ڕۆژانە

13:43

هەڵمەتی کۆکردنەوەی واژۆ بۆ ئازادکردنی ڕێبەری گەلی کورد عەبدوڵا ئۆجالان، کە لە ٩ی شوباتی ٢٠٢٣ لەلایەن دەستپێشخەری گەلی باکوور و ڕۆژهەڵاتی سووریاوە دەستیپێکرد، ئەمڕۆ بە ڕاگەیەندراوێکی ڕۆژنامەوانی لە قامیشلۆ کۆتایی هات.

13:05

بەهۆی نوقمبوونی بەلەمێکی ماسیگرتن لە کەناراوەکانی باکووری مۆزەمبیق، کە کۆچبەری هەڵگرتبوو، زیاتر لە ٩٠ کەس گیانیان لەدەستدا.

12:29

لە بەردەم ئەنجومەنی نوێنەرانی ئیسرائیلدا چالاکی ئەنجامدرا و خۆپیشاندەران بە پانکارتی نووسراوی "بیانگەڕێنەوە" داواکارییان ئاڕاستەی ناتانیاهۆ کرد و حکومەتیان تۆمەتبار کرد بەوەی، بارمتەکان بەجێدەهێڵن بۆ چارەنووس.

11:06

هاوکات لەگەڵ ئاهەنگگێڕان لە شارەکانی ئەوروپا، ئاهەنگێک بۆ ٧٥ەمین ساڵیادی لەدایکبوونی ڕێبەر عەبدوڵا ئۆجالان، بە بەشداری سەدان ئەندامی گەلی کورد لە لوبنان و وڵاتانی دراوسێ ڕێکخرا.

10:35

بە گوێرەی ئاماری توندوتیژی لە مانگی ئاداردا، کە ژن نیوز تۆماری کردووە، ٢٤ ژن و دوو منداڵ کوژراون، ئەمەش بە شێوەیەکی گوماناوی تۆمارکراوە.

10:09

ئامینە شەنیاشار ٧١هەمین ڕۆژی مانگرتنەکەی بەردەم دادگای دادی ئەنقەرە، بە داواکردنی دادپەروەری درێژە پێدەدات.

09:36

ئەو کۆچبەرانەی لە کەمپەکانی ئیدلب دەژین لە باکووری سووریا بەهۆی ئاوەڕۆی کراوەوە تووشی نەخۆشی دەبن، سەفا عوسمان، پزیشکی پێست ئاماژە بەوە نەخۆشەکان زیاتر منداڵانن و ئاوەڕۆ زۆر مەترسیدارە.

08:20

پاشنیوەڕۆی دوێنێ، ژنێکی ٥٠ ساڵ کە دایکی چوار منداڵە، لە گوندی زورکانی پشدەر بە گوماناوی گیانی لەدەستدا.

08:05

ماڵی ژنان ڕۆڵێکی گرنگی هەیە لە هەموو ناوچەکانی باکوور و ڕۆژهەڵاتی سووریادا، یاسمین عیسا، وتەبێژی ماڵی ژنان لە گەڕەکی ئەلتەی، باسی کارەکانی لەو گەڕەکە دەکات و دەڵێت: کێشەکانی ژنان لە ڕێگەی ماڵی ژنانەوە چارەسەر دەکرێن.

07:31

لە ٧٥ەمین ساڵیادی لەدایکبوونی ڕێبەری گەلی کورد، عەبدوڵا ئۆجالاندا ڕژاک ٧٥ نەمامی لە ناوچەی مێرگەپان چاند.

20:05

باری نائاسایی لەو ناوچانەی ڕووسیا ڕاگەیەندرا کە لافاو تیایاندا ڕوویدا، دیاری کرا کە لە شاری ئۆرنبێرگ دوو هەزار خانووی دیکە لە ژێر ئاودان، کۆی گشتی خانووەکانی ژێر ئاو ٦ هەزار و ٣٠٠ خانوو بووە.

19:04

ژنێکی کوردی لەدایکبوی قەزای سۆران، بۆ هەڵبژاردنی یەکێتی ئەوروپا کە بڕیارە مانگی حوزەیران بەڕێوەبچێت، کاندیدی پارتێکی دانیمارکییە.

17:59

لە ئەنجامی تەقینەوەی بۆمبێکی تەقینەوە لە لادێکانی دەرعا لە سووریا، ٧ منداڵ گیانیان لەدەستدا و دووی دیکەش برینداربوون کە ژنێکیان تێدایە.

17:21

ژمارەی کوژراوان و بریندارانی شەڕی بەردەوامی کەرتی غەززە بۆ ١٨٤هەمین ڕۆژی لەسەریەک گەیشتووەتە ١٢٠ هەزار کەس کە کوژراو و بریندار و بێسەروشوێنن و ٪٧٢یان ژن و منداڵن.

16:37

چالاکوانێکی فێمینیست دووپاتیکردەوە زۆربەی ئەو ژنانەی لە ماوەی چەند ساڵی ڕابردوودا لە ئێران کوژراون یان خۆیان کوشتووە، لە پرۆسەی جیابوونەوەدا بوون بەڵام بەهۆی فشارەوە کۆتاییان بە ژیانی خۆیان هێناوە.

14:52

تەژەئە ئاماژەی بەوەکرد، هەڵبژاردنەکان سەرەتایەک بوون بۆ بونیادنانی سیستمێکی دیموکراسی و سروشتی و ئازادی ژنان و وتی: بەردەوام دەبین لە پاراستنی سیستمی هاوسەرۆکایەتی و شارەوانییەکانمان لە دژی حکومەتی فاشیستی ئاکەپە و مەهەپە.

13:41

لە نامەیەکدا کە بۆ چوار بەشی جیهان نێردراوە، ژنانی میسر داوایان کردووە تاوانەکانی ئیسرائیل دژی ژنان لە غەززە دەستنیشان بکرێن و لێکۆڵینەوەیان لەسەر بکرێت.

12:58

ئێدی ڕۆو، نوێنەری بەرنامەی خۆراکی جیهانی دەڵیت: دەترسم ئاستێکی چاوەڕواننەکراوی هەژاری و کەمی خۆراک ببینین لەم وەرزە وشکەدا لە سودان، دەبێت هەموو ڕێڕەوەکانی گواستنەوەی خۆراک بە کراوەیی بمێننەوە.

12:43

دوای ئەوەی شەڕی کەرتی غەززە پێی نایە مانگی حەوتەمەوە، هەزاران هاوڵاتی ئیسرائیلی بەشدارییان لە ناڕەزایەتییەکان دژی سیاسەتی بنیامین ناتانیاهۆ، سەرۆک وەزیرانی ئیسرائیل کرد و داوای ئازادکردنی بارمتەکانی غەززە و دەستلەکارکێشانەوەیان کرد.

10:53

سەباحەت تونجەل، سیاسەتمەداری زیندانیکراو، ڕایگەیاند، کردارەکانی ڕژێمی قەیوم و گۆشەگیری نەک تەنها گەلی کوردیان بێزار کردووە بەڵکو هەموو گەلانی تورکیای نیگەران کردووە و وتی: کاتی ئەوە هاتووە کە ئەمە بوەستێنین، بەرخۆدانیوان بۆ ئەمە دەستپێکە.