ڕۆژانە

16:03

وەحیدە میرپور، ئەندامی تەڤگەری ناڕەزایەتی ژنان لە باکووری ئەفغانستان، پشتیوانی خۆی بۆ هەڵمەتی "ناساندنی جیاکاریی ڕەگەزی" ڕاگەیاند.

15:30

لە شەوی ڕابردووەوە دوو جار ئاگر لە سنووری شارەدێی دارەتوو لە پارێزگای هەولێر کەوتووەتەوە و زیاتر لە هەزار دۆنم پووش و پاوەن سووتاون.

15:00

نووسەر شامە محەمەد، ڕوونی کردەوە کە فێستیڤاڵی هۆنراوەی کوردی دەرفەتێکە بۆ فێربوون لە شێوازی نووسەرانی دیکە و سوود وەرگرتن لە ئەزموونەکانیان لە بواری نووسیندا.

14:37

بەرگریی شارستانیی هەرێم کۆمەڵێک ڕێنمایی ئاڕاستەی هاوڵاتیان دەکات و تایبەت بە منداڵانی خاوەن پێداویستی تایبەت و ئۆتیزم، هۆشداری دەدات کە نزیک نەكەونەوه له ئاوی چەم و ڕووبارەكان.

14:13

لە کۆی ٩ کاندیدی کورد بۆ پەرلەمانی یەکێتی ئەوروپا، دوو ژنی کورد بە ناوەکانی ئۆزلەم ئاڵەڤ دەمیرەڵ و ئەڤین ئینجیر، سەرکەوتنیان بەدەستهێنا.

13:45

شەن شیروان خەڵکی شاری سلێمانییە و لەکاتی وتاردان لە مەراسیمی دەرچوون لە زانکۆی باشووری نیندیانا باسی لە دۆخی سەختی کورد لە سەردەمی ڕژێمی سەدام حسێن کرد، هەروەها بۆ کارە مرۆییەکانی خەڵاتی جەوسەفین ئێس ڤێرننی وەرگرتووە.

13:17

خۆبەڕێوەبەریی شارەوانیی گەلی شەنگال ڕاگەیاندراوێکی سەبارەت بەو خزمەتگوزارییانەی لە شەنگال و گەڕانەوەی ئێزدییەکان لە دەرەوەی شەنگال بڵاوکردەوە و ڕایانگەیاند وەک شارەوانی گەل بە هەموو تواناکانیان خزمەت بە کۆمەڵگاکەیان دەکەن.

12:15

پارێزەرانی نووسینگەی یاسای سەدە، سەبارەت بە دۆخی بریکارەکەیان، ڕێبەری گەلی کورد عەبدوڵا ئۆجالان و سێ زیندانی دیکە کە ماوەی ٣٩ مانگە هیچ زانیارییەک دەربارەیان نییە، تانەیان لە ڕاپۆرتدەری تایبەتی نەتەوە یەکگرتووەکان بۆ ئەشکەنجەدان دا و بانگەوازیان کرد.

11:13

 پەرتوکی هۆنراوەی "کاتی ژنە" کە لە ١٨٩ هۆنراوە پێکدێت و لەلایەن گەریلایەکەوە نووسراوە، بە هاوکاری نەوای ژن چاپ و بڵاوکرایەوە.

10:55

لە چەند کاتژمیری ڕابردوو سێ ڕۆژنامەنووس کە دووانیان ژنن گیانیان لەدەستدا و ژمارەی ئەو ڕۆژنامەنووسانەی لە کەرتی غەززە گیانیان لەدەستداوە، لە ٧ی تشرینی یەکەمی ٢٠٢٣ەوە بۆ ١٥٠ ڕۆژنامەنووس بەرزبووەتەوە.

10:05

ژنانی گەنجی باشووری کوردستان کە بەشداربووی کۆنفرانسی گەنجانی ڕۆژهەڵاتی ناوەڕاست وباکووری ئەفریقا بوون، باسیان لە گرنگی کۆنفرانسەکە و دۆزینەوەی ڕێگەچارەسەری کێشە و قەیرانەکان کرد.

10:02

فەلەک یوسف سەبارەت بە دۆخی ڕێبەری گەلی کورد، عەبدوڵا ئۆجالان دەڵێت: چارەسەری ئەم پرۆسەیە لای ڕێبەر ئاپۆیە، بەڵام ئەو هێزە هەژموونخوازانەی کە تەمەنیان بەرەو کۆتایی دەڕوات، ترسیان لە ئایدیۆلۆژیای ڕێبەر ئاپۆیە.

08:51

لە شاری بەیروتی پایتەختی لوبنان، بە دروشمی "گەنجان و بنیادنانی ئایندەیەکی ئازاد"، کۆنفرانسی گەنجانی ڕۆژهەڵاتی ناوەڕاست و باکووری ئەفریقا، بە ڕاگەیاندنی ئەنجامنامە کۆتایی هات.

08:37

لە جولەمێرگ گردبوونەوەیەک دژی دانانی قەیوم بەڕێوەدەچێت، پێش گردبوونەوەکە بۆ ماوەی سێ ڕۆژ ڕێپێوان ئەنجام دەدرێت، دەستپێکی ڕێپێوانەکە ئەمڕۆ لە شەمزینانەوە دەست پێدەکات.

20:15

ژینگە پارێزان و هاوڵاتیان بۆ پاراستنی ژینگەی هەرێمی کوردستان و تەندروستی هاوڵاتیان دیبەیتێکی ژینگەی و گفتوگۆی کراوەیان ڕێکخست.

15:41

لە میانی وۆرکشۆپەکاندا بەشداربووانی کۆنفرانسی گەنجانی ڕۆژهەڵاتی ناوەڕاست و باکووری ئەفریقا باس لە بابەتەکانی پەروەردە، گەنجان، ئایین، نەتەوەپەرستی، ڕەگەز، جیاکاری دژی ژنان دەکەن.

14:01

نێرگس محەمەدی، چالاکوانی مافی ژنان و براوەی خەڵاتی نۆبڵ بۆ ئاشتیی، ئامادەبوونی لە دانیشتنێكی دادگاییكردنیدا ڕەتکردەوە، بەڵام بەبێ ئامادەبونی خۆی دانیشتنەکە لە لقی ٢٩ی دادگای شۆڕش لە تاران بەڕێوەچوو.

12:47

 حەمیدە زارعی، چالاکوانی مەدەنی لە زیندانی لاکان لە ڕەشت مانگرتن لە خواردنی ڕاگەیاند.

12:33

ڕێکخراوی پزیشکانی بێ سنووری نێودەوڵەتی ڕایگەیاند، لە سەرەتای ئەمساڵەوە زیاتر لە ٦٣ هەزار حاڵەتی تووشبوون بە نەخۆشی کۆلێرا لە ٢٠ شاری یەمەن تۆمار کراوە.

11:59

لە ئەنجامی ئۆپەراسیۆنێکی تایبەتی هێزەکانی ئیسرائیل لە کامپی نوسیرەت لە ناوەڕاستی کەرتی غەززە، زیاتر لە ٢٠٠ کەس گیانیان لەدەستدا و ٤٠٠ کەسی دیکەش بریندار بوون.