ڕۆژانە

16:07

دەوڵەتی تورکیا کە هەڕەشەی هێرشکردنە سەر هەرێمەکانی باکوور و ڕۆژهەڵاتی سووریا دەکات لە دوێنێوە هێرشی کردۆتە سەر ناوچەکە.

15:35

ڕاپۆرتێکی مافەکانی مرۆڤ ئەوە پشتڕاست دەکاتەوە کە زەینەب جەلالیان، زیندانی سیاسی کورد هێشتا لە چارەسەری پزیشکی بێبەش کراوە و لە زیندانی یەزد زیندانی کراوە.

14:57

کۆمەڵەی مافەکانی مرۆڤی هەرێمی جزیرە لە بەیاننامەیەکی نوسراودا هێرشەکانی ئەم دواییەی دەوڵەتی تورکیای شەرمەزار کرد و ڕایگەیاند، هێرشەکە هەوڵێکی نوێی دەوڵەتی تورکیایە بۆ ئەوەی قەیرانی ناوخۆی تورکیا بخاتە ناو سووریاوە.

14:37

مامۆستایانی وانەبێژ لە قەڵادزێ گردبوونەوە و ئاماژە بەوە دەکەن، تا داواکارییەکانیان جێبەجێ نەکرێت دەرگای هۆڵەکانی خوێندن ناکەنەوە.

13:46

نەسرین دۆکۆ، ئەندامی کۆردیناسیۆنی کۆنگرەی ستار، هەڵسەنگاندنی دوایین هێرشەکانی بۆ سەر باکوور و ڕۆژهەڵاتی سووریا کرد و وتی: ئاستی خەبات و بەرخۆدان لە دژی ئەم هێرشانە بەرز دەکەینەوە.

13:06

لە دەوروبەری شاری كوتی ناوەندی پارێزگای واست دوو گۆڕی بەكۆمەڵ دۆزرانەوە, كە دەیان ڕوفاتیان تێدایە و لەلایەن داعش و ڕژێمی بەعسەوە کوژراون.

11:25

ئیلهام ئەحمەد ڕایگەیاند، سەرجەم تۆمەتەکانی دەوڵەتی تورک دژی خۆبەڕێوەبەری باکوور و ڕۆژهەڵاتی سووریا بێ بنەمان، تاکە هۆکاری پشتەوەی تێکدانی سەقامگیرییە لەو هەرێمەی، کە توانای هەیە سووریا بگەیەنێت بە دیموکراسیی ڕاستەقینە

11:17

ڤاکسینێکی هەرزانی مەلاریا کە دەتواندرێت لە ئاستێکی گەورەدا بەرهەم بهێنرێت لەلایەن ڕێکخراوی تەندروستی جیهانیەوە پێشنیارکراوە بۆ بەکارهێنان.

10:49

فەرمانگەی ژینگەی هەڵەبجە ئاماژە بەوە دەکات، کەسانی نابەرپرس هەوڵی وشککردنی دارێکی بەتەمەنی شارەکەیانداوە کە بە "خاتوون شا" ناسراوە.

10:10

ڕێکخراوی ئایندە بۆ پاراستنی ژینگە ئاماژە بەوە دەکات، بەهۆی بێباکی حکومەتی هەرێم و پێنەدانی نەوت بە هاوڵاتیان بە تایبەت بۆ ناوچە شاخاوییەکان، دارستانەکان لەناودەچن.

16:58

ناکۆکییەکانی سودان بوونەتە هۆی ئاوارەبوون و هەڵاتنی نزیکەی ٥ ملیۆن کەس لە ناوەوە و دەرەوەی وڵاتەکە، هەروەها هەزاران کەس بەهۆی بارودۆخی مرۆیی خراپی دانیشتوانەوە گیانیان لەدەستداوە.

16:38

لە یەکەم ساڵیادی تیرۆر کردنی ناگیهان ئاکارسەلدا، ژنانی ئازادی کوردستان-ڕژاک و تەڤگەری ئازادی کۆمەڵگەی کوردستان مەراسیمێکیان ڕێکخست.

15:10

گۆڤاری ژنۆلۆژی لە ساڵیادی تیرۆر کردنی ناگیهان ئاکارسەل لە بەیاننامەیەکی نووسراودا وتی: ساڵێکە دەنگی "ژن، ژیان، ئازادی" کە ناگیهان سات بە سات خەباتی بۆ دەکرد، لە هەموو شەقامەکانی جیهاندا دەنگی دایەوە.

14:49

ساڵێک بەسەر تیرۆر کردنی ناگیهان ئاکارسەل، نووسەر و ڕۆژنامەنووسدا تێدەپەڕێت و تا ئێستا بکوژ ئاشکرا نەکراوە، ژنانی ئازادیخواز و چالاکوان لە شوێنی تیرۆر کردنەوەی بە دانانی تاجەگوڵینە پەیمانی درێژەدان بە خەباتەکەیان دووپاتکردەوە.

13:22

حکومەتی پاکستان فەرمانی داوە هەموو ئەو ئەفغانییانەی کە داوای مافی پەنابەرێتی دەکەن، کە نزیکەی ١.٧ ملیۆن کەسن، تا مانگی تشرینی دووەم وڵاتەکە جێبهێڵن.

12:02

دەستگیرکردنی نەدا پەروانی و ژولیا پارسی ناڕەزایەتی لێکەوتووەتەوە و تۆڕی بەشداری سیاسی ژنانی ئەفغانستان بەیاننامەیەکی بڵاوکردەوە و داوای ئازادکردنی خێرای ئەم دوو چالاکوانەی مافی ژنانی کرد.

11:43

دەستەی کەشناسی و بوومەلەرزەزانی عێراق ئاشکرای کرد، لە مانگی ئەیلوولدا ٤٨ بوومەلەرزەیان تۆمارکردووە کە زۆترینیان لە سلێمانی ڕوویداوە.

11:21

ڕاپۆرتدەری تایبەت بە توندوتیژی دژ بە ژنان ئاماژە بەوەدەکات، بەبێ دڵنیابوون لە مافە بنەڕەتییەکانیان یەکسانی ڕەگەزی ناتواندرێت بەدەستبهێندرێت.

10:31

لە ماوەی هەفتەی ڕابردوودا ١٢٠ دۆلفین لە لقێکی ڕووباری ئەمازۆن بە مردوویی دۆزراونەتەوە، ژینگە دۆستان نیگەرانی خۆیان بۆ ئەو بارودۆخەی بەسەر دۆلفینەکانی ئەو ناوچەیەدا دێت دەربڕیوە.

10:04

یەکەمین ساڵیادی تیرۆرکردنی ناگیهان ئاکارسەل، نووسەر و ڕۆژنامەنووسە و لە شاری سلێمانی بە چالاکی جیاواز یادەکەی بەرز ڕادەگیرێت.