ڕۆژانە

14:54

ئایشەگوڵ دۆغان، وتەبێژی پارتی دەم، کاندیدەکانی هاوسەرۆکی شارەوانی ١٣ شاری ڕاگەیاند و گوڵتان کشاناک و ئۆزتورک تورکدۆگان وەک کاندید بۆ شارەوانی گەورەی ئەنقەرە دیاری کران.

14:08

بەهۆی برسێتی و کەمی خۆراکەوە، دوای ئەوەی زیاتر لە ٥٠٠ هەزار پەنابەر لە ماوەی ١٠ مانگی ڕابردوودا لە سودان هەڵهاتن، چاد باری نائاسایی خۆراکی لە سەرتاسەری وڵاتدا ڕاگەیاند.

13:36

لە پەراوێزی بەشداریکردنی لە کۆنفرانسی ئاسایشی میونشن سەرۆک وەزیرانی عێراق لەبارەی ڕەوشی ئاوارەکانی کامپی هۆلەوە داوای هاوکاری لە ڕێکخراوی خاچی سوور کرد، کە هانى وڵاتان بدەن هاوڵاتییەکانیان لە کامپەکە وەربگرنەوە.

12:42

ڕژاک لە بارەی دەستگیرکردنی سەرۆکی ڕێکخراوەکەیان بەیاننامەیەکی بڵاوکردەوە و ڕایگەیاند، "بە توندی هێرشی تیرۆرستییانە بۆ سەر سیاسەتمەدار فریال سلێمان و ژنانی تێکۆشەر شەرمەزار دەکەین و بۆ عێراق جێگەی شەرمەزارییە کە سەرۆکی ڕژاکی دەستگیر کردووە".

12:30

هەژماری Xی ئاژانسی هەواڵی ژن " JINNEWS"  @JinnewsKurmanci بلۆک کرا.

12:09

بەهۆی نەبوونی یارمەتی و پێداویستییەکانی ژیان لە ئەنجامی شەڕی بەردەوام لە نێوان هێزەکانی ئیسرائیل و حەماس، خەڵکی کەرتی غەززە ڕووبەڕووی چارەنووسێکی نادیار دەبنەوە.

10:53

لە پەیامی هاوبەشیاندا بۆ کۆنفڕانسی ڕێبەرایەتی، تاژێ و یەژەشە ڕایانگەیاند: ئەوانەی دڵیان لە پێناوی ئازادیدا لێدەدات، لە هەر کوێ بێت، دەبێت خەباتی خۆیان بۆ ئازادی جەستەیی ڕێبەر ئاپۆ بەهێزتر و زیاتر بکەن.

10:29

دوێنێ لە شاری هەڵەبجە گروپی شانۆیی هەوار مۆنۆدرامای سەلمەیان پێشکەشکرد.

10:09

مەلیس تانتان، هاوسەرۆکی کۆمسیۆنی ژینگە و کشتوکاڵی پارتی دەم وتی: زۆر کەس سوود لە لەناوبردنی گەل و سروشت وەردەگرن، ئەوەی ڕوودەدات پەیوەندی بە گەل و سروشتەوە هەیە.

09:10

دوای سەرهەڵدانی ئینتەرنێت، ئەو پێشکەوتنە تەکنەلۆژیانەی کە 'جیهانی ئەلکترۆنی'یان پێشکەش بە کۆمەڵگەی ئەمڕۆ کردووە، ژنان ڕووبەڕووی فۆرمێکی نوێی توندوتیژی دەبنەوە.

08:51

ئەو ژنانەی کە بەرخۆدانی شێخ مەقسوودیان لە شاری حەلەب بینیوە، وتیان: بەرخۆدانێکی گەورەمان لە دژی هێرشەکان کرد و سەرکەوتنمان بەدەستهێنا، لە شێخ مەقسوود گەلێک داستان و چیرۆک نووسرانەوە.

08:28

ڕیحان لۆقۆ، وتەبێژی کۆنگرەی ستار تیشکی خستە سەر هێرشەکانی دەوڵەتی تورکیا بۆ سەر فیدراسیۆنی کەمئەندامانی سەنگەر و وتی: ئەوانەی شەڕیان کرد و داعشیان تێکشکاند، دەوڵەتی تورکیا دەیانکاتە ئامانج، بە هێرشکردن، ویستی تۆڵەی شکستی داعش بکاتەوە.

08:01

ئەو ڕۆژنامەنووسانەی کە بۆ ماوەی چوار ڕۆژ لە ئیزمیر دەستگیرکرابوون و لەلایەن نووسینگەی داواکاری گشتییەوە ڕەوانەی دادگای تاوانی ئەسلییە کران، چواریان بە زیندانی ماڵەوە سزادران و دوو ڕۆژنامەنوووسیشیان بە مەرجی کۆنترۆڵی دادگا ئازادکران.

14:40

دورگەی گویانای فەرەنسی ڕووبەڕووی بەرزبوونەوەی ژمارەی تووشبوون بە تای خوێنبەربوون بووەتەوە، دوای ئەوەی لە سەرەتای ساڵەوە هەفتانە ٨٠٠ حاڵەتی تووشبوون تۆمار دەکرێت.

14:10

٥ ڕۆژنامەنووس کە ماوەی ٤ ڕۆژە لە ئیزمیر ڕاگیراون، بەبێ ئەوەی لێدوانەکەیان لەلایەن داواکاری گشتییەوە ڕابگیرێت، بە داوای دەستگیرکردن ڕەوانەی دادگا کران.

13:04

نەخۆشانی سوەیدا گلەیی لە گرانبوونی کرێی پشکنینی پزیشکی و دەرمان دەکەن، ئەمەش ئازارەکانیان زیاد دەکات و بارگرانییان لەسەرە، بەتایبەتی کە لە بارودۆخێکی سەختی ئابووریدا دەژین و قەیران تا دێت زیاد دەکات.

11:59

ژمارەی گیان لەدەستداوانی بۆردوومانی شارۆچکەکانی باشووری لوبنان لەلایەن ئیسرائیلەوە لە ماوەی ٢٤ کاتژمێری ڕابردوودا گەیشتە ٩ کەس و دەیانی دیکەش بریندار بوون.

10:44

دوای ئەوەی ئاسایشی سلێمانی ڕێگری لە ڕێپێوانێک بۆ شەرمەزارکردنی پیلانگێڕی نێودەوڵەتی ١٥ی شوباتی سەر ڕێبەری گەلی کورد، عەبدوڵا ئۆجالان کرد و زیاتر لە ٢٠ کەسی دەستگیرکرد، درەنگانێکی شەوی ڕابردوو هەمووان ئازاد کران.

10:30

ئەو ژنانەی بەشدارییان لە پەروەردە لەسەر مێژووی ڕۆژهەڵاتی ناوەڕاستدا کرد لە ئەکادیمیای شەهید زەینەب سارۆخان، وتیان: خەڵک لە پەرتوکەکانی ڕێبەر ئۆجالاندا ڕاستی مێژوو دەبینن.

10:00

ژنانی کامپی مەخموور ڕایانگەیاند، لە سایەی عەبدوڵا ئۆجالان ڕێبەری گەلی کورد، گەلی کورد دانیان بە بوونی خۆیاندا ناوە و وتیان: پێویستە هەموو کورد وەک بازنەیەک لە دەوری ڕێبەر ئۆجالان کۆببنەوە.