ڕۆژانە

10:31

لە شارۆچکەی کۆڕێی سنووری هەولێر بەهۆی لافاوەوە دیوارێک داڕووخا بە سەر چوار ژندا و یەکێکیان گیانی لەدەستدا.

10:06

١ی ئایار ڕۆژی جیهانی کرێکاران لە کامپی پەنابەرانی شەهید ڕۆستەم جودی "مەخموور" پیرۆز کرا.

09:15

هندرین سینۆ، هاوسەرۆکی دەستەی کاروباری کۆمەڵایەتی و ڕۆزەلین بەکر، ئەندامی بەڕێوەبەریی ئابووری ژنان لە ڕێکخراوی کۆنگرەی ستار و ژنانی کارکەری قامیشلۆ بەبۆنەی ١ی ئایار وتیان: ١ی ئایار بۆ ئێمە زۆر بە نرخ و بە واتایە.

08:52

شارەوانی شەنگال بە بەشداری ئەندامانی ئەنجومەن و دەزگاکان پارکێکی بەناوی "ئاخین" لە گوندی بۆریک لە شەنگال کردەوە.

20:21

کۆمیتەی یەکی ئایار، بەبۆنەی ۱ی ئایار کە دەکاتە ڕۆژی کرێکاران، کرێکاران و ژنانی کرێکار، بە ڕێپێوانێک لەبەردەم باخی گشتی داوای مافەکانی خۆین کرد.

15:58

کوێستان محەمەد، وەزیری کارو کاروباری کۆمەڵایەتی حکومەتی هەرێمی کوردستان دەڵێت: بەهۆی هەڵوەشاندنەوەی پەرلەمانەوە کار بە یاسای کار ناکرێت و دەبێت خولی داهاتووی پەرلەمان دووبارە دەنگ لەسەر یاساکە بداتەوە.

15:42

ئەنتۆنی ئەلبانیس، سەرۆک وەزیری ئوسترالیا دوای خۆپیشاندانەکانی زۆرێک لە شارە گەورەکان وتی: توندوتیژی دژ بە ژنان " قەیرانێکی نەتەوەییە" و دەبێت هەموو بەرپرسیارێتییەکانمان بۆ نەهێشتنی توندوتیژی جێبەجێ بکەین.

14:59

کۆبوونەوەی ١ی ئایار لە وان کە بە دروشمی "ڕەنجی ئێمە وتنی ئێمەیە"، بە ڕێپێوان دەستی پێکرد.

14:09

ئەمڕۆ ١ی ئایار، فەرمانبەرانی پارێزگاکانی بەغدا، دیوانیە و بەسرە خۆپیشاندانیان بۆ داوای مافەکانیان ئەنجامدا، بەڵام تەنها فەرمانبەرانی پیاو بوون و ژنان بەشدار نەبوون.

13:15

لە زانکۆی کۆلۆمبیا لە ئەمریکا، ئەو خوێندکارانەی کە بەردەوامن لە چالاکییەکانیان بۆ پشتیوانیکردنی فەلەستین، پۆلیس چووە ناو زانکۆکە و هێرشی کردە سەر خوێندکاران، ژمارەیەکی زۆر لە خوێندکاران دەستگیرکراون.

11:47

هەموو ئەو ڕێگایانەی کە بەرەو گۆڕەپانی تەقسیم دەڕۆن لە کاتژمێرەکانی سەرەتای بەیانیدا داخران، سەرەڕای قەدەغەی هاتوچۆو دەستگیرکردن، کرێکاران لە سەراچهان کۆدەبنەوە.

10:50

مەرجان ساتراپی، نووسەر و دەرهێنەری فیلمی ئێرانی-فەڕەنسی خەڵاتی گەورەی ئیسپانیای لە بواری پەیوەندی و زانستە مرۆییەکان بردەوە.

10:32

کۆچبەرانی کامپی واشۆکانی بەبۆنەی ڕۆژی ١ی ئایار ڕۆژی جیهانی کرێکاران داوای گەڕانەوەیان بۆسەر خاکی خۆیان کردو وتیان: هەموو خانوو و زەوییەک لە سەرێکانی بە ڕەنجی چەندین ساڵەمان دروستکراوە.

10:02

بەرەبەیانی ئەمڕۆ، بەهۆی داڕمانی ڕێگایەیەکی خێراوە لە شاری مەیکۆی سەر بە پارێزگای گوانگدۆنگی چین ٤٩ گیانیان لە دەستداو برینداربوون.

09:52

ژنانی کارکەر لە کامپی پەنابەرانی شەهید ڕۆستەم کودی "مەخمور" ١ی ئایاریان لە هەموو ژنانی کارکەر پیرۆز کردو ڕایانگەیاند، ١ی ئایار ڕۆژی تێکۆشانە.

21:00

نیکا شاکارامی ژنێکی گەنجە و لە کاتی ناڕەزایەتییەکان دەستگیرکراوە، بەر لە کوشتنی دەستدرێژی سێکسی کراوەتە سەر.

19:21

دادگای دەوڵەتی تورک، سزای هەشت ساڵ و پێنج مانگ زیندانی بە سەر پزیشک و ژنە چالاکوانی تەژەئا زەلال بیلگیندا سەپاند.

18:41

لە ماوەی یازدە ڕۆژدا ئەنجومەنی مافی مرۆڤی نەتەوە یەکگرتووەکان لە جنێڤ تاوتوێی بارودۆخی مافەکانی مرۆڤ لە سەرانسەری جیهان دەکات، هەروەها باس لەو پێشێلکاریانە دەکات کە ژنان لە ئەفغانستان تووشی دەبن.

17:57

لە ئەنجامی ئەو بارانە بەخوڕەی بەسەر باکووری ڕۆژئاوای پاکستان باری، ١٧ کەس گیانیان لەدەستدا.

17:37

لە ساڵیادی دامەزراندنی یەپەژەوە، نوێنەرایەتیی کۆنگرەی ستار لە باشووری کوردستان، خەڵاتی ڕێزلێنانی بەخشییە ڕژاک.