ڕۆژانە

14:54

ڕێکخراوە پیشەییەکانی ڕۆژنامەنووسان ڕاگەیەندراوێکی هاوبەشیان سەبارەت بە زیادبوونی توندوتیژییەکانی ئەم دواییەی دژ بەڕۆژنامەنوسان بڵاوکردەوە و ڕایانگەیاند: هەمیشە بە ئیرادەمان ئازادی ڕۆژنامەگەری دەپارێزین.

14:27

دەستەی کولتوور و هونەر لە شاری قامیشلۆ لە ناوچەی باکوور و ڕۆژهەڵاتی سووریا دانیشتنێکی گفتوگۆی لەسەر گرنگی پاراستنی میراس و ناساندنی پێکهاتەکان بە میراسی یەکتر ئەنجامدا.

13:52

شارەوانی قامیشلۆ بە دروشمی "دار سیی شارە" لە باخچەی خوێندگەی ئەحمەد میرۆد لە قامیشلۆ - باکوور و ڕۆژهەڵاتی سووریا ١٥ نەمامی چاند.

13:17

ڕاگەیەندراوە لەکاتێکدا کە هێرشەکانی ئیسرائیل بەردەوامە، لە دووەم حاڵەتی هەڵمەتی کوتانی ئیفلیجی منداڵان لە غەززە ٥٥٦ هەزار و ٧٧٤ منداڵی خوار تەمەنی ١٠ ساڵ کوتانیان کردووە.

12:55

کۆنگرەی ستاری عەفرین-شەهبا لەڕاگەیەندراوێکی ڕۆژنامەوانیدا، گۆشەگیری ڕێبەری گەلی کورد عەبدوڵا ئۆجالانی شەرمەزار کرد، هەروەها سەرنجیان بۆ سیاسەتەکانی گۆشەگیری ڕاکێشا و داوای بەهێزکردنی تێکۆشانیان کرد.

12:28

لە ماوەی ٢٤ كاتژمێردا نزیكەی ٨٠٠ كەس لە سنووری شارۆچكەی شارەزوور، تووشی سكچوون ڕشانەوە بوون، تەندروستی سلێمانی تیمی تەندروستی و پێداویستی پزیشكی ڕەوانەی شارەكە كردووە.

12:23

کۆمەڵەی مافی مرۆڤ ڕایگەیاند، لە ماوەی ٣ مانگدا هەزار و ٥٢٥ حاڵەتی پێشێلکاری مافی مرۆڤ لە زیندانەکانی ناوچەی مەڕمەڕە و ١٥٤ حاڵەتی لە زیندانی ئیمرالی ڕوویانداوە.

11:47

تا ئێستاش لەبیری بارینی دێرەزوورییە کە چۆن چەتەکانی داعش ژنانیان سەربڕیوە و ڕێگەیان بە منداڵان دا بەردبارانیان بکەن، بۆیە بۆ هۆکاری ئەو توڕەییەی لە داعش، لە ساڵی ٢٠٢١ پەیوەندی بەیەپەژە کرد و ئێستا بەشداری ئۆپەراسیۆنی ئاسایشی بەردەوام دەکات.

11:26

بەپێی ڕاپۆرتی ژن نیوز لە مانگی تشرینی یەکەمدا٤٣ ژن و ٦ منداڵ لەلایەن نزیکترین پیاوی خیزانەکانیان کوژراون و گیان لەدەستدانی ٢٢ ژن و چوار منداڵیش بە گوماناوی تۆمارکراوە.

09:35

ئەو ژنانەی دژایەتی قەیومی سەپێندراو ددەکەن، شەقامەکانیان چۆڵ نەکرد و وتیان: ئێمە لە دزەکان ناترسین.

09:14

لە تونس زۆرێک لە چالاکوانانی مافی مرۆڤ و سیاسەتمەدار و ژنە پارێزەران بەهۆی ڕەخنەگرتن لە حکومەت دەستگیرکراون، چالاکوانانی کۆمەڵگەی مەدەنی بۆ ئازادکردنیان چەندین چالاکی و هەڵمەت بەڕێوەدەبەن.

08:54

ڕوکەن ئەحمەد، ئەندامی لیژنەی پەیوەندی و هاوپەیمانی دیموکراتیکی کۆنگرەی ستار، جەختی لە دامەزراندنی دادگایەکی نێودەوڵەتی بۆ دادگاییکردنی ژنانی داعش کردەوە.

19:28

دەستەی داکۆکی لە مافەکانی مامۆستایان و فەرمانبەران لەبەردەم پەروەردەی گشتیدا، کۆنگرەی ڕۆژنامەوانیان ئەنجامدا و وتیان: لە ئاکامی جێبەجێ نەکردنی داواکاریەکانمان حکومەت ڕووبەڕووی سزاو خۆپشاندانی سەرتاسەری فەرمانبەران دەبێتەوە.

14:33

لە قەرەباڵغترین شەقامی شاری وان لە دژی دانانی قەیوم زنجیرەیەکی مرۆیی دروست بوو.

14:13

بەڕێوەبەرایەتی تەندروستی سلێمانی بڵاویكردەوە، لە مانگی ئۆكتۆبەری پەمەیی لە نۆرینگەکانی چارەسەری نەخۆشیەكانی مەمك چوار حاڵەتی شێرپەنجەی مەمك تۆماركراوە.

13:51

بەپێی ڕاپۆرتی پێشێلکردنی مافی ڕۆژنامەنووسان کە لەلایەن کۆمەڵەی ڕۆژنامەنووسانی ژن لە میزۆپۆتامیا (MKG) دەرچووە؛ لە ماوەی مانگی تشرینی یەکەمدا ٦ ڕۆژنامەنووس دەستگیرکران، ٥ ڕۆژنامەنووسیش هەڕەشەیان لێکرا.

12:29

سەرچاوە فەرمییەکانی لوبنان پشڕاستیانکردەوە، هێزەکانی ئیسرائیل لە سەرەتای بۆردومانی لوبنانەوە تا ئێستا ڕووپێوی ٣٧ شارۆچکەیان کردووە و زیاتر لە ٤٩ هەزار یەکەی نیشتەجێبوونیان وێران کردووە.

12:12

مامۆستایانی وانەبێژ لە ڕانیە، بەهۆی دانەمەزراندیان بەشێوەی گرێبەست گردبووەنەوەیەکی ناڕەزایەتییان ئەنجامدا.

11:34

یەکینەکانی پاراستنی ژنان، هێزەکانی سووریای دیموکراتیک و هێزەکانی ئاسایشی ناوخۆ لە کۆنگرەیەکی ڕۆژنامەوانیدا ئۆپەراسیۆنی "ئاسایشی بەردەوام"یان لە کامپی هۆل و دەوروبەری ڕاگەیاند.

11:09

لە کاتێکدا وتەبێژی ڕژێمی ئێران بانگەشەی ئەوەی کردووە کە ئاهو دەریایی دەستبەسەر نەکراوە، ڕێکخراوی لێبوردنی نێودەوڵەتی نیگەرانی خۆی لە گواستنەوەی بۆ نەخۆشخانەی دەروونی دەربڕیوە.