ڕۆژانە

14:00

دوای دەستگیرکردنی ژنان لە هەرات و بڵاوبوونەوەی ناڕەزایەتییەکان دژی سنووردارکردنی تاڵیبان، چالاکی مافی ژنان یەڵدا ئەحمەد وتی و تێیدا ستایشی بەرخۆدانی ژنانی ئەفغانستانی کرد و داوای هاودەنگی زیاتری کرد لە بەرامبەر ستەمکاری بەربڵاو و پێشێلکردنی مافەکانی ژنان.

13:13

یاریدەدەری بەڕێوەبەرایەتی گشتی پەرستاریی وەزارەتی تەندروستیی ئێران ڕایگەیاند کە لە ماوەی یەک ساڵدا زیاتر لە سێ هەزار پەرستار دەستیان لە کار کێشاوە، کارەکانیان جێهێشتووە یان کۆچیان بۆ دەرەوەی وڵات کردووە.

12:56

فێستیڤاڵی بەرهەمە خۆمالیەکان، بۆ فرۆشتنی بەرهەمە ناوخۆییەکان ماوەی دوو ڕۆژە لە کارگەیی کولتووری لە شاری سلێمانی بەردەوامەو ژنان تێیدا بەرهەمەکانیان نمایش دەکەن و دەفرۆشن.

11:50

لە ئینستیوتی زەینەب خان ، "ماڵی مۆری" ،کرایەوە ئامانج لەکردنەوەی پاراستنی کولتوورو پاراستنی ڕەسەنایەتی جلوبەرگی کوردییە، هەروەها بازاڕێک دەبێت بۆ کڕین و فرۆشتنی سەرجەم جلوبەرگ و کەرەستەی بەکارهێنراوی ڕۆژانە.

10:46

ڕێکخراوی لێبوردنی نێودەوڵەتی نیگەرانیی خۆی لە دۆخی زیندانییانی سیاسی دەربڕی و داوا لە کاربەدەستانی ئێران دەکات دەستبەجێی سزای لەسێدارەدانی زیندانییانی سیاسیی ڕابگرێت.

09:27

شەڕڤانێک بە ناوی شێرین کە شەهایدبوونی ڕاگەیانرابوو و بۆی ڕێوڕەسمی بەخاکسپاردن ئامادە کرابوو، ناوی لە لیستی شەڕڤانە دیلگیراوەکاندا دەرکەوت و ئازاد کرا. شێرین حەسەن ئاماژەی بەوەکرد، لە دژی هەوڵەکانی سیخوڕکردن لە زینداندا بەرخۆدانی کردووە و بێ‌هیوا نەبووە.

08:28

جیهان گوڵۆ، دایکی گوڵان گوڵۆ، شەڕڤانی یەپەژە دەڵێت: تا کۆتایی پشتیوانی یەپەژە دەکەین، چونکە یەپەژە بوون و ناسنامەی ئێمەیە.

15:51

ڕووداوەکەی ”مزونە” کاردانەوەکانی دەوروبەری دۆخی نالەباری ژنانی کرێکارانی کشتوکاڵی تونسی هەڵگیرساندەوە، کە سەرەڕای یاساکانی ئێستا بەردەوامن لە گواستنەوەیان بە "بارهەڵگری مردن".

15:09

ڕێکخراوی تەندروستی جیهانی "WHO" بەهۆی پەتای ئیبۆلا لە کۆماری دیموکراتی کۆنگۆ و ئۆگاندا، دۆخی نائاسایی تەندروستی گشتیی نێودەوڵەتی ڕاگەیاند. ڕێکخراوەکە هۆشداری دا کە ڕەنگە ئەم پەتایە لەوەی ئێستا دەزانرێت زۆر گەورەتر و بڵاوتر بێت.

14:31

شاری هەرات شایەتی ناڕەزایەتییەکی دەگمەن بوو کە نزیکەی ٣٠ کەس بەشداریان تێدا کردو دەستگیرکردنی ژن و منداڵانی کچیان ڕەتکردەوە، بەڵام هێزەکانی تاڵیبان بە تەقەکردن بۆ ئاسمان گردبوونەوەکەیان سەرکوت کرد و بەردەوام بوون لە ڕێبازە توندوتیژەکانیان.

14:04

فێستیڤاڵی ژنانی زیلان کە لە ساڵی ٢٠٠٤دا بە دروشمی "ژنان سنوورەکان تێدەپەڕێنن" دەستیپێکرد، ئەمڕۆ گۆڕاوە بۆ گۆڕەپانی هاوپشتییەکی نێودەوڵەتی کە بە هەزاران ژن ڕووی تێدەکەن. فێستیڤاڵەکە لە شاری دۆرتمۆند بەڕێوەدەچێت.

11:54

بڕیارە لە مانگی تەمووزدا پڕۆژە یاسایەک سەبارەت بە گەڕانەوەی شەڕڤانان بخرێتە بەردەم پەرلەمانی تورکیا، بەڵام هێشتا ڕەشنووسەکە ئاشکرا نەکراوە، هەروەها هیچ پێشکەوتنێک سەبارەت بە مافی هیوا بۆ زیندانیانی سیاسی بەدی نەهاتووە.

10:56

لێکۆڵینەوەکان لەبارەی مردنی خوێندکار ڕۆژین کەبایش لە زانکۆی وان یوزنگوێل بەرەو پێشەوە دەچێت، لەگەڵ پشکنینەکانی پزیشکی دادوەری و شیکردنەوەی بەڵگەکان، پارێزەر مەدین تورانتایلاک پشتڕاستیکردەوە، گرتە ڤیدیۆییە بەرزکراوەکانی کامێرای ئەمنی ناوچەکە شیکاری دەکرێن.

09:44

ژنانی ڕۆژئاوای کوردستان پشتیوانی خۆیان بۆ یەپەژە دووپات کردەوە، جەختیان لەسەر پێویستی دانپێدانانی دەستووری و یاسایی لە سووریای نوێ کردەوە، ئەمەش وەک پێزانین بۆ ئەو ڕۆڵەی کە لە پاراستنی ژنان و ڕووبەڕووبوونەوەی تیرۆریزمی داعش بینیویانە.

16:06

دیلەک ئۆز و سورەیا بوڵود دوای ٣٢ ساڵ زیندانیکردن، لە زیندانی ژنانی باکرکۆی ئازاد کران و بە درووشمی “ژن، ژیان، ئازادی”ـیەوە پێشوازییان لێ کرا.

13:36

فێستیڤاڵی فیلمی ژنان لە عەمان، چواردەیەمین خولی خۆی بە گفتوگۆی سینەمایی و مافی مرۆڤ کردەوە کە تیشک دەخاتە سەر توندوتیژی دیجیتاڵی و کاریگەرییەکانی لەسەر بەشدارییژنان لە کایەی گشتیدا.

11:25

ڕۆژنامەی دونیای ئیقتساد بڵاویکردەوە، ڕێژەی بێکاری ژنان لە ڕۆژهەڵاتی کوردستان و ئێران گەیشتووەتە ٧٣٪، زیاتر لە ٢٩ ملیۆن ژن بە تەواوی لە بەرهەمهێنان و کارکردن دوور خراونەتەوە.

10:43

کژار سەرکوتکارییە سیستەماتیکییەکانی تاڵیبان و دەسەڵاتی ئێرانی بۆ سەر ژنان شەرمەزا کردو وێڕای بانگەوازی بۆ تێکۆشانی هاوبەشی ژنانی ئەفغانستان، وتی: ئەوەی لەمڕۆدا لە ئێران و ئەفغانستان ڕوودەدات، دوو ڕووی یەک دراوەو سەرچاوەکەی تێڕوانینی پیاوسالارانەیە.

09:26

یونسێف ڕایگەیاند، نابێت کوشتنی منداڵان لە کەرتی غەززە وەک ڕووداوێکی ئاسایی سەیر بکرێت، لە پێنج ڕووداوی جیاوازی هەفتەی ڕابردوودا، هەشت منداڵ کوژران و ١٧ منداڵی دیکەش بریندار بوون.

09:08

لە جۆلەمێرگ کە بە شاخ دەورە دراوە، دروێنەی گیاکان بە توانەوەی بەفر دەستپێدەکات. گژوگیاکانی وەکوو ڕەشکەو سیابۆ لە بەرزاییەکانی شاخەوە کۆدەکرێنەوە و دوای رەنجی سەخت، دەبنە سەرچاوەی داهات بۆ خێزانەکە.