ڕۆژانە

12:21

هاوسەرۆکی پەیەدە بە مەبەستی بەخێرهاتن و سوپاسگوزاری پێشوازی لە گرووپێک لە ژنان و چالاکوانان و توێژە جیاوازەکانی باشووری کوردستان کرد کە چووبوونە ڕۆژئاوای كوردستان.

12:13

شاندی دەم پارتی و دەبەپە و نوێنەری ڕێکخراوە کۆمەڵایەتییەکان بۆ چوونە ناو ڕۆژئاوای کوردستان، گەیشتوونەتە شاری سلۆپی.

11:24

زەهرە وەردی، چالاکوانی مافی مرۆڤی مەغریبی هۆشداریدا لەوەی کە پەرەسەندنی ئەم دواییەی باکوور و ڕۆژهەڵاتی سووریا، ژنان پاڵدەنێتە پێشەوەی مەترسییەکان، ئەمەش لە کاتێکدایە کە توندوتیژی و ئاوارەبوون و نەبوونی پاراستن و لێنەپرسینەوە هەیە.

10:37

١١ ڕێکخراوی کورد کە لە ئەمریکا کاردەکەن و ئەندامی ئەنجومەنی شاری بێلڤیو لە ویلایەتی واشنتۆن نارین بڕیار، داوای وەرگرتنی بەرپرسیارێتییان لە کۆنگرێسی ئەمریکا کرد سەبارە بە هێرشەکانی سەر ڕۆژئاوای کوردستان.

10:24

گەنجانی کورد لە ڕۆژئاوای کوردستان، دەڵێن: ئێمە وەکو گەنجانی باشوور و ڕۆژئاوا و ڕۆژهەڵاتی کوردستان، لە سۆنگەی بەرپرسیارێتیمان بەرامبەر پاراستی وڵاتمان، بە ئامانجی بەرگریکردنمان لە ڕۆژئاوا بەشداری سەفەربەری گشتی دەبین شان بە شانی شەڕڤانان بەرخۆدان دەکەین.

10:07

لە باکووری کوردستانەوە تا کۆبانێ، لە ڕۆژئاوای کوردستان تا سنوورەکانی کوردستان، گەلی کورد لە ساتێکی مێژوویی سەرەکیدا یەکدەگرن، سەفەربەری ژنان و گەل ئامادەیی تەواو بۆ بەرخۆدان بەرجەستە دەکات و هێزی ئیرادەی گەل لە بەرامبەر بۆردوومان و هێرشەکاندا نیشان دەدات.

09:38

بۆ وەڵامدانەوەی سەفەربەری ئیدارەی خۆبەڕێوەبەری، بۆ پاراستنی ڕۆژئاوا بەرەبەیانی ئەمڕۆ، سێیەم کاروانی گەل لە سلێمانییەوە بەرەو ڕۆژئاوای کوردستان بەڕێکەوتن.

09:28

دانیشتوانی کامپی مەخموور دەستیان بە چالاکییەکان کردووە بۆ پشتیوانیکردن لە بەرخۆدانی ڕۆژئاوای کوردستان و ڕایانگەیاندووە کە تا ئەو کاتەی هێرشەکان دەوەستن، هەموو ڕۆژێک دەچنە سەر شەقامەکان.

08:27

دەستپێشخەریی ژنانی "پێویستم بە ئاشتییە" لە بەردەم کۆنسۆڵخانەی سووریا لە ئیستەنبوڵ، هێرشەکانی سەر ڕۆژئاوا کە لەلایەن چەتەکانی هەتەشەوە بە پشتیوانی دەوڵەتی تورکەوە ئەنجام دەدرێن، شەرمەزار کرد.

08:20

لە بەرامبەر بانگەوازی ئیدارەی خۆبەڕێوەبەری دیموکراتیکی باکوور و ڕۆژهەڵاتی سووریا، ژنانی کورد داوای هۆشیاری و بەشداریکردنیان لە سەفەربەری دەکەن و دەڵێن: ئێستا کاتی بوونە.

07:45

ژنانی کۆبانێ چوونە سەر شەقامەکان بۆ شەرمەزارکردنی هێرشە بەردەوامەکان، ئیرادەی خۆیان بۆ درێژەدان بە بەرخۆدان تا ڕزگارکردنی خاک لە دەستی چەتەکانی داعش و جیهادییەکان دووپاتکردەوە.

07:30

ژنانی چالاکوان لە دەروازەی ڕاپەڕینەوە ڕایانگەیاند، کە پاراستنی ڕۆژئاوای کوردستان پاراستنی شکۆی هەموو کوردانە و پێویستە ژنان بە پێشەنگایەتی خۆیان شەقامەکان بورووژێنن. جەختیشیان کردەوە کە چیتر کاتی دانیشتن نییە.

21:44

پێنج ڕێکخراوی ژنانی ڕۆژهەڵاتی کوردستان ڕایانگەیاند، کردەوەکانی گرووپە چەتەکان هەر هەمان داعشە و مەترسییەکی گەورەیە بۆ سەر دەستکەوتەکانی ژنان.

21:43

لە سلێمانی خۆپیشاندان دژی هێرشەکانی سەر ڕۆژئاوای کوردستان بەردەوامە و چین و توێژە جیاوازەکانی کۆمەڵگە لەبەردەم باخی گشتی تاوەکو ڕەند گەلەری ڕیپێوانیان ئەنجامدا.

21:33

ناوەندی ڕاگەیاندنی هەسەدە ڕایگەیاند کە چەتەکانی ئیدارەی کاتی ئاگربەستەکەیان پێشێل کردووە و تۆپبارانی شاری زرگان لە کانتۆنی جزیرە دەکەن.

19:29

ئەمڕۆ گەلی کوردی ڕۆژئاوا لە شاری کۆیە، تێکڕا بە دروشمی "کوردستان یەکە" گردبونەوەو ڕێپێوانێکیان سازکرد، کە بەشێوەیەکی بەرچاو ژنان ئامادەی خۆپیشاندانەکە بوو، و لەناویان بەشێکی زۆر لە ژنانی کوردی ڕۆژئاوابوون کە لەکۆیە پەنابەرن.

18:27

پەرێز عومەر، چالاکوان لە هەولیر لە پەیامێکیدا لەڕێگەی نوژنهاوە دەڵێت: ئەوەی ئێستا لە کوردستان ڕوودەدات، درێژ دانە بەهەمان عەقڵی دێرسیم و ئەنفال و کیمیا بارانکردنی باشووری کۆردستان.

18:12

لە دیمەنێکدا کە ڕەنگدانەوەی پشتیوانی گەلە بۆ بژاردەی بەرخۆدان، دانیشتووانی شاری حەسەکە دەڵێن: بەرخۆدانی گەل تاکە ڕێگایە بۆ ڕووبەڕووبوونەوەی هێرشەکان، داوای هاودەنگی کورد دەکەن بۆ بەرگریکردن لە ڕۆژئاوای کوردستان.

18:06

فۆزا یوسف، ئەندامی دەستەی سەرۆکایەتی پارتی یەکێتی دیموکراتیک پەیەدە داوای لە هەموو کوردان کرد بۆ تێکشکاندنی هێرشەکان چەک هەڵبگرن و بەشداری لە سەفەربەری گشتیدا بکەن.

16:08

کاتژمێر١:٠٠ی پاشنیوەڕۆی ئەمڕۆ لە سلێمانی ڕێپێوانێکی گەورە بەرەو ڕۆژئاوای کوردستان کە لەلایەن ئەنجومەنی سەرتاسەریی هاووڵاتیانی باشوور ڕیکخرابوو دەستیپێکردوو دووەم کاروان بەپاس بەڕێکەوتن.