ڕۆژانە

13:58

ژمارەیەک لە ڕێکخراوەکان و چالاکانی مافی ژنان جارێکی دیکە داوایان کرد، نەتەوە یەکگرتووەکان گرنگییەکی جددی بە دۆخی مەنیژە سدیقی، چالاکوانی مافی ژنان بدات، کە لە زیندانی تاڵیبان زیندانی کراوە.

13:37

کۆمەڵێک ژنی خۆپیشاندەر کە بە "بزووتنەوەی بیری ژنانی ئەفغانی" ناسراون ڕێپێوانێکی ناڕەزایەتییان لە پارێزگای تاخار ڕێکخست و داوایان لە هەمووان کرد پشتیوانی لە داواکارییەکانی خۆپیشاندەران بکەن.

12:15

بەرنامەی نەورۆزی ٢٠٢٤ لە باکوور و ڕۆژهەڵاتی سووریا بە دروشمی "ئازادی بۆ ڕێبەر ئاپۆ، چارەسەری پرسی کورد" ڕاگەیەندراو نەورۆز لە ١٤ ناوەند پیرۆز دەکرێت.

10:55

ژمارەی گیان لەدەستدان بەهۆی شەڕی نێوان حەماس و هێزەکانی ئیسرائیل بۆ شەشەمین مانگی لەسەر یەک بەرزبووەتەوە بۆ ٣١ هەزارو ٥٥٣ کەس و منداڵان بەهۆی بەدخۆراکییەوە دەناڵێنن.

10:18

وەزارەتی پلاندانانی عێراق ئاشکرای کرد، رێژەی نەخوێندەواری بۆ ١٢٪ دابەزیوەو کاری هەمواری یاساكان بۆ فراوانكردنی فێربوون بۆ كەسانی بەتەمەن و نەخوێندەوار بەردەوامە.

09:47

بارودۆخی ژیان لە یەمەن بەهۆی ناکۆکییە بەردەوامەکانەوە سەختتر دەبێت و نرخی هەموو شتێک بەردەوام لە بەرزبوونەوەدایە، ئەو ژنانەی لە تەعز دەژین، بەهۆی تێچووی ژیان و نەبوونی دەرفەتەوە ڕووبەڕووی سەختی دەبنەوە.

20:00

بە سەدان کەس لە شاری سوەیدای سووریا لە گۆڕەپانی کەرەما خۆپیشاندانیان کرد و بە بۆنەی یادی ١٣ ساڵەی شۆڕشی سووریا و داوای گۆڕانکاری سیاسی و جێبەجێکردنی بڕیارنامەی ٢٢٥٤ی نەتەوە یەکگرتووەکان دەکرد.

18:51

خەڵکی شاری قامیشلۆ لە ناوچەی باکوور و ڕۆژهەڵاتی سووریا پشتڕاستیان کردەوە کە سیاسەتەکانی قڕکردن لە دژی کورد تا ئەمڕۆش بەردەوامە و جەختیان لەوە کردەوە بەردەوام دەبن لە خەبات تا هەموو پیلانەکانی دژ بە کورد شکستبێنێت

18:03

بەهۆی بۆردوومانەکانی ئیسرائیلەوە لە ماوەی ٢٤ کاتژمێری ڕابردوودا ١٧٥ کەس بوونەتە قوربانی

17:25

پیرۆزکردنی جەژنی نەتەوەیی کورد نەورۆز، لە شاری قەیسەریی تورکیا بە بیانووی 'دۆخی ئەمنیی' قەدەغە کرا.

16:31

ئیغا شیفیونتیک، پلەی یەکەمی جیهانی دوای ئەوەی لە مارتا کۆستیوکی یاریزانی ئۆکراینی بردەوە، سەرکەوتنی بۆ یاری کۆتایی پاڵەوانێتی ئیندیەن وێڵز بەدەستهێنا

15:06

لە کاتی گەڕان بە دوای دومەڵاندا، ٢٢ کەس بەهۆی تەقینەوەی مینی چێندراو لە ناوچەکانی ڕۆژهەڵاتی گوندەکانی ڕەققە لە باکوور و ڕۆژهەڵاتی سووریا گیانیان لەدەستدا و بریندار بوون، کە زۆربەیان ژن و منداڵ بوون.

14:26

دونیا ئەبو تالیب، یاریزانی سعودی، دوای سەرکەوتنەکەی لە کاتی پاڵاوتنەکانی ئاسیادا، بلیتی پاڵاوتنی ڕاستەوخۆی بۆ ئۆڵۆمپیادی پاریس ٢٠٢٤ بەدەستهێنا.

13:17

سارا کایا، هاوسەرۆکی پێشووی شارەوانی نسێبین، کە پارێزگارێکی دەستنیشانکراو جێگەی گرتەوە و لە ساڵی ٢٠١٧ەوە زیندانی کراوە، هەرچەندە سزاکەی کۆتایی هاتووە، تا ئێستا ئازاد نەکراوە. نوێنەری دەم پارتیش دەڵێت: دادگا بە هەستی تۆڵەسەندنەوە مامەڵە دەکات.

12:39

لە سەرتاسەری ناوچەکانی باکوور و ڕۆژهەڵاتی سووریا، بۆ ساڵیادی ئەو کەسانەی لە کۆمەڵکوژی هەڵەبجەدا گیانیان لەدەستداوە بۆ ماوەی ٥ خولەک ژیان وەستێنرا.

11:21

لە چوارچێوەی چالاکییەکانی ٣٦ەمین ساڵیادی کیمیابارانی هەڵەبجەدا ڕێکخراوی نوێ بە هاوکاری ڕێکخراوی وادی پەردەیان لەسەر چوار تابلۆی گەشتیاری، کە لە چەند شوێنێکی جیاوازی شاری هەڵەبجە دانراون، لادا.

10:55

ئەمڕۆ لە شاری هەڵەبجە بە بەشداری کەسوکاری شەهیدان و حزب و لایەنەکان، ٣٦ەمین کارەساتی کیمیابارانکردنی هەڵەبجە بەرز ڕاگیرا.

10:44

سەرەڕای بارودۆخی ئەمنی و داخستنی ڕێگاوبانەکان، مەراسیمی نەورۆز لە شاری داشتمەری مهاباد بە ئامادەبوونی لانیکەم ٢٠ هەزار کەس و ژنانی دەست بە مەشخەڵ بەڕێوەچوو.

10:08

نەورۆزی ٢٧٢٤ی کوردی وەکو هەموو ساڵێک لە قەندیل بە ئاهەنگ و فێستیڤاڵ بەڕێوەدەچێت، ئەندامێکی کۆمیتەی ئامادەکاری ئاهەنگی نەورۆز باس لە ئامادەکارییەکان دەکات و دەڵێت: ئەرکی ئێمەیە لە هەر دۆخێکدا بێت نەورۆز پیرۆز بکەین.

09:29

ژمارەی ئەو کەسانەی بەهۆی نوقمبوونی بەلەمێکی لاستیکییەوە لە دەریای ئیجە گیانیان لەدەستداوە بۆ ٢٢ کەس بەرزبووەوە، کە ٧یان منداڵن، پاسەوانی کەناراوەکانیش بەردەوامە لە گەڕان بەدوای ڕزگاربوواندا.