ڕۆژانە

08:07

بەهۆی بۆردوومانێکی فڕۆکە جەنگییەکانی ئیسرائیلەوە بۆ سەر ناوچەکانی باشووری لوبنان ڕۆژنامەنووس ئامال خەلیل کوژرا.

07:50

لە بەرامبەر هێرشەکانی ڕژێمی ئێران بۆسەر باشووری کوردستان، هاوپەیمانی هێزە سیاسییەکانی کوردستانی ئێران ڕاگەیاندراوێکی سی خاڵی بلاوکردەوەو دەڵێت: ئەم هێرش و قوربانیانە ئیرادەمان نالەرزێنێت و باوەڕمان بە ڕەوایی خەبات بۆ ڕووخانی ئەم ڕژێمە پۆڵاینتر دەکات.

07:14

دیدار شەهلا، خاوەنی پەڕتوکخانە و ڕۆژنامەنووس دەڵێت: کارکردنم لە دونیای پەڕتوکدا تەنها خولیایەکی ٢٢ ساڵ نییە بەڵکو بەستەوەی خۆمە بە کێشەکانی خەڵکەوە، تا بتوانم خوێندنەوە بۆ کێشەکانی ژنان بکەم.

15:48

لە شاری سلێمانی لە ڕۆژی جیهانی زەوی، بە ئامادەبوونی ژینگەدۆستان و چالاکوانان بە ناونیشانی " دروستکردنی پەیوەندی نێوان زەوی و کۆمەڵگە" پانێڵێک بەڕێوەچوو

14:00

تەیب تەمەل، جێگری هاوسەرۆکانی دەم پارتی بە بۆنەی ڕۆژی ڕۆژنامەگەریی کوردییەوە ڕایگەیاند، هەموو ئەو شەهیدانەی ڕاگەیاندن بە ڕێزەوە بەبیردەهێنینەوە، کە لە ڕێی ڕاستیدا گیانیان فیدا کرد.

12:15

لە ساڵیادی ڕۆژنامەگەری کوردیدا، لقی سلێمانیی سەندیکای ڕۆژنامەنووسان و سەنتەری میترۆ، چەند پڕۆژە و داواکارییەکیان بۆ باشکردنی دۆخی ئازادیی ڕادەربڕین و پاراستنی مافی ڕۆژنامەنووسان ڕاگەیاند، داواشیان کرد کۆتایی بە زیندانیکردنی قەڵەمە ئازادەکان بهێنرێت.

11:15

لە هەلومەرجی زیادبوونی ململانێ سیاسییەکان وفشارەکانی ڕژێمی ئێران، دۆخی زەینەب جەلالیان کە نەخۆشەو چارەسەر ناکرێت لەگەڵ زیندانییەکی دیکە بەناوی پەریسا کەمالی لە مەترسیدایە.

10:52

بەپێی ئەو بەڵگەنامانەی لە ماوەی سێ ساڵی ڕابردوودا ژنان و پیاوان و منداڵانی لەخۆگرتبوو، ڕاپۆرتێکی ئەم دواییەی مافی مرۆڤ پەرەسەندنێکی مەترسیدار لە بەکارهێنانی توندوتیژی سێکسی و هەراسانکردن لەلایەن هێزەکانی ئیسرائیلەوە وەک ئامرازێک بۆ فشارکردن، ئاشکرا دەکات.

10:15

ژنانی گوندی شێرانی سەر بە شاری کۆبانێ، کە دەستیان کردووە بە چاندنی باخی هاوینە، ڕایانگەیاند، ئەم شێوازە لە کشتوکاڵکردن کولتوورێکە، لەسەر بنەمای هەزاران ساڵ ڕەنجی دروستکراوی دەستی ژنانە.

08:41

ئەو سکاڵایەی لەسەر رەحاب موبارەک سەید ئەحمەد، پارێزەر و چالاکوان تۆمارکراوە، نیگەرانییەکی بەرفراوانی داکۆکیکارانی مافی مرۆڤی لێکەوتۆتەوە، ئەمەش لەکاتێکدایە هۆشدارییەکان بەوەی کە یاساکە وەک ئامرازێک بەکاردەهێنرێت بۆ بەرتەسککردنەوەی کاری مافی مرۆڤ و ترساندن

08:33

ڕۆژنامەنووس جودی عەلی دەڵێت: ڕۆژنامەنووسانی کورد بە بەڵگەنامە کردنی ڕووداوەکان بوونەتە دەنگ و ڕەنگی ڕاستی، لە سایەی کاری هەڤاڵەکانمان، ئەمڕۆ خاوەنی میراسێکی دەوڵەمەندین، ڕۆژنامەگەری کوردی میراسێکی سەد ساڵەی بۆ بەجێهێشتین.

08:08

ئەیهان یونس دەڵێت: نابێت یەپەژە ناسنامەی خۆی لەدەست بدات و پێویستە بەبێ گۆڕانکاری وەک سوپای ژنان بخرێتە ناو وەزارەتی بەرگری سووریاوە، داوای لە ژنانی جیهان کرد بە ڕۆحی ئینتەرناسیۆنالیست ئیڤانا هۆفمان و لێگەرین چیە پشتیوانی یەپەژە بکەن.

07:13

٢٢ ی نیسان تەنها ساڵیادی دەرچوونی یەکەم ژمارەی ڕۆژنامەی کوردستان نییە لە قاهیرە بەڵکو وێستگەیەکە بۆ تێڕامان لەو مێژووەی کە تێیدا ژنی کورد لە بێدەنگییەوە بەرەو بوێری هەنگاوی ناوە.

13:03

ڕێکخستنی ئیستەنبوڵی دەم پارتی ڕایگەیاند کە ١ی ئایار لە کادیکۆ دەبن و بۆ مافەکانی کرێکاران، دیموکراتیک و ئاشتی بانگەوازی بەشداریکردنی جەماوەری دەکەن.

12:34

ئەنجومەنی عشتار لە کامپی پەنابەرانی مەخموور لە ڕاگەیاندراوێکدا کۆمەڵکوژییەکانی دژی ژنان و پێکهاتەکان شەرمەزار کرد.

11:49

تاژێ ئیدانەی کەمتەرخەمی نەخۆشخانە ئەهلییەکانی سلێمانی کردو ڕایگەیاند، بەئامانجکردن و کوشتنی ژنان پێشێلکردنی مافەکانی مرۆڤە و وتی: کوشتنی ژنان لە ئاستێکی بەرزدا ئەزموون دەکرێت، ئێمەی ژنان زۆرترین پێویستمان بە هاودەنگی و یەکڕیزییە.

11:15

ڕێکخراوی لێبوردنی نێودەوڵەتیی بڵاویکردەوە ئێران هەزاران کەسی بە هەرەمەکی و توندوتیژییەوە دەستبەسەر و هەراسان کردووە، ژنان و پێکهاتەکان ڕووبەڕووی سەرکوتکردن بوونەتەوە، دەشڵێن یاسای لەسێدارەدان بەسەر چالاکواناندا دەسەپێنێت بۆ ڕەوایەتیدان بە لەسێدارەدانیان.

10:40

حەیات فەهد، ئەکتەری کوەیت، یەکێک لە کەسایەتییە دیارەکانی مێژووی درامای کەنداو، دوای کارێکی درێژخایەن و جیاواز کە دەیان ساڵ بوو، لە تەمەنی ٧٨ ساڵیدا دوای شەڕکردن لەگەڵ نەخۆشی کۆچی دوایی کرد.

10:20

چاوداش ئۆزدەمیر، سەرپەرشتیاری پزیشکی پێشووی نەخۆشخانەی حکومیی دێرسیم کە لە چوارچێوەی دۆسیەی گوڵستان دۆکودا ڕاگیرابوو، بڕیاری دەستگیرکردنی بۆ دەرچوو.

09:17

عەزیزە عەبدوڵا کە لە تەمەنی ١٢ ساڵیدا بەشداری پەکەکەی کردووە و بیرۆکەکانی ڕێبەری گەلی کورد عەبدوڵا ئۆجالانی ناسی، دەڵێت: ڕێبەر ئاپۆ ساڵانێکی زۆر لە زیندانی ئیمرالی بەسەر بردووە، بەڵام ئێمە دەستبەرداری بیر و فەلسەفەی ئەو نەبووین.