ڕۆژانە

15:49

ئەنجومەنی ژنانی دەم پارتی بە بۆنەی ١٠ ساڵەی فەرمانی ٧٤ی ٣ی ئاب بەیاننامەیەکی دا و لە بەیاننامەکەدا داوا کراوە کۆمەڵکوژی ٣ی ئاب وەک ڕۆژی جیهانی چالاکی دژ بە جینۆساید و جینۆسایدی ژنان دەستنیشان بکرێت.

15:00

یەکێتی ژنانی ئێزیدی حەلەب لە بەیاننامەیەکدا کۆمەڵکوژییەکەی دژی گەلی ئێزدی شەرمەزار کرد و داوایان کرد لێپرسینەوە لەو کەسانە بکرێت کە بەرپرسن لە کۆمەڵکوژییەکەی شەنگال.

14:39

خۆبەڕێوەبەری باکوور و ڕۆژهەڵاتی سووریا داوای لە کۆمەڵگەی نێودەوڵەتی کرد کۆمەڵکوژی چەتەکانی داعش لە شەنگال لە ٣ی ئابی ٢٠١٤ وەک جینۆساید قبوڵ بکەن.

13:34

بەرەی ژنانی باشووری کوردستان لە دەیەمین ساڵیادی کۆمەڵکوژکردنی ئێزدییەکان بەهۆی خیانەتی پەدەکە و جێهێشتنیان بۆ چەتەکانی داعش، بەیاننامەیەکیان بڵاو کردووەتەوە تێیدا وێڕای شەرمەزارکردنی ئەو کۆمەڵکوژییە، بەڵێن دووپات دەکەنەوە، کە خاوەندارێتی لە پرسی ژنانی ئێز

11:35

ئەندامانی ماڵی ئێزیدی حەسەکه دووپاتیان کردەوە، ئەو ژنە ئێزیدیانەی لە دەستی چەتەکانی داعش ڕزگاریان بووە بە مەبەستی پاراستنی خۆیان و ناسنامەیان بەشدارییان لە ئاوەدانکردنەوەی شەنگال کردووە.

11:12

با ئەمڕۆ لە شەنگال دڵمان لێبدات بۆ هەموو ژنە دیلەکان، کە فرۆشران و کوژران و ئەمڕۆ ڕزگار دەکرێن، با دڵمان لە سنگی هەر منداڵێکی ئیزیدیدا لێبدات.

10:45

ئادیلە گولەر، دایکی مەقبولە سەڤینچ کە ناڕەزایەتی دەربڕی بەرامبەر بە سزای ١٥ ساڵ بەسەر بکوژ نەجات سەڤینچ ڕایگەیاند، لەلایەن بنەماڵەی بکوژەکەوە هەڕەشە و فشاری لەسەر دەکرێت بۆ ئەوەی سکاڵاکەی بکشێنێتەوە.

09:54

ژنانی ناوچەی تل ڕەفعەت کە بەشدارن لە هەڵمەتی خوێندنەوەی پەرتوکەکانی ڕێبەری گەلی کورد عەبدوڵا ئۆجالان دەڵێن: پڕۆژەی نەتەوەی دیموکراتیک سەرمایەداری و دەسەڵات هەڵدەوەشێنێتەوە و کۆمەڵگەیەکی ئازاد بونیاد دەنێت.

09:30

شەوی ڕابردوو، تەرمی ١٣ لەو کۆچبەرانەی لە یەختێکی نقوم بووی ئاوەکانی ئیتالیا خنکان، لە ڕێگەی فڕۆکەخانەی هەولێرەوە گەڕێنرانەوە بۆ هەرێمی کوردستان.

09:23

گەنجانی ئێزیدی عەفرین-شەهبا لە ساڵیادی کۆمەڵکوژی شەنگال لە کانتۆنی شەهبا یادی فەرمانی ٧٤یان کردەوە.

08:43

فەلەک یوسف، دەستەی خۆجێی کانتۆنی فورات، لە ساڵیادی فەرمانی شەنگالدا تیشکی خستەسەر ئەو مەترسیانەی کە بەردەوام ڕووبەڕووی ئێزیدییەکان دەبێتەوەو وتی: چەتەکان ١٠ ساڵ لەمەوبەر ئەو فەرمانەیان جێبەجێکرد، ئەمڕۆ بە هاوکاری هەمان ئەو هێزانە لە باشووری کوردستانن.

16:00

لە شاری میونشنی ئەڵمانیا، بە سەرکردایەتی کۆمیتەی غازیان، بڕیاری لەسێدارەدانی پەخشان عەزیزی شەریف محەمەدی شەرمەزار کرا.

15:33

فەرماندەیی گشتی یەپەژە بە بۆنەی یادی ١٠ ساڵەی فەرمانی ٧٤ی ٣ی ئابی ٢٠١٤ لە شەنگال بەیاننامەیەکی نووسراوی بڵاوکردەوە و ڕایگەیاند: تا ژنێکی ئێزدی لە دیلدا بێت، ئەرکی ئێمە دەبێت ڕزگاریان بکەین.

14:15

کژار بە بۆنەی ١٠ـەمین ساڵیادی جینۆسایدی سەر ئێزدییەکان و بە ناونیشانی "ژنانی ئێزیدی چاویان بەڕووی بەیانییەکی پڕ لە هیوا و خەندەدا کردەوە" بەیاننامەیەکی بڵاوکردەوە و ڕایگەیاند، گەل و کۆمەڵگەی شەنگال توانای پاراستنی خۆیان هەیە

13:30

تەڤگەری ئازادیی کۆمەڵگەی کوردستان، لەگەڵ دەیان پارتی سیاسیی و ڕێکخراوی ژنان و مەدەنیی و پەرلمانتار و کەسایەتیی سیاسیی عێراقیی لە شاری بەغداد، بۆ رێگرییکردن لە هەموارکردنەوەی یاسای باری کەسێتیی بەشداریی هاوپەیمانیی ١٨٨ـی کرد.

13:13

بەڕێوەبەرایەتی گشتیی فەرمانگەی ڕاگەیاندن لە ڕاگەیەندراوێکدا ڕایگەیاند کە بەهۆی گەمارۆی ئیسرائیلەوە خەڵک برسی دەبن و ڕایگەیاند کە ٣٥ کەس بەهۆی نەبوونی خۆراک گیانیان لەدەستدا و ڕایگەیاند: غەززە گۆڕاوە بۆ ناچەیەکی کارەساتبار.

12:33

کۆنگرە ستار بەیاننامەیەکی نووسراوی سەبارەت بە یادی دەیەمین ساڵیادی فەرمانی ٧٤ لە ٣ی ئابی ٢٠١٤ کە چەتەکانی داعش هێنرانە شەنگال بڵاوکردەوە و ڕایگەیاند "دەنگی ژنانی ئێزدی دەنگی هەموومانە" و داوای خەباتی کرد.

12:12

ڕێکخراوی پەیوەندییەکانی ژنانی کورد-ڕێپاک، سەبارەت بە فەرمانی ٣ی ئابی ٢٠١٤ی چەتەکانی داعش بۆ سەر شەنگال بەیاننامەیەکی ڕایگەیاند: بە ڕۆحێکی یەکگرتوو، بە خۆڕاگری و خەباتی هاوبەش، کۆمەڵکوژییەکان ڕادەگرین.

10:38

تەواف داود، ژنێکی ئێزیدی کە ئازاد کراوە، دەڵێت: لە فەرمانی ٧٤دا هیچ دەسەڵاتێک نەبوو بۆ پاراستنی ژنانی ئێزیدی، ئەوانەی کە پارێزگارییان لێدەکردین ڕایانکرد، هەر بۆیە بڕیاریداوە خۆی پارێزگاری لە ژنانی ئێزی بکات و ئامادەیە چەک هەڵبگرێت.

09:53

کۆردیناسیۆنی کەژەکە ڕایدەگەیەنێت، ژنانی شەنگال بە پڕۆژەی نەتەوەی دیموکراتیکی ڕێبەر ئاپۆ، هیوای ژیانێکی ئازادیان بە هەموو لایەک و گەلانی جیهاندا بڵاوکردەوە و دەشڵێت: تۆڵەی ئەم کۆمەڵکوژییە بە ڕێکخستن و خۆپاراستنی ژن دەکرێتەوە.