ڕۆژانە

16:19

سەرۆکی دامەزراوەی توێژینەوەی شێرپەنجە ڕایگەیاند، ڕێژەی شێرپەنجەی مەمک لە ئێران لەمساڵدا بۆ ١٦ هەزار حاڵەت بەرزبووەتەوە.

14:43

ئەنجومەنی ژنانی ئەنجومەنی بنەماڵەی شەهیدانی عەفرین-شەهبا بەیاننامەیەکی دژ بە پلانگێڕی نێودەوڵەتی دژ بە ڕێبەری گەلی کورد عەبدوڵا ئۆجالان بڵاوکردەوەو ڕایگەیاند، ئەو پلانگێڕییە دژی هەموو گەلانی ئازادیخوازە و داوای بەرزکردنەوەی خەباتی کرد.

14:14

مەهتاب ئیشیک، هاوسەرۆکی ئۆهەدەی وان ڕایگەیاند، پێشێلکردنی مافەکان لە زیندانەکاندا گەیشتووەتە ئاستی ئەشکەنجەدان، کارە ئارەزوومەندانە دژی یاساکان ئەنجام دەدرێت و مافی ژیانی زیندانییەکان ڕێگری لێدەکرێت.

13:57

ئەنجومەنی دەرچووانی دانەمەزراو لە هەرێمی کوردستان کۆنگرەیەکی ڕۆژنامەنووسیان بەست و داواکارییەکانیان بۆ دامەزراندنیان خستەڕوو.

13:45

بەڕێوەبەری نەخۆشخانەی هیوا ئاشکرایکرد، ژمارەی تووشبووانی شێرپەنجەی مەمک لە 10 مانگی ئەمساڵ بەراورد بە 10 مانگی سەرەتای ساڵی رابردوو زیادبووە.

13:01

بەپێی ئاماری توندوتیژی ژن نیوز، لە مانگی ئەیلوولدا ٣٠ ژن و منداڵێک کوژراون و گیان لەدەستدانی ١٥ ژن و چوار منداڵیش بە گوماناوی تۆمار کراوە.

11:43

ئیسرائیل بەشەو هێرشی کردە سەر بەیروت و تەقینەوەیەکی زۆر قورس ڕوویدا، لە ٢٣ی ئەیلوولەوە تا ئێستا هەزار و ١٨١ کەس لە لوبنان گیانیان لەدەستداوە.

11:03

فەرەح زەینەب عەبدوڵا، کە خەڵاتی پرتەقاڵی زێڕینی وەرگرتووە، دەڵێت: دەمەوێت ئەم خەڵاتە وەربگرم بۆ ئەو ژنانەی هەوڵدەدەن، کاردەکەن، ناترسن لە قسەکردن، دەوەستن بەڵام دەست لە خۆیان بەرنادەن.

10:43

ڕێكخراوی كۆچی نێودەوڵەتی ڕایگەیاند، بەهۆی هێرشە بەردەوامەكانی ئیسرائیل بۆ سەر لوبنان، نزیكەی ٢٣٥ هەزار كەسی دانیشتووانی لوبنان ئاوارەی سووریا بوون و ڕۆژانەش ڕێژەكە لە بەرزبوونەوەدایە.

10:24

ئەمەل حەبیب، کە لە کەرتی غەززە دەژی و وردەکارییەکانی ژیانی خۆی لە ڕێگەی گرتە ڤیدیۆییەکانەوە بەڵگە دەکات، دەڵێت: لە ڕێگەی ڤیدیۆکانەوە دەمەوێت ڕاستییەکانی شەڕ و خەڵکی غەززە پیشانی جیهان بدەم.

09:35

شەوی ڕابردوو سوپای داگیرکەری تورک مانۆڕێکی سەربازیی لە سنووری شارۆچکەی ئامێدی لە سنووری پارێزگای دهۆک ئەنجامدا.

09:10

نەوال مزەیەد، بەڕێوبەری فەرمانگەی پاراستنی منداڵ لە دەستەی ژنانی کانتۆنی جزیرە باسی لە هەڵمەتی هۆشیاری منداڵان بە دروشمی "بوژانەوە، پاراستن، گەشەپێدان و هۆشیاری بۆ منداڵییەکی تەندروست" کرد.

08:49

دووەمین دانیشتنی دادگایی کردنی وریشە مورادی، چالاکی سیاسی کورد ، دوێنێ لە ٥ی تشرینی یەکەمی ٢٠٢٤ لە لقی ١٥ی دادگای ئینقلابی تاران بەڕێوەچوو، هیچ دەرفەتێک بە پارێزەرانی وریشە مورادی نەدرا بەرگری لە خۆیان بکەن و خۆشی بەرگری زارەکی لێ زەوت کرا.

20:33

لە ساڵیادی تیرۆرکردنی ژنە تێکۆشەر ناگیهان ئاکارسەلدا، بە دانانی گوڵ لەسەر وێنەی ئەو تێکۆشەرە لەلایەن هاوڕێکانی و پێشکەشکردنی پەرتوکی شیعری شەهید ناگیهان بە ناوی "گوڵە پایز"، ڕۆحی ناگیهان ئاکارسەل بەرز ڕاگیرا.

16:13

بە بۆنەی ساڵیادی پیلانگێڕی نێودەوڵەتی ٩ی تشرینی یەکەم لەدژی ڕێبەری گەلی کورد عەبدوڵا ئۆجالان و ئیدانەکردنی ڕێککەوتنی ٩ی تشرینی یەکەم دژی کۆمەڵگەی ئێزدی، چالاکیی چادر هەڵدان لە شەنگال دەستیپێکرد.

15:48

سزای ٢١ ساڵ زیندانی و دەربەدەری ژینا مودەڕس گۆرجی، ڕۆژنامەنووس و چالاکی مەدەنی، لەلایەن دادگای تێهەڵچوونەوەی سنەوە بۆ ١٦ مانگ زیندانی گۆڕدرا.

15:30

ڕۆژانی ژنێرژی لە دەرهێنانی ناگیهان ئاکارسەل کە لە دووەمین ساڵیادی تیرۆرکردنی دەستیپێکرد، بە چالاکی لە تەبقە کۆتایی هات.

15:03

لە سەرەتای هێرشەکانی ئیسرائیل بۆ سەر باشووری لوبنان، ١٦ هەزار و ٢٤٣سووری و لوبنانی گەیشتوونەتە ناوچەکانی باکوور و ڕۆژهەڵاتی سووریا.

14:32

سەروناز ئەحمەدی، وەرگێڕ و چالاکوانی مافی منداڵان کە لە کاتی سەرهەڵدانی شۆڕشگێڕانەی "ژن، ژیان، ئازادی" دەستگیرکرابوو، بە هۆی نەدانی مۆڵەتی پشکنینی پزیشکی ماوەی ٢٨ ڕۆژە مانی لە خواردن گرتووە.

14:22

یەکێتی مامۆستایانی کوردستان ڕایگەیاند، جەخت لەسەر داواكاریی و مافەكانی مامۆستایان دەكەنەوەو پێویستە مانگانە لە کاتی خۆیدا مووچە بدرێت و خزمەتی زیاتر بە مامۆستا و فەرمانبەران بکرێت.