ڕۆژانە

16:11

تولای هاتیمۆگولاری، هاوسەرۆکی گشتی دەم پارتی، ڕایگەیاند، چارەسەری کێشەی کورد پەرلەمانە و وتی: گۆشەگیری لاببەن و با بەڕێز ئۆجالان بێتە دەرەوە و قسە بکات، با پێکەوە بزانین چی دەڵێت.

15:44

تۆڕی نیشتمانی ماف و ئازادیەکان، بە بڵاوکردنەوەی ڕاگەیاندراوێک، حوسییەکانی بە ئەنجامدانی زیاتر لە ١٠ هەزار پێشێلکاری دژی ژنان لە یەمەن تۆمەتبار کرد.

15:32

دوای تێپەڕبوونی ساڵێک لە هەڵمەتی ئازادی بۆ ڕێبەر ئاپۆ، خۆبەڕێوەبەری و تاژێ ڕایانگەیاند، بۆ ئەوەی کە لە شەنگالێکی ئازاد و خۆسەر پێشوازی لە ڕێبەری گەلی کورد، عەبدوڵا ئۆجالان بکەن، پێویستیان بە بەهێزکردنی چالاکیی و تێکۆشانیان هەیە.

15:01

باری تەندروستی وریشە مورادی، کە ١٣ ڕۆژە دەستی بە مانگرتن لە خواردنی نادیار کردووە، ناجێگیرە.

14:33

فیدراسیۆنی نێودەوڵەتی خاچی سوور و مانگی سوور لە ڕاپۆرتێکدا ڕایگەیاند، قەیرانی بەدخۆراکی لە نێوان منداڵان و ژنانی دووگیان و شیردەر لە ئەفغانستان بە شێوەیەکی بەرچاو زیادی کردووە.

14:28

ئیسرائیل لە هێرشێکی ئاسمانیدا دەوروبەری نەخۆشخانەی حکومیی حەریری لە بەیروتی پایتەختی لوبنان کردە ئامانج و بەهۆیەوە ١٣ کەس گیانیان لەدەستدا، کە منداڵێکیان تیادایە و ٥٧ کەسی دیکەش برینداربوون، ئەمە جگە لەوەی زیانێکی زۆری بە نەخۆشخانەکە گەیاندووە.

14:08

هێزەکانی ئیسرائیل بەردەوامن لە بۆردوومانکردنی توندی باکووری غەززە و داوا لە دانیشتووانی ئەو وڵاتە دەکەن، ماڵەکانیان چۆڵ بکەن، ئەمەش لە کاتێکدایە کە بارودۆخێکی کارەساتبار بۆ هاوڵاتیانی مەدەنی دروستبووە.

13:42

کەمپەینی ئازادیی بۆ پەخشان عەزیزی ڕایگەیاند لە بەرامبەر ناڕەزایەتی دەربڕینی ژنانی زیندانی دژی جێبەجێکرانی سزای لەسێدارەدرانی ڕەزا ڕەسایی  کوردی یارسان، سزای نوێ بەسەر پێنج زیندانی سیاسیدا سەپێندرا.

12:01

پەریا خاکی پەنابەرێکی سنەییە و لە سەروبەندی شۆڕشی "ژن، ژیان، ئازادیی"  لەلایەن هێزە ئەمنییەکانی ئیرانەوە دەستگیر کرا و دوای ئازادکردنی ئەو وڵاتەی بەجێهێشتووە، لە وڵاتی تورکیا لەلایەن پۆلیسەوە دەستبەسەر کرا.

11:52

زەهرا ڕەزایی بە ١٤ مانگ زیندان و سەرپێچی ماددی سزای بەسەردا سەپێندرا.

11:34

ژنانی ناڕازی بەرامبەر بە یاساکانی تاڵیبان کە لە دژی ژنانە، بێدەنگ نابن و دەڵێن: ئێمە لە فشار و هەڕەشە و گرتن و ئەشکەنجەی تاڵیبان ناترسین، لەسەر ئەو ڕێگایە بەردەوام دەبین کە هەڵمانبژاردووە.

10:42

لە تۆمەتبارکردنی سەبارەت بە کوشتنی نارین گوران، سەلیم گوران، یوکسەل گوران، ئەنەس گوران و نەڤزات بەختیار، داوایان لێکرا سزای زیندانی هەتاهەتایییان بەسەردا بسەپێندرێت.

09:58

نەوەیەکی ئەرمەنییەکان کە کۆمەڵکۆژی ئەرمەنیەکانی بینیوە و هەمان ئەزموونی داپیرەی لەو جینۆسایدەدا بەسەریدا هاتووە، جەختی لەوە کردووە کە دۆسیەی جینۆسایدی ژنانی ئەرمەنی و فەرمانی ژنانی ئێزدی پێویستی بە گرنگیدانی نێودەوڵەتی هەیە.

18:11

لە کۆنگرەیەکی ڕۆژنامەنووسیدا کۆمسیۆنی باڵای سەربەخۆی هەڵبژاردنەکانی عێراق ئەنجامی بەرایی ٪٩٩ی هەڵبژاردنی خولی شەشەمی پەرلەمانی هەرێمی کوردستانی بڵاوکردەوە.

16:02

تەژەئا تیشكی خستەسەر شکستی سیستمی تەندروستی و ڕایگەیاند، جارێکی تر ئاشکرا بوو کە چۆن جەستەی ژن لەلایەن سیستمی سەرمایەدارییەوە دەقۆزرێتەوە.

15:22

دەسەڵاتدارانی سودان ڕایانگەیاند کە سێ منداڵ لە ئەنجامی بەدخۆراکی لە هەرێمی پشتێنی باشوور لە ویلایەتی خەرتوم گیانیان لەدەستدا.

15:18

سەنتەری میترۆ ڕاپۆرتێکی سەبارەت بە پێشێلکارییەکانی دژ بە ڕۆژنامەنووسان بڵاوکردەوە و سەرنجی داوە، زۆربەی پێشێلكارییەكان لە دەنگدانی تایبەت ڕوویاندا و لە دەنگدانی گشتیدا كەمترین پێشێلكاریی هەبووە.

15:00

كۆمسیۆنی باڵای سەربەخۆی هەڵبژاردنەكانی عێراق سەركەوتنی خولی شەشەمی هەڵبژاردنی پەرلەمانی هەرێمی كوردستانی ڕاگەیاند و ئاماژەی بەوەشدا ٧١ سکاڵایان ئاڕاستە کراوە.

14:48

 بەرەبەیانی ئەمڕۆ، هێزەکانی ئیسرائیل کۆمەڵکوژییەکی نوێیان لە شاری بەعلبەک ئەنجامدا و ٦ منداڵ و ژن کوژران و ژمارەیەکی دیکەشیان برینداربوون.

14:21

تۆڕی شەمس بۆ چاودێری ‌هەڵبژاردن ئاماری ئەو پێشێلکاریی و گرفتانەی بڵاو کردەوە کە چاودێرانیان لە ڕۆژی دەنگدانی گشتی بۆ هەڵبژاردنی خولی شەشەمی پەرلەمانی هەرێمی کوردستان بڵاوکردەوە.