ڕۆژانە

15:45

لە شارۆچکەی مەدحاتیە لە باشووری پارێزگای بابل ئاگر لە ماڵێک کەوتووەتەوەو بەهۆیەوە ٧ کەس کە ئەندامی یەک خێزان بوون گیانیان لەدەستدا.

15:30

پەروین فاتح، سەرپەرشتیاری خوێندنی كوردی لەشاری كەركوك هۆشداری دەدات لە دابەزینی ئاستی خوێندنی كوردی لەو شارەو دەڵێت: ئەگەر ئەم بایكۆتە بەردەوام بێت خوێندکاران دەچنە خوێندنی عەرەبی.

14:49

پەیمانی ئیستەنبوڵ لە یەکێتی ئەوروپا لە ئەمڕۆوە چووە بواری جێبەجێکردنەوە، هاوپەیمانی ژنان ئەم بڕیارەی بە پێشکەوتنێکی گرنگ پێناسە کرد بۆ ڕێگریکردن لە توندوتیژی دژی ژنان و کچان.

14:04

چریکە عەبەڕەش، ژنە هونەرمەندی کورد لە فێستیڤاڵی فیلمی مۆسکۆ بۆ فیلمە کوردییەکان، وەک ئەندامی لیژنەی دادوەران دیاری کراوە.

13:55

٦٠ هەزار کەس لە سویسرا هاتنە سەر شەقام و داوای "دادپەروەری کەشوهەوا"یان کرد.

13:32

مامۆستایانی هەڵەبجە لەگەڵ مامۆستایانی دیکەی سنوری پارێزگای سلێمانی پێش نیوەڕۆی ئەمڕۆ دەستیان بە گردبوونەوە کرد و ڕایانگەیاند، شوێنی ئێمە ناو هۆڵەکانی خوێندنە نەوەک سەر شەقام.

13:02

بەشداربووانی بزووتنەوەی ئاشتیخوازی گەل کە بۆ دووەم مانگ لەسەر یەک لە سوەیدا بەردەوامە، داوای "ڕووخاندنی ڕژێم" دەکەن بۆ بنیادنانی خۆبەڕێوەبەری لەسەر بنەمای دیموکراسی.

11:49

دوای ٣٧٥ ساڵ لە ونبوونی، کیشوەری هەشتەم "زیلاندیا" دۆزرایەوە و دەخرێتە سەر نەخشەی جیهان.

11:30

ژیاندا ئێزدیخان، ئەندامی فەرماندەیی یەکینەکانی ژنانی شەنگال "یەژەشە" و تەورێ حسێن، ئەندامی تاژێ، باسیان لە ئازادکردنی فریال خدر ئیبراهیم کرد و ڕایانگەیاند، ئەوان بۆ ڕزگارکردنی هەموو ژنان تێدەکۆشن.

11:24

بەیانى ئەمڕۆ لە چەند شار و شارۆچکەیەکی هەرێمی کوردستان مامۆستایانى وانەبێژ و هەمیشەیی گردبوونەوە و داوایانکرد، حکومەت موچەى سێ مانگیان پێکەوە پێبدات.

09:45

زەهریبان حسێن، ئەندامی ئەکادیمیای ژنۆلۆژی، سەبارەت بەو زنجیرە چالاکییانەی کە لە باکوور و ڕۆژهەڵاتی سووریا بە یادی ناگیهان ئاکارسەل بەڕێوەدەچن، ڕایگەیاند، بە "ڕۆژانی وزەیژن-ژنێرژی" چالاکییەکانی یادکردنەوە بەڕێوەدەچن.

15:48

پۆلیس کە ڕێگری لە ڕێپێوانی دایکانی شەممە و خەڵک کرد بەرەو گۆڕەپانی گالاتاسارای، چەندین کەسی دەستگیر کرد.

15:16

ڕژاک بەیاننامەیەکی نووسراوی بڵاوکردەوە و ڕایگەیاند، وریشە مورادی لەلایەن دەزگای زانیاری-ئیتلاعاتی ڕژێمی ئێران ڕفێندراوە و داوای فشار بۆ ئاشکرا کردنی چارەنووسی وریشە مورادی دەکات.

14:40

ژنانی ڕۆژنامەنووسی کورد کە لە ئامەد دەژین دژی پێشێلکردنی مافەکانی ژنانی ڕۆژنامەنووس، ئەو زمانە زاڵەی پیاوان کە لە میدیادا بەکاردێت و دژی لێدوانە زایەنپەرستییەکان، لە ٧ی تشرینی یەکەمدا کۆمەڵەی ڕۆژنامەنووسانی ژنی میزۆپۆتامیا دادەمەزرێنن.

14:09

فریال خدر ئیبراهیم، دوای ٩ ساڵ لە ڕفاندنی بە هەوڵی هێزەکانی یەپەژە لە ڕۆژئاوای کوردستان لەدەست چەتەکانی داعش ڕزگارکراو دوێنێ لە مەراسیمێکدا لەلایەن یەژەشە و تاژێ-وە لە شەنگال پێشوازی لێکرا.

13:46

بەپێی داتای ویکشنەری فەرهەنگی ویکیپیدیای ئینگلیزی، زمانی کوردی بە ٩١٨ هەزار و ١٢٣ وشە لەناو ١٦٨ زماندا پلەی هەشتەمی جیهانی بەدەستهێناوە.

13:19

لە سێ ساڵی رابردوودا زیاتر لە ١٠٠ ھەزار ڕووداوی ئاگرکەوتنەوە لە عێراق تۆمارکراوە و سەدان کەسیش گیانیان لەدەستداوە و بریندار بوون.

11:35

خەڵاتی ئەلبیی دادپەروەری بۆ ژنان، بەخشرایە نیلوفەر حەمیدی و ئیلاهە محەمەدی، ئەو دوو ڕۆژنامەنووسەی کە ڕووداوی کوشتنی ژینا ئەمینییان ئاشکرا کرد.

11:23

ڕێکخراوی مافی مرۆڤی هەنگاو ئاشکرایدەکات،  له سەرەتای ساڵی ٢٠٢٣وه تا ئێستا هەزارو ٧٠٠ کەس له لایەن ئێرانەوه ده ستگیرکراون.

10:51

ئاشنا عومەر، بەڕێوەبەری ڕێکخراوی شین بۆ ئۆتیزم ئاماژە بەوەدەکات هیچ منداڵێکی ئۆتیزم لەیەکتر ناچن و هەندێکیان کێشەی فێربوونیان هەیە لەگەڵ ئۆتیزمەکەی کە ئەمەش پڕۆسەی فێربوون درێژ دەکاتەوە.