ڕۆژانە

14:01

لانیکەم ٤٢٥ کرێکار لە ماوەی سێ مانگی یەکەمی ساڵی ٢٠٢٤دا گیانیان لەدەستداوە، لەو کرێکارانە ١٣یان ژن بوون.

13:13

له‌ ٣٦ه‌مین ساڵیادی تاوانی ئه‌نفالدا هه‌ڵه‌بجه‌یه‌كان، کە بەشێکیان بەر شاڵاوی ئەنفال کەوتن، تاجه‌ گوڵینه‌ی ڕێز و وه‌فایان له‌ سه‌ر مه‌زاری ئه‌نفال دانا.

12:53

لە شارۆچکەی چەمچەماڵ و بە ئامادەبوونی کەسوکاری ئەنفالکراوان و بەشێک لە نوێنەرانی حکومی و حزبی، مەراسیمی ٣٦ەمین ساڵیادی کارەساتی ئەنفال بەڕێوەچوو.

12:01

کۆردیناسیۆنی کەژەکە ڕایگەیاند، پاش هەڵبژاردن چەتەکانی دەستیان دایە تاوانی ڕەگەزی و شەڕی تایبەت دژی ژنانی کورد، پێویستە لەهەر شوێنێکی کوردستان هیرشی ڕەگەزی هەبێت، بە خۆپاراستن وەڵام بدرێتەوە.

10:38

هێرشەکانی ئیسرائیل بۆ سەر کەرتی غەززە ١٩٠ ڕۆژە بەردەوامە، ڕاپۆرتەکان ئاماژە بەوە دەکەن کە دوو هەزارو ٩٧٣ کۆمەڵکوژی لە هەرێمەکەدا ڕوویانداوە، ٧٢%ی ئەوانەی گیانیان لەدەستداوە ژن و منداڵن.

10:11

پەرڤین چەلیکی تەمەن ١٣ ساڵ، کە شەوی ١١ی نیسان ماڵی خۆیانی لە شاری قۆسەر بەجێهێشت و بۆ ماوەی ٣ ڕۆژ هیچ هەواڵێکی نەبیسترا، لە ماردین دۆزرایەوە، ئەوەش خرایەڕوو کە پەرڤین چەلیک لەم دواییانەدا لەگەڵ ئەفسەرێکی پۆلیس چاوپێکەوتنی کردووە.

10:06

کەیسی ی. چاکماک کە لەلایەن مەحمود چاکماکی هاوژینی پێشوویەوە و براکەی ئ. چاکماکەوە دەیانویست بیکوژن، کۆتایی هات، لە کەیسەکەدا ئ. چاکماک ئازادکرا و مەحمود چاکماک سزاکەی کەم کرایەوە.

09:59

سێ فۆتۆگرافەری ئیلامی بە ناوەکانی فاتمە عەلیپوور، گلارە عەلیوەیسی و مریەم ئاقایی، بە یەکێک لە بەرهەمەکانیان لە ئۆڵۆمپیادی فۆتۆگرافی جیهانیی ٢٠٢٤ لە مەگدۆنیا بەشدارییان کردووە.

08:59

فەریدە شەنگالی، ئەندامی تەڤگەری ئازادی ژنانی ئێزدی، هەڵسەنگاندن بۆ پێشکەوتنە سیاسییەکانی ئەم دواییەی هێرشەکانی دەوڵەتی تورکیای بۆ سەر شەنگال کرد و داوای لە کۆمەڵگەی ئێزدی کرد لەبەرامبەر هێرشەکانی دەوڵەتی تورکیا و یارییەکانی پەدەکە هۆشیاربن.

07:35

ڕۆژنامەنووس دیلان ئۆیناش، کە پێنج جار ئاستەنگی بۆ ئازادبوونی دروست کرا، لە زیندانی سنجان ئازاد کرا.

20:00

لە دژی گێچەڵ و دەستدرێژیی ئەفسەرێکی تورک لە شرناخ، بە درووشمی "ژن، ژیان، ئازادیی" و "بێدەنگ مەبن، نۆرەی ئێوەش دێت"، ڕێپێوانێکی جەماوەریی ئەنجام درا.

19:36

دەیان کەس لە دانیشتووانی شاری سوەیدا و گوندەکانی سووریا بە مەبەستی داوای یەکسانی، ڕوخاندنی ڕژێم و جێبەجێکردنی بڕیارنامەی ٢٢٥٤ و باشترکردنی بارودۆخی ژیان، ڕوویان لە گۆڕەپانی "کەرەمە" کرد.

18:43

لە ئەنجامی تەقینەوەی پاشماوەی مینێکی شەڕ لە ناوچەکانی حکوومەتی دیمەشق سێ کەس کوژران و دوو کەسیش بریندار بوون.

18:01

ئاژانسەکانی سەر بە نەتەوە یەکگرتووەکان هۆشدارییان داوە کە ٥٥ ملیۆن کەس لە ڕۆژئاوا و ناوەڕاستی ئەفریقا ڕووبەڕووی مەترسی برسێتی بوونەتەوە، ئەمەش لە ئەنجامی ئەو ئاستەنگە ئابوورییانەی کە ئەو وڵاتانە بەدەستیەوە دەناڵێنن.

17:26

لە شارۆچکەی قۆسەر، پێرڤین چەلیک کە شەوی ١١ی نیسان ماڵەکەی بەجێهێشت، بۆ ماوەی ٣ ڕۆژە بێسەروشوێنە.

16:36

ئێلینور کۆپۆلا، سینەماکاری بەڵگەنامەیی، لە تەمەنی ٨٧ ساڵیدا، لە ماڵەکەی خۆی لە شاری ڕەزەرفۆرد لە ویلایەتی کالیفۆرنیا کۆچی دوایی کرد.

14:33

ئەنجومەنی کۆمەڵەی ژنانی زەنۆبیا لە کانتۆنی دێرەزوور، ئەشکەنجەدانی ٣ ژنیان لە گوندی ئەبو حەردوب سەر بە دێرەزوور شەرمەزار کرد.

14:22

لە گوندی جەفری سەر بە شەنگال، کۆمەڵگەی ئێزدی جەژنی پیرە فات و پیرە لبنایان بەرز ڕاگرت.

13:04

فاتمە هیلالی و عەدبان عەبدوڵا یڵماز لە هەڵبژاردنی دوێنێی شارەوانییەکان لە کامپی مەخموور وەک هاوسەرۆکی نوێی شارەوانی هەڵبژێردران.

12:30

لە ٣٦ەمین ساڵیادی ئەنفالدا یەکێتی ژنانی کوردستان پێشەنگایەکی فۆتۆگرافی بە ناونیشانی "فرمێسکەکان دوای ٣٦ ساڵ بەردەوامیان هەیە" کردەوە.