ڕۆژانە

12:05

ژمارەی قوربانیانی بوومەلەرزەکەی ئەم دواییەی ئەفغانستان گەیشتە دوو هەزار و ٤٤٥ کەس، خەڵک لەسەر شەقامەکان دەمێننەوە چونکە ئەگەری دووبارەبوونەوەی بوومەلەرزە هەیە.

10:21

ڤێستیڤاڵی مۆسیقا بۆ ئاشتی کە هەزاران هونەرمەندو هونەردۆست ڕوویان لیکردبوو، بەهۆی هێرشەوە ڕاگیرا و ٢٦٠ تەرم لە شوێنی فێستیڤاڵەکە دۆزرانەوە.

09:08

ڕێکخراوی ژنانی ئازادی کوردستان و ژنانی کەرکوک لە ساڵڕۆژی پیلانگێڕی نێودەوڵەتی ٩ی تشرینی یەکەم ڕایانگەیاند، "پیلانگێڕی نێودەوڵەتی نەک تەنها لەسەر ڕێبەر ئاپۆ، بەڵکو تا ئێستا لەسەر تەواوی ژنان بەردەوامە".

08:53

ئەڤین جومعە، بەڕێوەبەری کۆمەڵەی مافەکانی مرۆڤی هەرێمی جزیرە هێرشەکانی دەوڵەتی تورکیای بۆ سەر باکوور و ڕۆژهەڵاتی سووریا شەرمەزار کرد و ئاماژەی بەوەدا بە ئامانجکردنی ژێرخان تاوانێکی مرۆییە.

08:16

16:57

هێرش و بۆردومانەکان لە لایەن دەوڵەتی تورکیاوە بۆ سەر ڕۆژئاوا و باشووری کوردستان بەردەوامە و هاوڵاتیانیش سەرکۆنەی ئەو هێرشانە دەکەن.

15:55

بەهۆی هێرشەکانی دەوڵەتی تورکیاوە، وێستگەی کارەبا و گاز لە ناوچەی جزیرەی باکوور و ڕۆژهەڵاتی سووریا لە کارکردن وەستا.

15:50

ئەو ژنەی کە لەلایەن حەماسەوە بە دیل گیرا، شانی لووکی تەمەن ٢٢ ساڵە، زانراوە کە شانی لووک لە کیبوتز یوریم بووە بۆ فیستیڤاڵی مۆسیقای ئاشتی.

15:38

گردبوونەوەی مامۆستایانی وانەبێژ لە بەردەم پەروەردەی کۆیە، وەک پشتگیریەک بۆ مامۆستایانی وانەبێژی شارۆچکەی بەردەڕەش بەڕێوەچوو.

15:08

هەفتە بازاڕی ژنانی دەستڕەنگین لە پارکی دەروازەی شاری ڕانیە کرایەوە، کە دەرفەتێکە بۆ خستەڕووی کاری دەستی ژنان.

14:30

لە ئەنجامی هێرشی دەوڵەتی داگیرکەری تورکیا بۆ سەر کامپی پەنابەرانی شەهید ڕۆستەم جودی-مەخموور، زیانی ماددی زۆر کەوتەوە، ئەیشە یڵدز، دانیشتووی کامپەکە، هێرشەکەی شەرمەزار کردو وتی: چۆک دانادەین.

14:15

کەژەکە ئاشکرای کرد کە دەوڵەتی تورکیا بە هێرشە لەناوبەرەکانی دژی ڕۆژئاوا بە ڕوونی تاوانی جەنگی ئەنجام داوە، ڕایگەیاند، بانگەوازی ئێمە بۆ ژنان و گەلی ستەملێکراوی جیهان ئەوەیە، کە بە کردار و هەڵوێستەکانیان پشتیوانی شۆڕشی ژنانی ڕۆژئاوا بن.

13:34

ئەمینە ئینان، ئەندامی تەژەئا ڕایگەیاند، هۆکاری سەرەکی قەیرانی کۆمەڵایەتی و پشێویی، سیاسەتی گۆشەگیرکردنی ئیمراڵییە و وتی: ئێمەی ژنان و گەنجان ئەو گۆشەگیرییە تێکدەشکێنین، لەو چوارچێوەیەدا، لە ٩ی تشرینی یەکەمدا لە مەیدانەکان دەبین.

12:04

دەستپێشخەری “نون بۆ ئازادی ئۆجالان” بە سەرکۆنەکردنی ئەو پیلانگێڕییە نێودەوڵەتییەی کە لە ٩ی تشرینی یەکەمی ١٩٩٨ دژی ڕێبەر عەبدوڵا ئۆجالان داڕێژرا، داوای شکاندنی گۆشەگیری سەر زیندانی ئیمرالی کرد.

11:45

کۆمەڵەی شۆڕشگێڕی ژنانی ئەفغانستان-ڕاوا، لە ڕێگەی نامەیەکەوە، نیگەرانی خۆی لە بێسەروشوێن بوونی چالاکوان وریشە مورادی لەسەر دەستی هێزە ئەمنییەکانی ئێران دەربڕی.

11:25

ڕاگەیەندراوە کە دوو هەزارو ٥٣ کەس لە بوومەلەرزەکەی پارێزگای هەراتی هندستان گیانیان لەدەستداوەو هەزاران کەسیش لەژێر داروپەردوودا ماونەتەوە.

09:03

خەڵکی کامپی پەنابەرانی شەهید ڕۆستەم جودی لە مەخموور بۆ شەرمەزارکردنی هێرشی دەوڵەتی تورک بۆسەر کامپەکە شەوی ڕابردوو بەرەو دەروازەی کامپەکە بەڕێکەوتن و ڕێپێوانیان کرد.

08:36

شەوی ڕابردوو دەوڵەتی تورک هێرشی کردە سەر کامپی پەنابەرانی شەهید ڕۆستەم جودی لە مەخموور، لە هێرشەکەدا ژنێک و دوو منداڵ بریندار بوون.

15:55

بەهۆی ئەو بوومەلەرزەیەی لە مەغریب ڕوویدا ٢٩٤ کەس گیانیان لەدەستدا، ئەوانەی ڕزگاریان بووە لە دۆخێکی سەختدا هەوڵ دەدەن بژین،ئەو دامەزراوانەی کە چالاکیان بۆ ژنان و منداڵان کردووە داوای دروستکردنی ژیانێکی مرۆیی بۆ زیانلێکەوتووان دەکەن.

15:37

خۆبەڕێوەبەری باکوور و ڕۆژهەڵاتی سووریا ڕایگەیاند، دەوڵەتی تورکیا گرەو لەسەر سیاسەتی قڕكردن و ئاوارەبوون و لەناوبردن دەكات و پشتیوانی لە چەتەكان دەكات، بۆ ئەوەش هێرشەکانی بەردەوامە.