ڕۆژانە

15:21

بەهۆی بۆردوومانەکانی دەوڵەتی داگیرکەری تورکەوە ئاگر لە بەروبوومی کشتوکاڵی هەرسێ گوندی بەرکی، گوهەرزی و گرگاشێ لە سنووری شارۆچکەی ئامێدی کەوتەوە.

14:50

بە پێی ئەو ئامارانەی بڵاوکراوەتەوە، ژمارەی ئەو منداڵانەی لە خوار تەمەنی ١٤ ساڵەوە لە ساڵی ڕابردوودا لە ئەڵمانیا دەستدرێژی سێکسیان کراوەتە سەر ٪٧.٧ زیادی کردووە، لە کۆی ١٨ هەزار و ٤٩٧ منداڵ کە دەستدرێژی سێکسییان کراوەتە سەر ٪٧٤.٦یان کچن.

13:58

سەندیکای ئامەد، لەسەر سکاڵایەک، دژی ئەو تۆمەتانەی کە گوایە لە ڕووی زانستییەوە ڕێگەی چارەسەری قبوڵنەکراو لەسەر تووشبووانی کۆرۆنا تاقی کراونەتەوە، سەردانی دادگایان کرد.

13:20

بەشێک لە پارت و لایەنە سیاسییەکان و ڕێکخراوە مەدەنییە کوردی و سووریانییەکان داوایەکی بەپەلە بۆ وەستاندنی هێرشەکانی دەوڵەتی تورکیا بۆ سەر هەرێمی کوردستان دەکەن و ڕایانگەیاند: داوا لە هەموو لایەک دەکەین دەوڵەتی تورکیا ڕابگرن، کە بووەتە تۆپی ئاگرین.

11:58

ڕێکخراوی تەندروستیی جیهانی ئاشکرای دەکات، ساڵانە ڕێژەی گیان لەدەستدان بە گەرما بەرزدەبێتەوە، بە تایبەت لەم ساڵانەی دواییدا ڕێژەکە بەرز بووەتەوە.

09:59

شیرین حەسۆ وتەبێژی بەڕێوەبەرایەتی خوێندنگەکانی شاری تل تەمر ڕایگەیاند، بەمەبەستی بەهێزکردنی سیستمی پەروەردە، ئەو خوێندنگانەی کە بەهۆی هێرشەکانی دەوڵەتی تورکەوە ئاوارەکان تیایدا نیشتەجێ بوون، دەبنەوە بە ناوەندی پەروەردەیی.

09:15

لە بەرامبەر هێرشی ئاسمانی دەوڵەتی تورک بۆ سەر ڕۆژنامەنووسانی ئازاد لە شاری شەنگال، تەڤگەری ئازادی ژنانی ئێزدی "تاژێ" لە گوندی دوگور ڕاگەیەندراوێکی خوێندەوە.

08:52

ئەنجومەنی ژنانی سووریا یەکەمین کۆبوونەوەی ئەنجومەنی گشتی لە کانتۆنی ڕەققە لە هەرێمی باکوور و ڕۆژهەڵاتی سووریا ئەنجامدا، لە کۆبوونەوەکەدا بارودۆخی سیاسی و ڕێکخستن تاوتوێ کرا و پلانیش داندرا.

15:46

لە گۆڤاری زە لانسێتدا بڵاوکراوەتەوە، ژمارەی ئەو کەسانەی لە هێرشە ڕاستەوخۆکانی ئیسرائیل بۆ سەر کەرتی غەززە گیانیان لەدەستداوە ڕەنگە زیاتر لە ١٨٦ هەزار کەس بێت.

15:24

لە ڕیزبەندی زۆرترین تووشبووانی کۆلێرا لە کۆی ١٤ وڵات ئەفریقا پلەی دووەمی بەدەستهێناوە و لە دوای ئەویش ڕۆژهەڵاتی دەریای ناوەڕاست دێت کە زیاتر لە ٩٨ هەزار حاڵەتی تووشبوون بە نەخۆشی کۆلێرا تۆمارکراوە.

15:00

بەهۆی بارانبارینەوە لافاو لە زۆرێک لە گوندەکانی هەرێمی سەرحەد دروست بوو چەندین زیانی جیاوازی لێکەوتەوە.

14:44

ململانێ بەردەوامەکانی نێوان سوپای سودان و هێزەکانی پشتیوانی خێرا لە شاری فاشر لە باکووری دارفور بووە هۆی ئاوارەبوونی زیاتر لە ٣٢٨ هەزار کەس.

14:18

هەڵمەتێکی واژۆکردن دژی هەڵوەشاندنەوەی مۆڵەتی پەخشی ڕادیۆی ئاچیک لەلایەن RTUK بە بیانووی "جینۆسایدی ئەرمەنییەکان" دەستیپێکرد.

14:05

نیوەڕۆی ئەمڕۆ ئۆتۆمبێلێک لە نزیک شارۆچکەى شەنگال تەقێندرایەوە و بەهۆیەوە سێ ڕۆژنامەنووسى كەناڵی چرا تیڤی بریندار بوون.

13:37

هێزەکانی سووریای دیموکراتیک ڕایگەیاند، دەوڵەتی تورکیا لە ٦ مانگی یەکەمی ساڵی ٢٠٢٤ بە فڕۆکەی بێفڕۆکەوان و فڕۆکەی جەنگی و چەکی قورس ٣٣٩ هێرشی بۆ سەر ناوچەکانی باکوور و ڕۆژهەڵاتی سووریا کردووە.

13:26

ئایتن کۆردو، پەرلەمانتاری دەم پارتی لە دێرسیم ئاماژەی بەوەکرد، قەیوم لە ئەنجامی سیاسەتی نکۆڵیکردن و ئاسمیلەکردنە و پێویستە گەلی باکووری کوردستان و تورکیا پێکەوە دژی قەیوم تێبکۆشن.

12:06

وتەبێژی كۆمسیۆنی باڵای سەربەخۆی هەڵبژاردنەكانی عێراق ڕایگەیاند، بۆ هەڵبژاردنی خولی شەشەمی پەرلەمانی هەرێمی کوردستان، سێ ملیۆن و ٧٨٩ هەزار دەنگدەر مافی دەنگدانیان هەیە.

11:53

بە هۆکارێکى نادیار ئاگرێكى فراوان لە سنوورى ماوەت کەوتەوە و بەهۆیەوە نزیکەی دوو هەزار دۆنم لە پووش و پاوان و داری سروشتی و ٥٠ ڕەز و باخى هاوڵاتییان سووتان.

11:42

ژنانی نووسەری ئاوارە لە کانتۆنی عەفرینەوە بۆ کانتۆنی شەهبا، ئازارەکانی ئاوارەبوون و ئەو سەختییانەی بەسەریاندا تێدەپەڕن لە پەرتوکی ئەدەبی، هۆنراوە، پەروەردەیی و هۆشیارکردنەوە باس دەکەن، پەیامی بەرخۆدان و ئیرادە بڵاودەکەنەوە.

11:22

عەدالەت عومەر، بەرپرسی دەستەی خۆبەڕێوەبەری ژنان لە باکوور و ڕۆژهەڵاتی سووریا، سەرنجی بۆ هاوپەیمانی کۆمەڵایەتی ژنان ڕاکێشا و وتی: خەباتی ژنان هەنگاوێکی مێژوویی.