ڕۆژانە

12:27

ڕێکخراوی فاو، ساڵی ٢٠٢٦ـی وەک ساڵی نێودەوڵەتیی ژنانی جوتیار دیاری کرد، بە مەبەستی هەوڵەکان بۆ کەمکردنەوەی جیاوازییە ڕەگەزییەکان و ئاستەنگییەکانی بەردەم ژنانی جوتیار و تواناسازی ژنان لە سیستمەکانی خۆراکی کشتوکاڵیدا.

12:06

تەڤگەری ژنانی کوردی ئەورووپا "تەژەکە-ئەوروپا" بانگەوازی کرد لە دەسەڵاتدارانی ئەڵمانیا سەردانەکەی سەرۆکی کاتیی سووریا هەڵبوەشێننەوە و هەروەها بۆ بەشداربوون لە چالاکییەکانی شەرمەزارکردن بانگەوازی کرد.

12:00

ژمارەی زیانلێکەوتووانی بۆردوومانی فڕۆکەی بێفڕۆکەوان لەلایەن هێزەکانی پشتیوانی خێرا بۆ سەر بازاڕ لە شاری دیلنج لە باشووری کۆردۆفان بۆ حەوت کەس بەرزبووەوە و ٣٢ کەسی دیکەش برینداربوون.

10:21

خۆبەڕێوەبەری سەفەربەری لە دژی هیرشەکانی چەتەکان لەسەر هەرێمەکە راگەیاندو وتی "بەشداری جەنگی پاراستنی کەرامەت بن".

10:11

ڕووداوەکانی ئێستای ڕۆژهەڵاتی ناوەڕاست بەگشتی و سووریا بەتایبەتی، ئەوە دەردەخەن کە چۆن ئایین گۆڕاوە بۆ ئامرازێکی سیاسی لە دەستی زلهێزە ئیمپراتۆرییەکاندا، تیشک دەخاتە سەر دژایەتی نێوان باوەڕی ڕاستەقینە و ئەو پراکتیکانەی کە بەسەر کۆمەڵگەکاندا سەپێندراون.

09:53

لە نێوان پەرەسەندنی ئەو هاندان و زمانە هەڕەشەئامێزانەی کە لەلایەن هەندێک لە دەزگاکانی ڕاگەیاندن بەکاردەهێنرێن، دەنگی ژنان بەرز دەبێتەوە و جەخت لەسەر گرنگی یەکگرتوویی گەلی سووریا دەکەنەوە بە هەموو فرەچەشنییەکەیەوە.

09:16

ڕێبەری گەلی کورد عەبدوڵا ئۆجالان لەبارەی ئاڵۆزییەکانی سووریاوە ڕایگەیاند، ئەو ڕووداوانەی لە سووریا ڕوودەدات، هەوڵدانە بۆ تێکدانی پڕۆسەی ئاشتیی و کۆمەڵگای دیموکراتیک.

08:45

بۆ پشتیوانی خەباتی کوردانی ڕۆژئاوا و ڕۆژهەڵاتی کوردستان گردبوونەوەو ڕێپێوان لە کۆیە بەڕێوەچوو، تێیدا داوای کۆتاییهێنان بە داگیرکاری و پاراستنی سەروەری خاکی کوردستان کرا.

08:10

لەناو شەڕ و گەمارۆ و کۆچی زۆرەملێدا، شایەتحاڵی ژنێکی کورد، چیرۆکی بەرخۆدانی شێخ مەقسود و ئەشرەفیە دەگێڕێتەوە، کۆچ لە عەفرینەوە بۆ حەلەب، پاشان بۆ قامیشلۆ، تەنیا کۆچکردن نییە؛ دەربڕینی کەرامەتی بەکۆمەڵە لە دژی رادەستبوون.

07:31

فۆزا یوسف، ئەندامی دەستەی بەڕێوەبەری پەیەدە ڕایگەیاند، هێرشی گرووپە چەتەکانی سەر بە دەوڵەتی داگیرکەری تورک بۆ سەر ڕەققە، مەترسییەکی گەورە لەسەر ئاسایشی ئەو زیندانانە درووست دەکات کە چەتەکانی داعشیان تێدایە.

16:59

سەرچاوە پزیشکییەکان باسیان لە گیانلەدەستدانی منداڵێکی کچی تەمەن ٢٧ ڕۆژ کردووە بەهۆی بارودۆخی سەختی کەشوهەوای زستانە لە کەرتی غەززە.

15:56

بەئامادەبوونی ژمارەیەک لە سیاسەتمەداران و چالاکوانان و مامۆستایانی ئاینی و نوێنەرانی ڕۆژئاوا، مەڕاسیمێکی شکۆدار و شایستە بۆ شەهیدانی شێخ مەقسود و ئەشرەفیە سازکرا.

14:41

لە دەیان ساڵی ڕابردوودا داواکارییەکانی دیموکراتی لەسەر بنەمای خۆبەڕێوەبەری و ڕێزگرتن لە فرەچەشنی کۆمەڵایەتی لە ڕۆژهەڵاتی کوردستان و ئێراندا پەرەی سەندووە، ئەمەش دژایەتی دەوڵەتێکی نەتەوەیی ناوەندییە کە نەیتوانیوە پێداویستییەکانی کۆمەڵگە دابین بکات.

14:24

١٥یەمین ڕاپۆرتی ڕه‌وشی ئازادیی ڕۆژنامه‌گه‌ری له‌ هه‌رێمی كوردستان بۆ ساڵی ٢٠٢٥ خرایەڕوو، کە تێیدا ئاماژەبەوەکرا، کە له‌ ساڵی ٢٠٢٥ له‌ هه‌رێمی كوردستان، ٣١٥ پێشێلكاری به‌رامبه‌ر ٢٥٢ ڕۆژنامه‌نووس و ده‌زگای ڕاگه‌یاندن ئه‌نجام دراون.

13:48

ماڵپەری دەنگی دەستگیرکراوانی کورد و ئێران ڕاگەیاند، ژنێکی کورد بە ناوی دلارام کازەمی خەڵکی شارۆچکەی گیەڵان غەربی سەر بە کرماشان لە کاتی خۆپیشاندانی پارێزگاکە لەلایەن هێزەکانی وەزارەتی ئیتلاعاتی ئێران دەستبەسەر کرا و لەژێر ئەشکەنجەداندا گیانی لەدەستدا.

13:28

دۆسیەی فاتمە چاکماک سستی ڕێکارە یاساییەکانی تورکیای ئاشکرا کرد، کە تاوانبارەکە سەرەڕای هەوڵدان بۆ کوشتنی ئازاد کرا، ئەمەش ڕەنگدانەوەی کولتوورێکی مەترسیداری بێ سزایە، ئەم ڕووداوە نموونەی ئازارەکانی ژنانە لە بەرامبەر توندوتیژی و شکستی دەسەڵاتی دادوەری.

12:58

ئیدارەی خۆبەڕێوەبەری سەبارەت بەوەی کە بە مەرسوومی سەرۆکایەتی ژمارە ١٣ ناسراوە ڕایگەیاند، کە مافەکان بە مەرسوومە کاتییەکان پارێزراو نابن، بەڵکو لەڕێگەی دەستوورێکی دیموکراتیکی ناناوەندییەوە دەبێت.

12:46

دەستپێشخەریی "نا بۆ چەوساندنەوەی ژنان" جەختی لەسەر جێبەجێکردنی بڕیاری ئازادکردنی ژنانی زیندانیکراو لە هەموو زیندانەکانی سودان کردەوە، وەک هەنگاوێک بەرەو ئاشتی لە تاریکی شەڕدا.

11:38

ڕێبەری گەلی کورد عەبدوڵا ئۆجالان دەڵێت: یەکێتیی نەتەوەیی دیموکراتیک، تێگەیشتنێکە لەسەر بنەمای ڕەچاوکردنی فرەیی و ئیرادەی خۆویستانەی کۆمەڵگەکان. یەکێتییەکی هەمیشەیی بە ئیرادەی پێکەوەژیان و یەکسانی و دانپیانانی دوولایەنە دێتەدی.

10:32

ئەو هێرش و کۆمەڵکوژییانەی لە گەڕەکی شێخ مەقسود و ئەشرەفیە لە شاری حەلەبی سووریا ڕوویاندا، پێویستی بە دەنگێکی یەکگرتوو و ڕێکخراو بۆ ڕووبەڕووبوونەوەیان و پاڵپشتیکردن لە پرۆژەی کۆمەڵگەیەکی دیموکراتیک سەلماند.