ڕۆژانە

10:23

لافاو و هەرەسی زەوی لە بەرازیل بوونە هۆی گیان لەدەستدانی ٥٧ کەس و ئاوارەبوونی ٦٩ هەزار و ٢٠٠ کەس.

10:01

ژنانی حەلەب کاردانەوەیان بەرامبەر بە بەرخۆدانی حکومەتی شام دەربڕی و ئاماژەیان بەوەکرد، ڕێگری ناتوانێت بەرخۆدانیان بشکێنێت و داوایان لە ڕێکخراوە نێودەوڵەتییەکان کرد فشار بخەنە سەر حکومەتی شام دژی ئەو ڕێگرییەی کە ئەنجامی دەدات.

09:05

لە کۆی ٦٥ کەس کە ڕۆژی ١ی ئایار لە گۆڕەپانی ساراچهانی ئەستەنبوڵ دەستبەسەر کرابوون، ٣٨ کەسیان دەستگیرکران.

08:37

بەگوێرەی ڕاپۆرتی مانگی نیسانی پلاتفۆڕمی ئێمە کوشتنی ژنان ڕادەوەستێنین، ٣٢ ژن لە باکووری کوردستان و تورکیا کوژراون و ١٣ ژنیش بە شێوەیەکی گوماناوی گیانیان لەدەستداوە.

21:06

شەڕی بەردەوامی نێوان حەماس و هێزەکانی ئیسرائیل بۆ ماوەی حەوتەمین مانگ لەسەریەک بەردەوامە، دوای ئەنجامدانی سێ کۆمەڵکوژی دژی بنەماڵەکان، ٣٤ هەزار و ٦٥٤ کەس گیانیان لەدەستداوە.

20:39

بەهۆی بارانبارینی زۆر و درووستبوونی لافاوەوە، لە ویلایەتی ڕیۆ گراندێ دو سولی بەڕازیل، ٥٦ کەس گیانیان لە دەستدا و ٧٠ کەسیش بێسەروشوێن بوون.

20:13

لەژێر ناونیشانی "ژنانی عێراق لەنێوان توندوتیژیی و ئاڵەنگارییە سیاسییەکاندا"، کۆنفرانسێک بەڕێوەچوو کە تیایدا ڕەوشی ژنان تاوتوێ کرا.

19:24

لە ئەنجامی لافاو و ڕۆچوونی زەوی لە هەرێمی سولاوێسی باشوورى ئەندەنوسیا ١٤ کەس گیانیان لە دەستدا و زیاتر لە هەزار و ٨٠٠ ماڵ زیانی ماددییان بەرکەوتووە.

18:24

ژنانی هیندستان لەم ساڵدا سەرکەوتنێکی دیکەیان بەدەست هێنا و توانییان یەک لەسەر سێی کورسییەکانی ئەندامانی ئەنجوومەنی دادگای باڵای وڵاتەکەیان بەدەستبهێنن.

17:34

لە دەستپێكی شەڕەوە تا ئێستا ٣٤ هەزار و ٦٥٤ هاوڵاتیی غەززە گیانیان لەدەستداوە و ٧٧ هەزار ٩٠٨ كەسیش برینداربوون.

16:00

بەشداربووانی خۆپیشاندانەکان لە شاری سوەیدای سووریا لە گۆڕەپانی کەرەمە دووپاتیان کردەوە کە سیاسەتی تۆقاندنی حکومەتی شام ڕێگری ناکات لە بەردەوامبوونی خۆپیشاندانەکان کە داوای ئازادی دەکەن.

15:26

ڕێکخراوی مافی مرۆڤی هەنگاو لە ئێران پشتڕاستی کردەوە کە لە ماوەی دوو هەفتەی کۆتایی مانگی نیساندا، دەسەڵاتدارانی ئێران ٦٣ کەسیان لە زیندانەکاندا لە سێدارە داوە.

14:46

ئازادی ڕۆژنامەگەریی ژنان ڕایگەیاند، دەسەڵات دەستگیرکردنی ڕۆژنامەنووسان وەک چەک بەکاردەهێنێت و ڕایگەیاندووە کە ٩٢ ڕۆژنامەنووسی ژن لە زیندانەکاندا ڕاگیراون.

14:10

لە چوارچێوەی چالاکییەکانی کۆنگرەی ستار لە باشووری کوردستان، پێشنیوەڕۆی ئەمڕۆ خەڵاتی ڕێزلێنانی بەخشییە ژنانی بزووتنەوەی گۆڕان.

13:08

بەپێی ڕاپۆرتی پەیامنێرانی بێ سنوور، لە ساڵی ٢٠٢٤ تاڵیبان ٢٦ پلە لە ڕووی ئازادی ڕۆژنامەگەرییەوە دابەزیوە و پلەی ١٧٨ی بەدەستهێناوە.

11:30

بەشێک لە ڕێکخراوە ژینگەپارێزەکانی باشووری کوردستان داوای ڕاگرتنی دار بڕینەوە و تێکدانی سروشتی کوردستان بە تایبەت دەربەندیخان دەکەن و داواکەشیان ئاڕاستەی لایەنە پەیوەندیدارەکان دەکەن.

11:10

لە سەرەتای دەستپێکی جەنگی نێوان حەماس و ئیسڕائیلەوە، بەهۆی بۆردوومانەکانی ئیسڕائیلەوە لە کەرتی غەززە ١٤١ ڕۆژنامەنووس گیانیان لەدەستداوە و ٧٠ ڕۆژنامەنووسی دیکەش بریندار بوون.

09:52

ژنانی کورد لە ئەڵمانیا، ئەو نامانەیان بۆ سی پی تی نارد، کە بە مەبەستی کۆتایی هێنان بە گۆشەگیری سەر ڕێبەری گەلی کورد لە ئیمرالی ئامادەیان کردبوو.

09:10

ژنانی شەنگال پشتیوانییان لە هەڵمەتی تاژێ بە ناوی "لە دژی قڕکردنی ژنان دەبینە دەنگی خۆپاراستن" کردو داوایان لە هەموو ژنان کرد بەشداری لە هەڵمەتەکەدا بکەن.

08:41

پڕۆژەی باخچەی منداڵانی شەهید ئاواز یەکێکە لە دەستکەوتەکانی ژنان کە بە دەرفەتەکانی نوسینگەی ژنانی شارەوانی قامیشلۆ دامەزراوە، پشتگیری دایکانی کارکەر دەکات.