ڕۆژانە

15:20

ناوەندێکی مافی مرۆڤ لە عێراق ئاشکرای دەکات، پیس بوونی هەوای بەغدا، ٦٠%ی بەهۆی دووكەڵی ئۆتۆمبێلەوەیە.

15:08

بەهۆى تۆپبارانکردنى گوندى سەرگەلى لە شارۆچکەى ئامێدى سەر بە پارێزگاى دهۆک، ئاگرێکى فراوان کەوتووەتەوە و زیانی بە دوای خۆیدا هێناوە.

14:45

لە هەڵکەندنی شوێنەواردا لە پاسورەی ئامەد، ٦ گۆڕی منداڵان دۆزرانەوەو بەوەش تا ئێستا ٦٠ گۆڕ دۆزراونەتەوە.

14:28

کۆمەڵەی ڕۆژنامەنووسانی ژنی میزۆپۆتامیا ڕاپۆرتی مانگی حوزەیرانی خۆی سەبارەت بە پێشێلکردنی مافی ڕۆژنامەنووسانی ژن بڵاوکردەوەو تێیدا هاتووە: دادگاییکردنی ٢٢ ڕۆژنامەنووس بەردەوامە، هەروەها ڕۆژنامەنووسێک سزای ٦ ساڵ و سێ مانگ زیندانی قەدەغەکردنی گەشتکردن بۆ دەر

14:22

سێ کەس بە تۆمەتی کوشتنی ئەحمەد حەندان نایف، پەنابەری تەمەن ١٧ ساڵ کە لە شاری ئەنتاڵیا کاری دەکرد و کوژرا، دەستگیر کران.

13:52

لە گوندەکانی سەر بە مێرگەپان و خەلەکان ئاگر کەوتەوە و بەهۆیەوە زەویەکی زۆر زیانی پێگەیشتووە و هۆکاری کەوتنەوەی ئاگرەکانیش نا دیارە.

13:14

سۆنگوڵ دەمیر، کە لەگەڵ کچە ١٢ ساڵانەکەی لە تەکیرداغەوە هاتبوو و بەشداری لە ڕێپێوانی "ڕێزگرتن لە ئیرادە"دا کرد کە لە وانەوە تا جولەمێرگ بەردەوام دەبێت، وتی: گەلی کورد خاوەنی ئیرادەی خۆی دەبێت، لێرەین بۆ پاراستنی ئەم ئیرادەیە.

12:09

چالاکوانانی لوبنان لە بەردەم چەند کۆمپانیایەکی ئەمریکی خۆپیشاندانیان ئەنجامدا و جەختیان لەوە کردەوە کە ئەمریکا پاڵپشتی شەڕی کەرتی غەززە و گەمارۆدانی ڕەفەح دەکات.

11:49

بەهۆی هێرشی بەردەوامی ئیسرائیل زیاتر لە ١٢٢ هەزار فەلەستینی گیانیان لەدەستداوە یان بریندار بوون.

11:43

ناوەندی "الأمل" بۆ چارەسەری ئالوودەبوون، یەکەم ناوەندە لە ناوچەکانی باکوور و ڕۆژهەڵاتی سووریا، سەرجەم خزمەتگوزارییە تەندروستی و دەرمان و پاڵپشتییە دەروونییەکان پێشکەش بە زیانبەرکەوتووانی مادەی هۆشبەر دەکات.

10:31

سەدیقە خلۆ، وتەبێژی ناوەندی لێکۆڵینەوەی ژنۆلۆژی کانتۆنی فورات سەبارەت بە توندوتیژی بەرامبەر بە ژنان لە شەڕ و ململانێکاندا وتی: لە شەڕەکاندا ژنان لە هەموو بوارەکاندا زیانێکی زۆریان پێدەگات، بەتایبەتی دەستدرێژی زایەندی وەک چەکێک دژی ژنان بەکاردەهێندرێت.

09:56

دەوڵەتی داگیرکاری تورکیا هێرش و لەشکرکێشییەکانی چڕ کردووەتەوە و هەر دوێنێ ٥ ناوچەی هەرێمی کوردستانی بۆردوومان کردووە.

09:22

گەڕانەوەی ئێزیدییەکان بۆ شەنگال بێ وەستان بەردەوامە، مایا حاجی و سەیران سلێمان کە دوای چەندین ساڵ گەڕاونەتەوە شوێنەکانیان، ئاماژەیان بەوەکرد، شەنگال وڵاتی خۆیانە و ڕەگ و ڕیشەی خۆیانە و داوایان کردووە هەموو ئێزیدییەکان بگەڕێنەوە سەر خاکەکانیان.

08:48

تۆڕی مافی مرۆڤی کوردستان سەبارەت بە دۆخی زەینەب جەلالیان، زیندانی سیاسی کورد لێدوانێکی بڵاوکردەوە و ڕایگەیاند، ئێران چارەسەری زەینەب جەلالیان لە دەرەوەی زیندان قبوڵ ناکات.

08:32

چەندین حاڵەتی توندوتیژی و هەراسانکردنی ژنان لە مانگی حوزەیراندا تۆمارکراوە، بەشێک لەو گروپانە دەستگیرکراون کە بوونەتە هۆی گیان لەدەستدانی چەندین ژن.

20:13

لە پارکی ئازادی، سەرەڕای ڕێگریەکی توندی ئاسایشی سلێمانی، گردبوونەوە و ناڕەزایی بەرامبەر هێرش و داگیرکاریەکان و جینۆسایدکردنی ژینگەی کوردستان ئەنجام درا.

16:00

پیاوێک دەستگیرکرا، کە لە ڕێگەی فێڵەوە بانگەشەی ئەوەی کردووە، دەتوانێت بە دووعا چارەسەری نەخۆشی و گرفتە تەندروستییەکان بکات، چەندین وێنەی ژنیشی پێگیراوە.

15:48

خراپترین کەمیی خۆراک لەماوەی ٢٠ ساڵی ڕابردوودا لە سودان بەدی دەکرێت، کە لە ناوەندی ململاندایە و بەهۆیەوە ٢٥ ملیۆن و ٦٠٠ هەزار کەس لە وڵاتەکەدا ڕووبەڕووی برسێتییەکی سەخت بوونەتەوە.

15:28

ڕێکخراوی لێبوردنی نێودەوڵەتی ڕاپۆرتێکی دەربارەی دۆخی ژنان بە گشتی و ژنانی ڕزگاربووی توندوتیژی لە هەرێمی کوردستان بڵاو کردووەتەوە، تیایدا تیشک خراوەتەسەر هەبوونی یاسا و سزا نەدانی تاوانبارانی توندوتیژی و کوشتنی ژنان.

15:22

سندوقی منداڵانی نەتەوە یەکگرتووەکان لە ڕاپۆرتێکدا بڵاویکردنەوەی کە لە ماوەی چەند مانگی ڕابردوودا زیاتر لە ٣٠٠ هەزار منداڵ بەهۆی توندوتیژییەوە لە هایتی ناچار بوون ئاوارە ببن.