، بەڵام بەهۆی تۆمارکردنی دۆسیەیەکی نوێ لە دامەزراوە ئەمنییەکان، زیندانیکردنی مریەم ئەکبەری بەردەوام دەبێت.

14:45

بوڵتەنی گۆشەگیری کە لایەن ئۆهەدەوە ئامادەکراوە، ئاماژە بەوە کراوە گۆشەگیری لە ئیمرالی بۆ ماوەی ٢٤ ساڵ و ٧ مانگ و ٢٨ ڕۆژ جێبەجێکراوەو باس لەوە کراوە کە ئەم دۆخە زۆر مەترسیدارە.

14:33

ڕێکخراوی تەندروستی جیهانی ڕایگەیاند، بڕیاری ئیسرائیل جێگەی قبوڵ کردن نییە کە ڕێگری لە تیمەکانی فریاگوزاریی دەکات بچنە غەززە.

13:35

ڕێکخراوی ستێرک بۆ داکۆکی لە مافی منداڵان بەیاننامەیەکی ڕۆژنامەوانی لە دژی هێرشەکانی دەوڵەتی تورک بۆ سەر گوندی تەهنا لە مەنبج بڵاوکردەوەو لە ئەنجامدا دوو منداڵ گیانیان لەدەستداو سێ منداڵیش برینداربوون.

13:23

ڕێکخراوی پزیشکانی بێ سنوور ڕایدەگەیەنێت، بەهۆی هێرشەکانی ئیسرائیل بۆ سەر باکووری غەززە، هەزاران کەس لە کەمپی پەنابەرانی جیبالیادا گیریان خواردووە.

13:16

سزای لەسێدارەدانی شەریفە محەمەدی لە دادگای باڵا هەڵوەشێندرایەوە و ڕەوانەی هەمان لق کرا.

13:06

ڕژێمی ئێران سزای سێ مانگ زیندانی بەسەر مامۆستا سەوسەن حەسەن زادە، مامۆستای زمانی کوردیدا سەپاند.

12:19

نووسەر ئەمەل محمد ئەبو سەیف باسی لەوە کرد کە لە غەززە جگە لە توندوتیژی و وێرانکاری، زۆر ئەزموونی بەرخۆدانی هەیە، هەروەها ڕایگەیاندووە کە لە کاتی شەڕدا دەستی بە نووسینی ڕۆمانی "ئەسیری غەززە" کردووە، مەبەستیشی پێناسەکردنی بەرخۆدان و خۆڕاگرییە.

11:58

ناردنی یاداشتی ناڕەزایەتی هاوپەیمانی ١٨٨ی ژنان بۆ نەتەوە یەکگرتوەکان و پەرلەمانتارانی یەکێتی ئەوروپا سەبارەت بە هەموواری یاسای باری کەسێتی، یەکێتی ئەوروپای هێنایە دەنگ.

11:18

لە بەغدای پایتەختی عێراق، سەدان کەس کە زۆربەیان ژن بوون، خۆپیشاندانێکیان ڕێکخست بۆ ناڕەزایەتی دەربڕین بەرامبەر بە هەمووارکردنی یاسای باری کەسێتی کە کاردانەوەی بەدوای خۆیدا هێناوە.