ڕۆژانە

13:50

ژنانی ڕۆژنامەنووسی کامپی مەخموور بە ڕاگەیەندراوێک ناڕەزایەتیییان بەرامبەر بڕیاری داخستنی دامودەزگاکانی ژنان لە سلێمانی نیشانداو وتیان: بێدەنگ نابین و بیدەنگ ناکرێین، بەدواداچوون بۆ ڕاستییەکان بەردەوام دەبێت.

13:38

حکومەتی کاتی سووریا حیجاب بۆ ژنان دەسەپێنێت، ئەو ڤیدیۆیانەی کە نیشان دەدەن چۆن بانگەواز بۆ خەڵک و ژنان دەکەن کە پێویستە لەچک و جلی ڕەش لە گەڕەکێکی مەسیحی لە حەلەب زیاد بکەن.

12:41

دەیان کەسی مەدەنی لە زنجیرەیەک هێرشی هێزەکانی ئیسرائیل لە شارەکانی غەززە و خان یونس لە کەرتی غەززە، برینداربوون و گیانیان لەدەستدا.

11:29

ڕێکخراوی لێبووردنی نێودەوڵەتی دەڵێت: ساڵی ڕابردوو لە لایەن تاڵیبانەوە هەڕەشەی جدی بۆ سەر مافەکانی ژنان درووستبووە، داوا لە وڵاتانی جیهان دەکەین لە ئەمساڵەوە پابەند بن بە بەڵێنەکانیان لەبارەی پاراستنی مافەكانی ژنان.

11:08

ڕێکخراوی کۆمەڵەی مافی مرۆڤی کوردستان بڵاویکردەوە، لە ساڵی ڕابردوودا ٩٧ ژن ناچار بە خۆکوشتن کراون و ٤٧ ژنیش کوژراون.

10:53

مامۆستايان و فەرمانبەرانی سنووری سلێمانی ڕایانگەیاند، حكومەتی كار بەڕێكەری هەرێم موچەكانیانی بە بارمتە گرتووەو لە ئێستادا متمانەیان بە حكومەتی هەرێم نەماوە.

10:26

ڕاستی ڕووداوێک لە گوندەکانی مەنبجەوە لە ناوچەی باکوور و ڕۆژهەڵاتی سووریا کە داگیرکراوە، تیرۆرکردنی سێ کەسە لە بنەماڵەیەکی کوردەوە.

10:04

لە بەرامبەر هێرشەکانی سەر باکوور و ڕۆژهەڵاتی سووریا، ئەو ژنانەی دوای ١٠ ساڵ جارێکی دیکە لە سنووری کۆبانێ ئێشکگری دەکەن وتیان: چارەسەر و ئاشتیمان دەوێت، پێویستە هەمووان سەردانی ئەم شوێنە بکەن، بە پشتیوانی گەلی ڕۆژئاوا جارێکی دیکە سەرکەوتوو دەبن.

09:35

ئەو ژنانەی بەهۆی هێرشە داگیرکارییەکانی دەوڵەتی تورکەوە لە شارەکانی شەهبا، تل ڕەفعەت و مەنبج ئاوارە بوون، ڕایانگەیاند کە دەوڵەتی تورک و چەتەکانی لە ناوچە داگیرکراوەکان تاوانی دژ بە مرۆڤایەتی ئەنجام دەدەن و داوایان لە گەل کرد هەڵوێستیان هەبێت.

14:30

لە ماوەی ٢٤ کاتژمێری ڕابردوودا لە ٣ شاری تورکیا ٣ ژن کوژران، یەکێک لەو ژنانە سەرەڕای بڕیاری دورخستنەوە، بەڵام پارێزراو نەبوو، بکوژی یەکێکی دیکەش لە ژنانە تا ئێستا دەستگیر نەکراوە.

13:40

دەوڵەتی داگیرکەری تورکیا بینای شارەوانی شارۆچکەی ئازادی، کە دەکەوێتە باکووری ڕۆژئاوای شاری تەبقا بە فڕۆکەی بێ فڕۆکەوان بۆردوومان کرد.

12:59

خاوەن پێداویستییانی ژن لە فیدراسیۆنی خاوەن پێداویستییانی باکوور و ڕۆژهەڵاتی سووریا لە بەیاننامەیەکی نووسراودا، لە کاردانەوە بەرامبەر قسەکانی عائیشە دبس لە فەرمانگەی کاروباری ژنان لە دیمەشق، ڕایانگەیاند، هیچ هێزێک ناتوانێت شکست بە شۆڕشی ژنان بهێنێت.

12:26

ئەحلام زێن لە غەززەوە ئاماژەی بەوەدا کە پێش شەڕی غەززە پەیوەندییە کۆمەڵایەتییەکان بەهێز بوون، بەڵام بەهۆی بەردەوامبوونی شەڕ و گرانبوونی نرخی کاڵاکان، ئێستا ئەو پەیوەندییانە لاواز بوون.

11:58

بە پێی ڕاپۆرتی ساڵی ٢٠٢٤ی کەمپەینی چالاکوانانی بەلوچ؛ دەرکەوتووە ژنانی بەلوچ لە ساڵی ٢٠٢٤ لەلایەن دامەزراوە خێزانیی و دەوڵەتییەکانەوە تووشی توندوتیژی و ستەم بوون و لە ئەنجامدا ژمارەیەکی زۆر لە ژنان کوژران و بریندار بوون.

09:19

 عەزیزە حەسۆ جەختی لەوە کردەوە کە ئایین بە هۆشی پیاوسالارەوە لە جەوهەرەکەی دوور خراوەتەوە و وتی: ١٣ ساڵە هیچ ئایین و باوەڕ و پێکهاتەیەک لە سیستەمی نەتەوەی دیموکراتیکدا پێشێل نەکراوە، لە سووریای نوێدا پێویستە سوود لە سیستەمی خۆبەڕێوەبەری وەربگیرێت.

14:30

بەپێی ڕاپۆرتی "کارنامەی ئازادی ڕۆژنامەگەری ٢٠٢٤: ئەناتۆمی بێدەنگکردنی ڕاستی"، لە ئەنجامی هێرشی دەوڵەتی تورکیا چوار ڕۆژنامەنووس گیانیان لەدەستداوە، ١١٢ڕۆژنامەنووس دەستبەسەر کراون و ٢٦ ڕۆژنامەنووس دەستگیرکراون.

13:42

تاژێ ڕاگەیەندراوێکی دژ بە هێرش بۆ سەر دامودەزگا و ڕێکخراوەکانی ژنان لە سلێمانی دەرکرد و ڕایگەیاند، ئیدانەی ئەو هێرشانە دەکەن.

12:38

لیژنەی پاراستنی ڕۆژنامەنووسان و پەیامنێرانی بێ سنوور ڕەگەیەندراوێکیان بڵاوکردەوە و داوای ئازادکردنی دەستبەجێ و بێ مەرجی ڕۆژنامەنووسی ئیتاڵی سێسیلیا سالا دەکەن.

12:19

ڕۆژنامەنووسانی ژن لە باشووری کوردستان، لە بارەی ڕاگرتنی کارەکانی کۆمپانیای گزنگی بەربەیان، کە بۆ ژن تیڤی کار دەکات، ڕاگەیەندراوێکیان بڵاوکردەوە و ڕایانگەیاند، "‎ئەم هەنگاوە بنەما سەرەکییەکانی سەربەخۆیی میدیا و ئازادیی ‎رادەربرین، تێکدەدات".

12:08

ئەمڕۆ لە بارەی ڕاگرتنی کارەکانی کۆمپانیای گزنگی بەربەیان کۆنگرەیەکی ڕۆژنامەنووسی ئەنجامدرا و سەنتەری میترۆ ڕایگەیاند، داخستنی هەندێک ناوەندی رێكخراوەیی و میدیایی پەیوەندی بە فشاری دەرەكییەوە هەیە، بڕیارەكە سیاسییە بەڵام بەرگی یاسای لەبەركراوە.