ڕۆژانە

19:00

فۆزا یوسف، ئەندامی دەستەی سەرۆکایەتی پەیەدە، داوای لە هێزە کوردستانییەکان کرد سەفەربەریی گشتی ڕابگەیەنن و جەختی کردەوە کە گەلی ڕۆژئاوا لەبەردەم مەترسییەکی گەورەی قڕکردن و کۆمەڵکوژیدایە.

16:09

هاوڵاتیانی شاری سلێمانی و چین و توێژە جیاوازەکانی کۆمەڵگە، لە دژی پلانە نێودەوڵەتییەکانی دەوڵەتانی داگیرکەر بۆ سەر ڕۆژئاوای کوردستان، بە دروشمە جیاوازەکان ڕژانە سەر شەقام و گردبوونەوەیەکی فراوانیان ئەنجامدا.

14:48

ڕژێمی ئێران دەیان ساڵە، لە چەوساندنەوە و بەئامانجگرتنی ژنانی کورد و ئێران بەردەوامە، بە مەبەستی سەرکوتکردنی دەنگیان و لەو چوارچێوەیەشدا، ناسنامەی ١٨ ژنی کوژراو و دەستبەسەرکردنی پێنج ژن ئاشکرا کرا.

14:37

دەسەڵاتدارانی ئێران شیما غوشی، پارێزەر و چالاکوانی مافی ژنانyan لە ماڵەکەی خۆیda دەستگیرکرد، تۆمەتی دەستگیرکردنەکەیان ئاشکرا نەکردووە.

14:07

لیژنەی کۆچبەرانی سەرێکانی بانگەوازێکی بڵاوکردەوە و داوای لە خەڵک و ڕێکخراوە مرۆییەکان کرد بەرپرسیارێتی خۆیان بەرامبەر بە هەزاران خێزانی کۆچبەری ڕەققە و تەبقا و حەلەب هەڵبگرن کە لە هێرشەکانی جیهادییەکانی هەتەشە بەرەو ناوچەی جزیرە کۆچیانکرد.

13:36

بۆردوومانی چڕ و پەرەسەندنی سەربازی بەردەوام و کۆچکردنی زۆرەملێ لە ژێر تەقەدا بووەتە هۆی ئەوەی هەزاران خێزان لەوان ژن و منداڵ و بەتەمەنەکان، جارێکی دیکە ماڵ و گەڕەکەکانیان بەجێبهێڵن.

12:52

خۆبەڕێوەبەری دیموکراتیک لە کانتۆنی جزیرە، لە باکوور و ڕۆژهەڵاتی سووریا سەفەربەری ڕاگەیاندو دووپاتی کردەوە کە سەفەربەری لە چوارچێوەی پاراستنی دەستکەوتەکانی شۆڕشی ڕۆژئاوا و بەهێزکردنی ڕۆحی بەرخۆدان و پاراستنی ڕەوای خاک و کەرامەت دێت.

12:22

لەگەڵ ئاوارەبوونی گەلدا، سودان بەرەو یەکێک لە خراپترین قەیرانە مرۆییەکانی جیهان دەڕوات، پارێزگای دارفۆری باکوور و کۆردۆفانی باشوور شاهیدی پەرەسەندنێکی سەربازیی مەترسیدارن.

10:48

ڕژێمی ئێران بە چەک ڕووبەڕووی خۆپیشاندانەکانی گەلانی ڕۆژهەڵاتی کوردستان و ئێران بووەوە، کە ژمارەی دەستبەسەر کردن و برینداربوون هەزاران کەسی تێپەڕاندووەو بنەماڵەی کوژراوەکان بە پڕکردنەوە و واژۆکردنی بەڵێننامە دەتوانن تەرمی کەسوکارەکانیان وەربگرنەوە.

10:40

تاڤگە حەمە ساڵح، بەڕێوەبەری دەزگای ئەنفال و شەهیدان لە کۆیە، دەڵێت: بەبۆنەی مردنی یەکێک لە مستەشارەکانی سەردەمی ڕژێمی بەعس بەناوی ''قاسم ئاغا''، لە م ڕۆژەدا نانی جەژنم دروستکرد و هیوادارم هەموو زاڵمێک لەناوبچێت.

10:24

بەڕێوەبەرایەتی گشتی تەندروستیی سلێمانی بڵاویكردەوە، ڕێژەی چاكبوونەوەی تووشبووانی شێرپەنجەی مەمك لە شاری سلێمانی لە ئاستێكی زۆر بەرزدایە، بە جۆرێك لە ٩٢٪ـی تووشبووان لە سەنتەری ژیانەوەی سلێمانی چارەسەر كراون.

09:51

دوو ژنی خێڵی کوردی عەلی زری لە گەڕەکی دەرعیەی شاری ڕەققە لەلایەن جیهادیەکانی هەتەشە کوژران، کە لە ژێر ئاڵای حکومەتی کاتی سووریا چالاکییان دەکرد.

09:24

لە وەڵامی هێرشە لەشکرکێشییەکانی باکوور و ڕۆژهەڵاتی سووریا، ژنانی شاری کۆبانێ هەڵوێستی خۆیان دەربڕی و ڕایگەیاند، ''بوونی ئێمە لە ناو دەچێت، وەک ژن ئامادەین بۆ هەموو مەرجێک''.

08:21

ئیلهام ئەحمەد، هاوسەرۆکی پەیوەندییەکانی دەرەوە لە خۆبەڕێوەبەری باکوور و ڕۆژهەڵاتی سووریا، داوای لە خەڵکی کانتۆنی جزیرە کرد کە وریایییەکی ئەوتۆیان هەبێت، هەروەها هەموو هەواڵەکانی پەیوەست بە "کۆمەڵکوژییەکانی حەسەکە" بە تەواوی هەڵبەستراون.

08:08

لە شارەکانی دویسبۆرگ و کارلسروە لە ئەڵمانیا، دژی بەردەوامی هێرشەکان بۆ سەر ڕۆژئاوای کوردستان و گوشارەکانی سەر ڕۆژهەڵاتی کوردستان، ڕێپێوان و خۆپێشاندانی ناڕەزایەتی بەڕێوەچوو.

07:22

کەلسوم حسین، چالاکوان دەڵێت: هەمیشە پیاوان لە توانای ژنان ترساون، چونکە توانای ژن لەپیاو بەهێزترە و ئەو پیاوانەشی هێرش دەکەنە سەر ژنان، لە لاوازی و بێ ئیرادەیی خۆیانەوەیە، ئەگینا ژنان زۆر بەهێزن و سیمبولی خواوەندەکان بوون لەمێژوودا.

17:56

لە شاری سلێمانی هاوڵاتیان بە دروشمەکانی" گەلی کورد یەکە"، " بژی بەرخۆدنی ڕۆژئاوای کوردستان"، گردبوونەوە بۆ پاڵپشتی لە ڕۆژئاوای کوردستان ئەنجامدرا.

14:56

نوێنەری پەیەدە لە باشووری كوردستان، لە کۆنگرەیەکی رۆژنامەوانیدا وتی: داوا لە گەلی كورد دەكەین پاڵپشتی ڕۆژئاوای كوردستان بكەن، چونكە لەوێ شەڕی مان و نەمانی كورد دەكرێ، داواش دەكەین باشووری كوردستان بۆ پاڵپشتی ڕۆژئاوا بڕژێنە سەر شەقام.

13:39

خوێندکاران و مامۆستایانی خوێندنگەی ئامادەیی هێڤیار، بەمەبەستی پشتیوانی بۆ ڕۆژئاوای کوردستان، شانۆگەرییەکیان لە ناو بازاڕی شاری کۆیە ئەنجامدا.

12:37

هەسەدە دەڵێت: هێزەکانمان بە هاوبەشی یەپەژە سێ هێرشی چەتەکانی جۆلانییان لە بەنداوی تشرین بەرپەرچدایەوە و دوو تانک، زرێپۆشێک و دوو ئۆتۆمبێلی دۆشکەهەڵگر و بلدۆزەرێک تێکشکێندرا .