ڕۆژانە

10:52

بەپێی ڕاپۆرتێک کە لەلایەن ناوەندی ئاماری ئێرانەوە بڵاوکراوەتەوە، ٧١٪ی ژنانی دەرچووی ئێران بێکارن، ئەمەش دوو هێندەی ڕێژەی پیاوانی بێکارە.

09:58

ڕێوڕەسمی سەری ساڵی نوێ بە هاوکاری هەشت کۆمەڵە لە کۆمەڵەکانی شاری سنە و بە بەشداری شاعیران، نووسەران، چالاکانی زمانی کوردی، شانۆ و هونەری سینەما بەڕێوەچوو و بۆ یەکەمجار گروپێکی هەڵپەڕکێی پێکهاتوو لە ژنان و پیاوان چوونە سەر تەختەی پێشکەشکردن.

09:25

نەورۆز لە گوندی سویروێ بە ئامانجی نیشاندانی یەکڕیزی و کولتووری کوردی و جەختکردنەوە لەسەر یەکسانی ڕەگەزی و کۆمەڵایەتی، بە جۆشەوە پیرۆز کرا و کرایە گۆڕەپانێک بۆ خەبات و هاوسۆزی.

08:56

ئەو ژنانەی کە بەشدارییان لە ئاهەنگی نەورۆزدا کرد لە ناوچەی دەپی خارپێت ئەم پەیامەیان نارد: ئەگەر ئێمە هەبین، ئاگری نەورۆز دەکرێتەوە، پێویستە هەمیشە پێکەوە بین.

08:31

لە ٦ەمین ساڵیادی داگیرکردنی شارەکەیاندا، ژنانی ئاوارەی عەفرین کە نیشتەجێی شاری شەهبان لە ناوچەی باکوور و ڕۆژهەڵاتی سووریا، پابەندبوونیان بە خاکەکە و بەردەوامیی خۆڕاگرییەکانیان نوێکردەوە و جەختیان لە گەڕانەوەیان بۆ سەر خاکەکەیان کردەوە.

08:05

مزگین خەلیل، جێگری ئەنجومەنی جێبەجێکاری کانتۆنی فورات لەبارەی ساڵیادی داگیرکردنی عەفرین وتی: دەوڵەتی تورکیا گیان و ڕۆحی ژنانی داگیرکردووە، لە ناوچە داگیرکراوەکاندا ژنان لە مەترسییەکی گەورەی قڕکردندان.

19:54

یەمەن شوێنی مەبەستە بۆ هەزاران کۆچبەر کە لە وڵاتانی قۆڕنی ئەفریقاوە هاتوون و بەشێکی زۆریان هەوڵدەدەن لەو ڕێگەیەوە بچنە وڵاتانی کەنداو.

19:14

ئاهەنگی جەژنی نەورۆز لە شاری لەندەن، بە بەشداری کوردان و چەندین هونەرمەند سازکرا.

18:43

ڕێکخراوی تەندروستی جیهانی ڕایگەیاند، لە ماوەی مانگەکانی کانوونی دووەم و شوباتدا زیاتر لە ٥٠٠ حاڵەتی نوێی تووشبوون بە نەخۆشی کۆلێرا لە یەمەن تۆمار کراوە.

18:00

ڕاپۆرتە نێودەوڵەتییەکان بڵاوبوونەوەی هەوکردنی جگەریان لە کەمپەکانی پەنابەران لە ڕۆژهەڵاتی چاد ئاشکرا کرد، بەتایبەتی دوای ئەوەی زیاتر لە ٥٥٠ هەزار کەس لە سودانەوە بۆ ئەوێ کۆچیان کردووە.

17:14

کۆنگرە ستار جەختی لە بەردەوامیی خەبات و خۆڕاگری بەگوێرەی ئایدۆلۆژیای ئازادیی ژن و فەلسەفەی نەتەوەی دیموکراسی کردەوە، تا ئەوکاتەی داگیرکار تێکدەشکێنن.

16:36

بزووتنەوەی "ڕێپێوانی جیهانی ژنان" ڕایگەیاند "بەردەوام دەبێت لە ڕێپێوانەکەی لە ڕووبارەوە بۆ دەریا تا ڕزگارکردنی فەلەستین"، هەروەها ئاماژەی بەوەدا کە لە ٣٠ی ئاداردا لە زۆر شوێنی جیهان لە ژێر دروشمی "پشتیوانیکردنی فەڵەستینی" ڕێپێوان ئەنجام دەدەن.

15:15

لەیلا گوڤەن، هاوسەرۆکی کەجەدە لە نامەیەکدا بۆ "کۆنگرەی ئاشتی" نووسی: هێزە هەژمونییەکان و هێزە ئیمپریالیستییەکان نایانەوێت پرسی کورد چارەسەر بکرێت و تا ئەتوانن پەرە بە فاشیزم دەدەن.

14:35

بە بەشداری هەزاران کەس نەورۆز لە ناوچەی یەنیکاپی ئەستەنبوڵ پیرۆز کرا و هاوڵاتیان بە جلوبەرگی نەتەوەیی و ئاڵای سەوز، سوور و زەردەوە بەشدارییان لە ئاهەنگەکەدا کرد.

13:58

ژمارەیەک لە ڕێکخراوەکان و چالاکانی مافی ژنان جارێکی دیکە داوایان کرد، نەتەوە یەکگرتووەکان گرنگییەکی جددی بە دۆخی مەنیژە سدیقی، چالاکوانی مافی ژنان بدات، کە لە زیندانی تاڵیبان زیندانی کراوە.

13:37

کۆمەڵێک ژنی خۆپیشاندەر کە بە "بزووتنەوەی بیری ژنانی ئەفغانی" ناسراون ڕێپێوانێکی ناڕەزایەتییان لە پارێزگای تاخار ڕێکخست و داوایان لە هەمووان کرد پشتیوانی لە داواکارییەکانی خۆپیشاندەران بکەن.

12:15

بەرنامەی نەورۆزی ٢٠٢٤ لە باکوور و ڕۆژهەڵاتی سووریا بە دروشمی "ئازادی بۆ ڕێبەر ئاپۆ، چارەسەری پرسی کورد" ڕاگەیەندراو نەورۆز لە ١٤ ناوەند پیرۆز دەکرێت.

10:55

ژمارەی گیان لەدەستدان بەهۆی شەڕی نێوان حەماس و هێزەکانی ئیسرائیل بۆ شەشەمین مانگی لەسەر یەک بەرزبووەتەوە بۆ ٣١ هەزارو ٥٥٣ کەس و منداڵان بەهۆی بەدخۆراکییەوە دەناڵێنن.

10:18

وەزارەتی پلاندانانی عێراق ئاشکرای کرد، رێژەی نەخوێندەواری بۆ ١٢٪ دابەزیوەو کاری هەمواری یاساكان بۆ فراوانكردنی فێربوون بۆ كەسانی بەتەمەن و نەخوێندەوار بەردەوامە.

09:47

بارودۆخی ژیان لە یەمەن بەهۆی ناکۆکییە بەردەوامەکانەوە سەختتر دەبێت و نرخی هەموو شتێک بەردەوام لە بەرزبوونەوەدایە، ئەو ژنانەی لە تەعز دەژین، بەهۆی تێچووی ژیان و نەبوونی دەرفەتەوە ڕووبەڕووی سەختی دەبنەوە.