ڕۆژانە

13:35

لە شاری سلێمانی، لە لایەن سەرۆکایەتی زانکۆی سلێمانی، بە ئامادەبوونی ڕۆژنامەنووسان و میدیاکاران، پێشکەشکردنی چەندین چالاکی میدیایی، خەڵاتی ڕێزلێنان بە ٣٧ دەزگای میدیای باشووری کوردستان، لە ساڵڕۆژی ڕۆژنامەگەری کوردیدا، بەخشرا.

13:10

دەوڵەتی ئێران شەهناز تەباری, چالاکوانی بە تۆمەتی "پڕوپاگەندە دژی ڕژێم" دەستبەسەر کرد.

12:43

سەنتەری میترۆ بەبۆنەی یادی ١٢٧ ساڵەی ڕۆژنامەگەریی کوردییەوە پیرۆزبایی لە ڕۆژنامە نووسان دەکات و ڕایدەگەیەنێت، تیرۆركردنی ڕۆژنامەنووسان بەبێ سزا تێپەڕبوون، ب لە هەرێم خواستی جێبەجێكردنی یاسای ڕۆژنامەنووسی نییە.

12:29

ڕۆژنامەگەری کوردی ڕۆڵێکی گرنگی هەبووە لەپاراستنی ناسنامەی کوردی و گەیاندنی خەباتی گەلەکەی،هەمیشە دەنگی بەرخۆدان و ئازادی بووە، ٢٢ی نیسان سەرەتای ڕاگەیاندنی کوردی، دەنگی هاوڵاتیان و دەنگدانەوەی خەباتی ژنانی کورد بۆ گەیشتن بە دادپەروەری و ئازادییە.

12:15

دەم پارتی بەبۆنەی ڕۆژی ڕۆژنامەگەری کوردییەوە ڕایگەیاند، ئەم ڕێگەیە کە بێسنوور بەردەوام بەرەو حەقیقەت دەچوو ئەمڕۆ لە سەرانسەی ڕۆژهەڵاتی ناوەڕاست و بە تایبەتی لە کوردستان بووە بە هێزێکی واتاداری لێگەڕینی ئاشتی و کۆمەڵگەی دیموکراتیک.

10:39

لە سەردەمێکدا کە کڵێشەی نێرینە زاڵە بەسەر وێژەدا، دەنگی ژنان دەردەکەون بۆ دووبارە داڕشتنەوەی چیرۆکەکان لە گۆشەی ئازار و گەڕان بەدوای واتادا، نووسەر سومەیە قەرفادی لە پێناو ئاشکراکردن و دۆکیۆمێنت و بەرگریدا دەنووسێت.

09:25

بەهۆی نەبوونی پرۆگرامی چاکسازی، ٢٢ هەزار منداڵ لە ناو کامپی هۆل لەگەڵ ئایدۆلۆژیای توندڕەوی داعش گەورە دەبن.

08:57

خالیدە بۆتی، ئەندامی دەستپێشخەری ژنانی باکوور و ڕۆژهەڵاتی سووریا، کە بەشێک بوو لە کاروانی هاوکارییەکان بۆ کەناراوەکانی سووریا، سەرنجی بۆ بەربەستی هاوکارییەکان ڕاکێشا و وتی: پێویستی بە کردنەوەی ڕێڕەوی سەلامەت هەیە بۆ ئەوەی هاوکارییەکان بگەنە کەناراوەکان.

07:49

سەندیکای ڕۆژنامەنووسانی کوردستان ١٢٧ـەمین ساڵەی ڕۆژنامەگەریی کوردیی پیرۆز کرد و ڕایگەیاند، ئاڵنگاریی زۆر لە بەردەم کاری میدیا لە هەرێمی کوردستاندا هەیە و جیاکارى لەنێوان دەزگاکانی ڕاگەیاندن دەکرێت، هەروەها بڕیاریاندا بۆردی ژنانی ڕۆژنامەوان كارا بکەن.

17:54

لە شاری سلێمانی، بە ئامادەبوونی ژنانی چالاکوان و سیاسەتمەدار، لە کۆنگرەی یەکێتی ژنانی کوردستان، چەندین خەڵاتی ڕێزلێنانی شاناز ئیبراهیم خەیات خانمی یەکەمی عێراق، بەخشرایە ١٨ ژنە چالاکوان و داکۆکیکار لە مافەکانی ژنان.

16:50

مامۆستا و خوێندکارانی بەشداربووی خۆپیشاندان لە تەعزی یەمەن ئاماژەیان بەوەکرد، هەڕەشەیان لێکراوە و تۆقێندراون، داوای ئاسایی کردنەوەی بارودۆخیانیان کرد.

11:38

هەڵمەتی ئاسایش بۆ پشکنینی کامپی هول و دەوروبەری لە چوارەم ڕۆژیدا بەردەوامە،هەڵمەتی گەڕان و پشکنینی بەرفراوان لە چەند کەرتێکی کامپەکە بەڕێوە دەچێت.

10:45

کەمپینی ژنانی باشوور بۆ پشتیوانی ڕۆژئاوا ١٨٢مۆم بۆ ڕۆژی ئەنفاڵ لە ناو ئاوی پارکی سەرچنار داگێرساند.

10:10

بەشداربووانی دانیشتنی گفتوگۆ کە لەلایەن ئەنجومەنی ژنانی سووریا لە دەرعا ڕێکخراوە، جەختیان لە سەر پێویستی ڕێکخستنی کۆبوونەوەی هۆشیاری بۆ دایکان و منداڵانی کچ، بەهێزکردنی ژنان لە ڕووی ئابووری، پاڵپشتیکردنی مافەکانی ژنان کردەوە.

09:34

شەقایەق نەورۆزی سەبارەت بە تێکۆشەرانی دادخوازی پەخشان عەزیزی، وریشە مورادی، و شەریفە محەمەدی دەڵێت: چالاکییەکانیان بۆ پشتیوانی لە پەراوێزترین چینەکانی کۆمەڵگە ئەنجام دراون.

08:31

کریستیانەکانی شاری کۆیە لە دووای ٥٠ ڕۆژ بەڕۆژوو بوون، بۆ ڕێز گرتن لە داب و نەریتی کۆنیان جەژی هەستانەوەیان پیرۆز کرد.

14:57

دەستپێشخەری نون بۆ ئازادی ڕێبەری گەلی کورد عەبدوڵا ئۆجالان جەختی لەسەر گرنگی ئەو وڵاتانە کردەوە کە هەوڵ دەدەن فشار بخەنە سەر تورکیا،بۆ چارەسەرکردنی ئەو قەیرانەی کە لە ڕەگەوە پێیدا تێدەپەڕێت لە پێناو بەدیهێنانی سەقامگیری وڵاتانی دراوسێ و ناوچەکە.

14:31

سیمینارێک لە عێراق دەربارەی ئاڵەنگاریایەکانی بەردەم ژنان لە بواری ڕاگەیاندن و هونەردا بەڕێوەچوو، بەشداربووان جەختیان لە گرنگی هاودەنگی ژنان لەو دوو بوارەدا بۆ ڕووبەڕووبوونەوەی ئاڵەنگارییەکان کردەوە.

13:38

ئیلهام ئەحمەد، هاوسەرۆکی لێژنەی پەیوەندییەکانی دەرەوەی خۆبەڕێوەبەری دیموکراتیک ڕایگەیاند، دەیانەوێت لە دەستووری نوێی سووریادا مافەکانی کورد دەستەبەر بکرێت و پێویستە لە دانوستانەکانی دەستووری بنەڕەتیدا لیژنەیەکی هاوبەش پێکبهێندرێت.

12:37

سەبارەت بە فشارەکانی حکومەتی عێراق بۆ سەر کامپی مەخموور فیلیز بوداک، هاوسەرۆکی ئەنجومەنی گەلی مەخموور دەڵێت:هەموو ڕێوشوێنەکانی عێراق سەبارەت بە کامپەکە دەرئەنجامی ئەو سیاسەتانەیە کە لە نێوان دەوڵەتی تورکیا و عێراقدا پەیڕەو دەکرێن.