Navenda Nûçeyan- Li gora daneyên Komîteya Koçberan û Komeleya Piştevaniya bi Mexdûran re; dewleta tirk û komên paramîlîter ên girêdayî wê li bajarê Serêkaniyê yê Bakur û Rojhilatê Sûriyeyê dest danin ser kargeh û malên welatiyan.

Herîkêm dest danîne ser 6 hezar malan

Piştî ku bajar ji aliyê dewleta tirk û komên çeteyên girêdayî wê hate dagirkirin, zêdetirî 150 hezar welatî hatin koçberkirin. Li şûna van jî malbatên DAÎŞ’ê û çeteyên din tên bicih kirin. Herî kêm 6 hezar mal hatine desteserkirin.

 Malbatên DAÎŞ’ê tên bicihkirin

Li malên hatine desteserkirin jî malbatên çeteyên ji Hums, Dera, Şam û Idlibê hatine veguhestin û malbatên 55 DAIŞ’i yên ji Kampa Holê reviyayîn hatine bicihkirin. Tevahiya gund û taxên ku mal lê hatine desteserkirin, ji ketin û derketinê re hatine qedexekirin. Hat zanîn ku gelek mal jî veguherandin baregehên leşkerî. Li aliyê din, komên çete dest danîn ser zêdetirî hezar û 200 firoşgeh li malbatên xwe belav kirine.