ڕۆژانە

14:57

دایکانی ئاشتی سنە بۆ پشتیوانی لە وریشە مورادی، ئەندامی کژار کە لە زیندانی ئەڤین مانی لە خواردن گرتووە دەستیان بە مانگرتن لە خواردن کرد.

14:10

نەتەوە یەکگرتووەکان ڕایگەیاند، کە لە مانگی ئاداری ئەمساڵەوە تا ئێستا، ٧٢٠ کەس لە یەمەن بەھۆی تووشبوونیان بە پەتای کۆلێراوە گیانیان لەدەستداوە و ٢٠٣ ھەزار کەسی دیکەش تووشی پەتاکە بوون.

13:44

یاسەمین بوبینیدەر، توێژەری جەزائیری کە توێژینەوە لە بواری بەبازاڕکردنی تەکنەلۆجیا و زیرەکی دەستکرد ئەنجام دەدات، ئاماژەی بەوەدا، ژمارەی ژنان لە بواری تەکنەلۆجیادا لە زیادبووندایە و دەرفەت بۆ هەموو شتێک هەیە.

13:28

تولای هاتیمئۆغولاری، هاوسەرۆکی دەم پارتی سەردانی فیگەن یوکسەکداغ و سەڵاحەدین دەمیرتاش، هاوسەرۆکانی پێشووی هەدەپەی کرد، هاوسەرۆکان پەیامی "پشتگیری بۆ ئاشتی دەکەین"یان داوە.

10:23

ڕاپۆرتێکی نەتەوە یەکگرتووەکان پشتڕاستی کردەوە، دابەزینی بەرچاوی داهاتی هاوکارییەکانی ئەم دواییە، توانای خێزانەکان بۆ پەیداکردنی خۆراک و دەستڕاگەیشتن بە کاڵا و خزمەتگوزارییە سەرەتاییەکان لە مانگەکانی داهاتوودا بە شێوەیەکی بەرچاو سنووردار دەکات.

09:33

پۆلیسی دارستان و ژینگەی پارێزگای سلێمانی بڵاوىکردەوە، بە هۆکارێکى نادیار ئاگرێكى فراوان لە سنوورى سیتەک کەوتەوە و لە ئەنجامیشدا ٢٠٠ دۆنم لە پووش و پاوان و داری سرووشتی سووتان.

15:51

ماڵی ئازادی له ڕاپۆرتێکدا ڕایگەیاند، له دوای چین و میانمار، ئێران کەمترین ئاستی ئازادی ئینتەرنێتی له جیهاندا هەیه.

15:38

گۆلرۆخ ئیرایی، زیندانی سیاسی لە بەشی ژنانی زیندانی ئەڤین، لە زیندانەوە ڕاگەیاندنامەیەکی بڵاوکردەوە و بەرامبەر بە لەسێدارەدانی چەند زیندانییەکی سیاسی عەرەب ناڕەزایەتی دەربڕی و داوای دژایەتی گشتی بۆ سزای لەسێدارەدان دەکات.

15:14

ئەو پۆلیسانەی کە بە ڕوتکردنەوە پشکنینیان بۆ موجەلا یاپیچی لایەنگری کچەکەی بەناوی جانسو یاپیچی کردووە، بە تاوانی "خراپ بەکارهێنانی ئەرکەکەیان" سزای ٥ مانگ زیندانییان بەسەردا سەپێندرا.

15:08

نەسرین شاکەرەمی دایکی داواکاری دادپەروەریم نیکا شاکەرەمی دەستگیرکرا.

14:53

ئەو ژنانەی ڕەققە کە شایەتحاڵی دڕندەیی چەتەکانی داعش بوون، ڕایانگەیاند، ئازادکردنی شارەکەیان ژیانەوەیەک بووە تا ئێستاش بە داخێکی زۆرەوە لە چارەنووسی منداڵەکانیان دەپرسن کە بە دەستی داعش بێسەروشوێن بوون.

14:23

تریفە کەریمیان خەڵاتی "ئەدەبیاتی وەرگیراو"ی لە فێستیڤاڵی ئەڵمان بەدەستهێنا.

13:30

چالاکوانانی مافی مرۆڤی مەغریبی نامەیەکیان ئاڕاستەی نەتەوە یەکگرتووەکان کرد و تیشکیان خستە سەر ئازارەکانی ژنانی فەڵەستینی و لوبنانی لە ئەنجامی ئەو شەڕەی کە لەلایەن هێزەکانی ئیسرائیلەوە بەڕێوەچوو، کە ئازارەکانیانی زیاتر کردو مافە سەرەتاییەکانیانی پێشێل کرد.

13:12

بەرپرسێکی یونسێف ڕایگەیاند، بە هۆی هێرشەکانی ئیسرائیلەوە بۆ سەر باشووری لوبنان ٤٠٠ هەزار منداڵ ئاوارە بوون.

11:38

ئەمینە ئەکیازیلی، ئەندامی کۆمیسیۆنی سیاسەتی پەروەردەی دەم پارتی ڕایگەیاند، لە ڕژێمی یەک پیاودا، سیاسەتی تاکەکەسی لە سیستمی پەروەردەدا بەردەوامە و لە ڕووی مێژووییەوە تورکیا سەختترین پرۆسە بەخۆیەوە دەبینێت.

11:02

داوا دەکرێت پەلە بکرێت لە ڕێکارەکانی تایبەت بە گەڕاندنەوەی سەرجەم خێزانە عێراقییەکانی کامپی ھۆڵ بۆ سنووری نەینەوا.

10:26

ئەندامی کۆنگرەی ستار و ئەندامی ئەنجومەنی خۆبەڕێوەبەر لە شاری حەلەب ڕایگەیاند، ئەوان لە ڕێگەی ئەنجومەن و کۆمۆنەکانەوە کێشەی ژنان چارەسەر دەکەن و دەرگاکانیان کراوەیە بۆ هەموو ژنان.

08:35

 لە زانکۆی ODTU لە ئەنقەرە دروشمی "ژن، ژیان، ئازادی" لەسەر دیواری ژنان ڕەش کرایەوە، ئەو خوێندکارانەی کە دروشمەکەیان نووسیەوە، ئاماژەیان بەوە کرد، دەبێتە یەکێک لە دروشمە گرنگەکانی تێکۆشانی ژنان.

16:04

لە باخی گشتی پارێزگای هەڵەبجە، کۆنسێرتێکی گۆرانی و میوزیک بەناوی "لە پێشوازی پایزدا ئاوازێک بۆ ئارامی" بەڕێوەچوو.

15:48

 ئەو ژنانەی بەهۆی هێرشەکانی ئیسرائیلەوە لە لوبنانەوە کۆچیان کردووە و ئێستا لە دێرەزۆر نیشتەجێکراون، ڕایانگەیاند، خۆبەڕێوەبەری کاریان بۆ دەکات و هیوادارن پاڵپشتییەکە تەنانەت لەم بارودۆخە سەختەشدا بەردەوام بێت