ڕۆژانە

16:12

تولای هاتم ئۆغولاری، هاوسەرۆکی دەم پارتی، دانوستانی دیپلۆماسی لە ئەوروپا دەستپێدەکات.

16:03

سوپای ئیسرائیل ڕایگەیاند، هێرشی نوێیان بۆ سەر کۆگاکانی چەک و ژێرخانی حزبوڵا لە لوبنان دەستپێکردووە.

15:38

ڕێکخراوی نەتەوە یەکگرتووەکان و ڕێکخراوە نێودەوڵەتییەکان پشتڕاستیان کردەوە، ئەوەی لە ئەفغانستان ڕوودەدات لە هەندێک لە خراپترین ڕژێمە سەرکوتکەرەکانی مێژووی سەردەم دەچێت.

15:26

ئانیشا ئەسەدوڵاهی، وەرگێڕی زمانی فەڕەنسی و چالاکوانی کرێکاری، نزیکەی سێ مانگە لە زیندانی ئەڤین زیندانی کراوە، هەروەها ڕێگەی پێنەدراوە چاوپێکەوتن لەگەڵ بنەماڵەکەی بکات.

15:15

خۆبەڕێوەبەری دیموکراتیکی باکوور و ڕۆژهەڵاتی سووریا ڕایگەیاند، شانەی قەیرانیان بۆ ئەو هاوڵاتیانەی کە لە لوبنانەوە دەگەڕێنەوە دامەزراندووە بۆ ئەوەی بە شێوەیەکی پارێزراو نیشتەجێ ببن.

14:48

لە ئەنجامی بۆردومانی هێزەکانی پشتیوانی خێرا بۆ بازاڕەکان و گەڕەکە نیشتەجێبوونەکان لە ماوەی هەینی و شەممەدا لە شاری فاشر لە ویلایەتی دارفۆری ڕۆژهەڵات ٦٢هاوڵاتی کوژران و سەدان کەس بریندار بوون.

14:25

دوابەدوای ئەو لافاو و زەوی لەرزینانەی بەهۆی بارانی بەخوڕەوە لە نیپاڵ و بەتایبەتی لە پایتەختی ئەم وڵاتە دروست بوو، ١١٢ کەس گیانیان لەدەستدا و ٦٨ کەسیش بێسەروشوێنن.

14:04

سەدان ژنی خەڵکی شاری کۆبانێ بۆ ئازادی جەستەیی ڕێبەری گەلی کورد عەبدوڵڵا ئۆجالان ڕژانە سەر شەقامەکان، ڕایانگەیاند بە فەلسەفەی "ژن، ژیان، ئازادی" سیستمی ئیمراڵی لەناو دەبەن.

13:24

کاردانەوەکان لە دژی ئۆپەراسیۆن لە سەر مەد-دەر، پایز پەرتوک و یەکێتی ئەنکا لە زیادبووندایە، ژنان ئاماژەیان بەوەکرد، ئامانجەکە زمانی کوردییە، بە خەباتی کوردی ڕێگە نادەن چالاکییەکان بۆ زمانی کوردی تاوانبار بکرێن.

12:03

پەردە لەسەر چالاکییەکانی حەڤدەیەمین خولی فێستیڤاڵی نێودەوڵەتی فیلمی ژنان لە شاری سەلا لادرا، کە ڕۆشنایی خستە سەر ڕاستینەی زیندانییە ژنەکان لە مەغریب و تێکەڵبوونیان بە کۆمەڵگە دوای ئازادبوونیان لە زیندان.

10:08

دەستپێشخەری نێودەوڵەتی "دادپەروەی بۆ ناگیهان ئاکارسەل" لە ڕاگەیەندراوێکدا بانگیان لە ئەنجومەنی ئەوروپا و نەتەوە یەکگرتووەکان کرد، ڕێگری لە پێشێلکردنی یاسا نێودەوڵەتییەکان لەلایەن دەوڵەتی تورکیا بکەن.

09:00

ماجیدە حەسون، ئەندامی كۆردیناسیۆنی کۆنگرەی ستار ڕایگەیاند، عەبدوڵڵا ئۆجالان سەرچاوەی چارەسەر و دەرمانە بۆ نەخۆشییەکانی سەردەم و وتی: ئازادیی جەستەیی ڕێبەر ئاپۆ مسۆگەری لەناوچوونی سیستمە باڵادەستەکانە.

16:05

"گومانی تێدا نییە ئەو ڕاستیانەی کە ژنۆلۆژی ئاشکرای دەکات، لە ئیلاهیات، ئیسکاتۆلۆژیا، سیاسەت، پێداگۆژی و بە کورتی ئەو لۆژیکانەی پەیوەستن بە بەشەکانی کۆمەڵناسیەوە، کەمتر نابن".

15:57

ڕێکخراوی جیهانیی مافی مرۆڤی ویلایەتە یەکگرتووەکانی ئەمریکا لە هەرێمی کوردستان، بە دروشمی "یاسای باری کەسی بەرەو کوێ؟"، سیمینارێکی بۆ ڕازاو گوڵی ڕێکخست.

15:39

لە گوندێکی سنووری ئامێدی پیاوێک لە ماڵەکەیدا تەقەی لە هاوژینەکەی و سێ منداڵی خۆی کرد، ژنەکە گیانی لەدەستداوە و سێ منداڵەکەی بریندار کردوون.

14:55

ئەمڕۆ هەشتەمین پێشەنگای ئاڵوگۆڕ و بەخشینی کتێب لە شاری هەڵەبجە بەڕێوەچوو، کە تیایدا ١٠ ناوه‌ند و ده‌زگا و ڕێكخراو به‌شدارن.

14:30

ژنانی سوەیدا لە گۆڕەپانی کەرامەت بەردەوامن لە ناڕەزایەتی و داوای مافەکانیان دەکەن، سەرەڕای پەراوێزخستن جەخت لەسەر بەردەوامیی خەباتی مەدەنییان دەکەنەوە.

13:34

یونیسێف هۆشداری دا لە زیادبوونی ترسناکی ژمارەی منداڵانی کوژراو لە دوای پەرەسەندنی ڕووبەڕووبوونەوەکان لەم هەفتەیەدا لە لوبنان.

12:51

وەزارەتی تەندروستی لوبنان ڕایگەیاند، بەهۆی بەردەوامی بۆردوومانەکانی ئیسرائیل لە شارە جیاوازەکانی باشوور و ڕۆژهەڵاتی ئەم وڵاتە،٧٠١ کەس گیانیان لەدەستداوە و زیاتر لە دوو هەزار و٦٠٠ کەس برینداربوون و ٧٧ هەزار کەسیش ئاوارەبوون.

11:27

شەوی ڕابردوو، لە سەروبەندی ساڵڕۆژی کۆمەڵکوژی هەینی خوێناوی زاهداندا، ئازادیخوازانی بەلووچ ڕایانگەیاند، کە ڕێگای شەهیدان بە سازدانی ناڕەزایەتی شەقام و دروستکردنی بەربەست و داگیرساندنی ئاگر بەردەوامی پێدەدەن.