ڕۆژانە

13:37

بارۆی ئامەد سکاڵای لەو کەسانە کرد کە لە هەژماری تۆڕە کۆمەڵایەتییەکان لێدوانی ڕەگەزپەرستانەیان سەبارەت بە ئاگرکەوتنەوەکەی نێوان ماردین و ئامەد داوە.

13:03

زەینەب ئۆزکان، ئەندامی یەژاستار کە لە شەڕی چیای ماوا گیانی لەدەستدا، لە ناوچەی باسا بە خاک سپێردرا.

12:30

لافاو یەکێکە لە مەترسییە سەرەکییەکان بۆ سەر خەڵکی ئاوارە و لە چەند ناوچەیەکی یەمەن ٥٣ هەزار کەس ڕووبەڕووی زیانەکانی بوونەتەوە.

11:58

ژنانی سوەیدا کە بەشدارییان لە ناڕەزایەتییە بەردەوامەکاندا کردووە، جارێکی دیکە خوازیاری یەکگرتوویی هەموو پێکهاتەکانی سووریا و جێبەجێکردنی بڕیارنامەی ٢٢٥٤ی نەتەوە یەکگرتووەکان بوون.

10:58

ژمارەی ئەو کەسانەی بەهۆی ئاگرکەوتنەوە لە چنارو شەمرەخ گیانیان لەدەستداوە گەیشتە ١٣ کەس.

10:53

لە چوارچێوەی هەڵمەتی خۆپاراستنی تاژێ، لە لایەن فەرماندەیی یەکینەکانی ژنانی شەنگال سیمینارێک سەبارەت بە خۆپاراستن بەڕێوەچوو، و باس لەوە کرا خۆپاراستن تەنیا لایەنێکی سەربازی نییە، پێویستە لە لایەنەکانی دیکەوە ئەنجام بدرێت.

09:41

زەهرا بەرکڵ، هەبوون مەلا خەلیل و ئەمینە وەیسی کە ڕۆڵی خۆیان لە شۆڕشی ژناندا بینی، ناوەکانیان لە سەرتاسەری وڵاتدا بڵاوبووەوە، ئەمڕۆ هەزاران ژن لەسەر هێڵەکەیان و تێکۆشانیان بەردەوامن و گورزی قورس له سیستەم دەدەن که ئامانجی کوشتنی ژنانه.

08:34

فەهیمە عومەر، دایکی ئاشتی، کە ساڵانێک پێش شۆڕشی ژنان بە نهێنی خەباتی بۆ ئازادی دەکرد، باسی ئەو کاتانە دەکات و وتی: هەتا ئازادی مسۆگەر دەکەین، پەیڕەوی هێڵی ئازادی دەکەین.

15:41

پارتی یەکسانیی و دیموکراسیی گەلان "دەم پارتی"، لە بارەی ئاگرکەوتنەوەکەی شەمرەخی ماردین و چناری ئامەد ڕاگەیەندراوێکی بڵاوکردەوەو دەڵێت: برینەکانی کارەساتی ئاگرکەوتنەوەکە لەگەڵ گەلەکەماندا دەپێچین.

15:13

نەتەوە یەكگرتووەكان ئاشکرایدەکات، لەسێدارەدان لە ئێران لە ساڵی ٢٠٢٣ دا بەراورد بە ساڵی پێشوتر ٤٣% زیادی كردووە.

14:15

بارۆی ئامەد ڕایگەیاند، سکاڵایان لە سەرۆکایەتی داواکاری گشتی ینار تۆمارکردووە سەبارەت بە ئاگرکەوتنەوە لە ناوچەی نێوان خانا ئاخپار و شەمرەخ.

13:42

فەرمانگەی ڕاگەیاندنی کەرتی غەززە ڕایگەیاند، ڕۆژنامەنووسێکی دیکە لە هێرشەکانی ئیسرائیل گیانی لەدەستداوە، بەوەش ژمارەی ئەو ڕۆژنامەنووسانەی لە هێرشەکاندا گیانیان لەدەستداوە بووە ١٥٢ ڕۆژنامەنووس.

13:34

بەهۆی ئاگرکەوتنەوە لە نێوان شەمرەخ لە ماردین و چناری سەر بە ئامەد، تا ئێستا ٦ کەس گیانیان لەدەستداوە، گوندنشینانی بریندار ناڕەزایەتیان دەربڕی و ڕایانگەیاند، ئاگرەکە بەهۆی وایەرە کارەباییە پەرت پەرت بووەکانەوە بووە.

11:59

وەزارەتی تەندروستی هیندستان بڵاویكردەوە، لە ماوەی ١٠٥ ڕۆژی ڕابردوودا زیاتر لە ٤٠ هەزار حاڵەتی نەخۆش كەوتن بەهۆی گەرماوە تۆماركراوەو زیاتر لە ١٠٠ كەسی دیكە گیانیان لەدەستدا.

10:53

لە ڕۆژی جیهانی پەنابەران، یەکێتی ژنانی سودان داوای پاراستنی یاساکانی کۆچبەری و پەنابەری و پابەندبوون بە پاراستنی مافی پەنابەرانی بە پێی یاسا نێودەوڵەتییەکان کرد.

10:16

شەوی ڕابردوو ئاگر لەنێوان شەمرەخ و چنار کەوتەوە و ناوچەکانی نیشتەجێبوونیشی گرتەوە و لە ئەنجامدا ٥ کەس گیانیان لەدەستدا و ٤٤ کەسیش برینداربوون کە برینی ١٠یان سەختە.

09:44

"بیرەوەری" چیرۆکی چوار ژنە کە لە سێ دیمەنی کۆمیدیدا مامەڵە لەگەڵ یادەوەرییەکانیان و پرسە کۆمەڵایەتییەکان و ئەو ئازارە دەکەن کە کۆمەڵگەی پیاوسالاری بەسەر ژناندا دەیسەپێنێت.

09:27

ئەسرا بیهنان تەمەن ٣٨ ساڵ کە خاوەن پێداویستی تایبەتە، جەختی لە گرنگی بەهێزکردن و گرنگیدان بە خاوەن پێداویستییە تایبەتەکان کردەوە و وتی: خاوەن پێداویستییە تایبەتەکان پێویستیان بە بەهێزکردن و پشتیوانی دەروونی هەیە.

08:56

تیمی فڕۆکەوانیی و دەریایی وڵاتی ئیتاڵیا بەردەوامن لە گەڕان و بەدواداچوون بۆ تەرمەکانی دیکەی ناو یەختە ژێرئاو کەوتووەکەی ئیتاڵیا، ١٤ تەرمی دیکەیان دۆزیوەتەوە، کە ٨یان منداڵن.

15:37

بەڕێوبەرایەتی پۆلیسی دارستان و ژینگەی سلێمانی بڵاوىکردەوە، بەهۆی سووتانی ٥٠٠ دۆنم پوش و پاوان لە شارەدێی عەربەت و زیانگەیاندن بە نزیكەی ٦٠ هەزار دار، هاوڵاتییەك دەستگیركرا.