ڕۆژانە

13:26

ئەو ژنانە لە "رێپێوانی دیموکراسی"دا دژی دانانی قەیوم بۆ شارەوانی جولەمێرگ بەشدارن، بانگەوازیان لە هەموو گەلی جولەمێرگ کرد و ڕایانگەیاند، رۆژ ڕۆژی مانەوە لە ماڵەوە نییە، ڕۆژی خاوەنداری کردنە لە ئیرادەی خۆتان.

13:00

سندوقی منداڵانی نەتەوە یەکگرتووەکان یونیسێف، گیان لەدەستدانی شەش منداڵی لە شاری فاشر لە ویلایەتی دارفۆری باکووری سودان، لە ئەنجامی پێکدادانەکانی نێوان سوپای سودان و هێزەکانی پشتیوانی خێرا ئیدانە کرد.

12:10

ڕێکخستنی ژنانی کورد لە مۆسکۆ بە ڕاگەیەندراوێک ئاماژەیان بەوەکرد، بەشداری لە هەڵمەتەکانی کەژەکە و تاژێ دەکەن کە بۆ ئازادی ڕێبەری گەلی کوردو خۆپاراستنی ژنان دەستیپێکردووەو وتیان: بە ڕێکخستنی هەموو ژنانی جیهان، ئازادیی و سەرکەوتن مسۆگەر دەکەین.

11:10

"ئاڤان جەزا"ی ١٧ ساڵ کە بە دووگیانی لەلایەن هاوژینەکەی سووتێندرا، بەهۆی زۆری ڕێژەی سووتاوییەکەی ئەمڕۆ گیانی لەدەستدا.

09:20

بە ئامانجی بەرەوپێشبردنی هۆشیاری ژنان و ڕێکخستنیان، لیژنەی پەروەردەی کۆنگرە ستار لە کامپی واشۆکانی دەستیان بە پەروەردەی ژنان کرد.

08:55

فاتمە مەسری ڕاوێژکار، توانی خۆی لە لایەنی تاوانکاریی یاسا لە خوێندن و پراکتیکدا بسەلمێنێت، جەختیشی لەوە کردەوە کە هەموو مرۆڤێک بە کارەکەی جیا دەکرێتەوە نەک ڕەگەزەکەی و ژنانیش بوونی خۆیان لە دەسەڵاتی دادوەریدا سەلماندووە.

08:42

وەحیدە خەلیل، ئەندامی ئەنجومەنی پارتی یەکێتی دیموکراتیک- پەیەدە، باسی لە هەڵمەتی "خۆپاراستن"ی کەژەکە و پاژک کرد، کە لە ١٥ی نیساندا ڕاگەیەندرا و وتی: هەڵمەتی خۆپاراستن بەرزکردنەوەی تێکۆشانی ژنانە.

15:45

بەشداربووانی سیمپۆزیۆمی وتوێژی نوسینگەی ژنان لە بزووتنەوەی کۆمەڵگەی دیموکراتیک دووپاتیان کردەوە کە ئەو ژنانەی بیر و فەلسەفەی ڕێبەری گەلی کورد عەبدوڵا ئۆجالانیان کردە بنەما بۆ خۆیان و ژیانی خۆیان، بوونەتە نمونە بۆ ژنان لە سەرتاسەری جیهاندا.

15:20

بە پێی ڕاپۆرتی ئەنجومەنی تەندروستی و سەلامەتی کار، لە ساڵی ٢٠١٣ەوە تا ئێستا لانیکەم ٦٩٥ منداڵ لە ئەنجامی ڕووداوەکاندا لە شوێنی کاردا گیانیان لەدەستداوە.

14:52

 لە ماوەی ساڵی ٢٠٢٣دا، جیهان زۆرترین شەڕی چەکداری لە ماوەی ٧٧ ساڵدا بەخۆیەوە بینی، کە ٥٩ شەڕ و پێکدادان بووەو نیوەیان لە ئەفریقا ڕوویانداوە.

14:22

ڕێکخراوی مافی مرۆڤی ئێران ڕایگەیاند، لە ماوەی ٥ مانگی ڕابردوودا ٢٣٧ کەس لە ئێران کە چواریان ژن بوون، لە سێدارە دراون.

13:58

سۆفیا ئالاگاش، هاوسەرۆکی شارەوانی سێرت لە کاتی دانیشتنی ئەو دۆسیەیەدا کە بەهۆی کارەکانی وەک ڕۆژنامەنووس دادگایی کرابوو، قەدەغەکردنی چوونە دەرەوەی وڵاتی لەسەر هەڵنەگیرا.

13:37

ڕێکخراوی نێودەوڵەتی کۆچ ڕایگەیاندووە،شەڕی ناوخۆ لە سودان بەردەوامە، ژمارەی ئاوارەکان ١٠ ملیۆن کەسی تێپەڕاندووە.

11:56

لە ئەنجامی نوقمبوونی بەلەمەکەیان لە کەناراوەکانی شاری شەبوە لە باشووری یەمەن، لانیکەم ٣٨ کۆچبەری نایاسایی گیانیان لەدەستدا، کە لەناویاندا ژنانی میسری هەبوون.

11:39

کۆمیسیۆنی ژنانی نەتەوە یەکگرتووەکان پشتڕاستی کردەوە کە هەموو دەستکەوتەکانی ژنان و یەکسانی ڕەگەزی کە لە ماوەی چل ساڵی ڕابردوودا بەدەست هاتوون، تەنیا لە ماوەی سێ ساڵی دەسەڵاتی تاڵیباندا لەناوچوون.

10:57

ئاتینا فەرقدانی کاریکاتێریست و چالاکوانی مافی منداڵان لەلایەن لقی ٢٦ی دادگای ئینقیلابی ئێرانەوە بە ٦ ساڵ زیندانی کردن سزا درا.

10:37

 کەسوکاری زیندانییان و سزا دراوان لەم دواییانەدا بۆ قبوڵکردنی داواکارییەکانی زیندانییەکان چوونە ئەنقەرە و وتیان:  تا ئێمە بڵێین ئاشتی، ئەوان هێرش دەکەن، سەر بۆ ئەو سیاسەتانە دانانەوێنین.

09:41

کۆمیتەی دیپلۆماسی تاژێ لە چوارچێوەی هەڵمەتی خۆپاراستن لەگەڵ دامودەزگا و ڕێکخراوەکانی ژنانی عێراق کۆبوونەوە ئەنجام دەدات، سوهام شەنگالی، وتەبێژی کۆمیتەی دیپلۆماسی، ئاماژەی بەوەکرد، پێویستە یەکڕیزی ژنان لە دژی هەموو جۆرەکانی توندوتیژی پەرەپێبدرێت.

17:00

ئاژانسی ڕۆیتەرز، لە زاری ڕێکخراوی پزیشکانی بێسنوورەوە بڵاویکردەوە، هێزەکانی پشتیوانی خێرا هێرشیان کردە سەر نەخۆشخانەی سەرەکی شاری فاشری سودان و بەهۆیەوە نەخۆشخانەکە چیتر ناتوانێت نەخۆش چارەسەر بکات.

16:31

ساڵانە لە جیهاندا نزیکەی ٤٠٠ ملیۆن تەن پاشماوەی پلاستیکی بەرهەم دێت، کە لە ٪٦٠ی پاشماوەی پلاستیکی لە ژینگە و سروشتدا کۆتاییان دێت.