ڕۆژانە

16:00

 ئەمڕۆ ١٣٠ خێزانی کۆچبەرانی شەنگال لە کامپی کەبەرتۆ لە پارێزگای دھۆکەوە گەڕاونەتەوە سەر ماڵ و حاڵی خۆیان.

15:01

لە چوارچێوەی هەڵمەتی"ئازادی بۆ ڕێبەر ئاپۆ، خۆبەڕێوەبەری بۆ شەنگال"، تاژێ ڕاگەیەندراوێکی بۆ ئازادی فیزیکی ڕێبەری گەلی کورد، عەبدوڵا ئۆجالان خوێندەوە و وتی: تا کۆتایی بە دوای ئازادیی ڕێبەر ئاپۆوە دەبین.

14:27

بەڕێوەبەری گشتیی ڕێکخراوی تەندروستی جیهانی لە ڕاگەیەندراوێکدا ئاشکرای کرد، ڤایرۆسی ئیفلیجی منداڵان لە دوو منداڵی شاری دێر ئەلبەلاح و خان ​​یونس لە بەشی باشووری کەرتی غەززە دۆزراوەتەوە.

14:10

ڕۆژنامەنووسێکی فەڵەستینی لە ئەنجامی بۆردومانێکدا کە ماڵەکەی لە کامپی نوسیرات لە ناوەڕاستی کەرتی غەززە کردە ئامانج، گیانی لەدەستدا و بەمەش ژمارەی گیان لەدەستدانی ڕۆژنامەنووسان گەیشتە ١٦٢ ڕۆژنامەنووس.

13:57

سەنتەری تاتوێ بۆ لێکۆڵینەوەی جێندەر لە میسر پڕۆژەیەکی توێژینەوەی لە ناوچە بیابانییەکان دەستپێکردووە کە گەنجان تووشی توندوتیژی دەبن، لەو پڕۆژەیەشدا چوار هەزار و ٦٤١ خێزان بەشدارن.

11:56

سەنا.م، چالاکوانی بواری ژنان و ڕۆژنامەنووس دەڵێت: حکومەت لەڕێگەی سێدارە و گرتن و سەرکوتکردنەوە پەیامێک بۆ چالاکوانانی ژن دەنێرێت، کە ئەگەر بەردەوام بن لە چالاکیەکانتان لەسێدارە دەدرێن، بەڵام چالاکوانان لە دژی ئەو هەوڵانە دەوەستنەوە.

11:13

لە هێرشێکی چەکداریدا بۆ سەر دارستانەکانی ئۆلالا لە ئەسیوپیا، دوو پەنابەری سودانی گیانیان لەدەستدا و چەندین کەسی دیکە دیکەش برینداربوون.

10:17

مەیاد ئەحمەد، ڕێکخەری ئەنجومەنی ژنانی زەنوبیا باسی لە شۆڕشی ١٩ی تەمووز کرد و ڕایگەیاند، یەکێک لە دەستکەوتە هەرە گرنگەکانی شۆڕشی ١٩ی تەمووز کردنەوەی ڕێکخراو و دەزگاکانی ژنانە.

10:01

دەزگای ژنانی ئازاد لە شاری دێرکی باکوور و ڕۆژهەڵاتی سووریا ژنان لە هەموو لایەنەکانی ژناندا بەرەوپێش دەبات و هەلی کاریان بۆ دەڕەخسێنێت.

09:32

کەسوکاری زیندانییان کە بەشدارییان لە چالاکیی "دەنگ بدە ئازادی"دا کرد، ئاماژەیان بەوەکرد، پێویستە گۆشەگیری لە ئیمرالی هەڵبگیرێت، ئەمە تاکە ئاواتی ئەوان و منداڵەکانیانە، ئەگەر ئەمە ڕووبدات ئاشتی بۆ وڵات دێت.

09:08

لە کامپی مەخموور بە بۆنەی ساڵیادی چالاکی ئێشکگریی ئاهەنگێکی جەماوەری بە ئامانجی دەستەبەرکردنی ئازادی جەستەیی ڕێبەری گەلی کورد عەبدوڵا ئۆجالان و ١٢یەمین ساڵەی شۆڕشی ڕۆژئاوا بەڕێوەچوو.

08:43

ژنانی کۆبانێ دژی داگیرکارییەکانی دەوڵەتی تورک بۆ سەر باشووری کوردستان، داوایان لە ژنان کرد کە داگیرکاری و خیانەت قبوڵ نەکەن و پێشەنگایەتی بەرخۆدان بکەن.

16:31

بەهۆکارێکی نادیار ژنێک سووتا و پۆلیس ئاماژەی بەوە داوە، کە خۆی سووتاندووە و ڕێژەی سووتاوییەکەی بەرزە.

15:46

بەرازیل ژمارەیەکی پێوانەیی لە تاوانەکانی دەستدرێژی تۆمارکردووە، کە ٨٨%ی ئەو تاوانانە ژنان و منداڵانی کچی خوار تەمەنی ١٤ ساڵان بوون.

15:37

دوای پێنج مانگ لە ڕووداوەکە، شارەزایانی نەتەوە یەکگرتووەکان ڕایانگەیاند،کوشتنی منداڵی هیند ڕەجەب کە بانگەوازەکانی هەموو جیهانی بەرزکردەوە، دەتوانێت تاوانی جەنگی پێکبهێنێت.

15:16

شاری هەڵەبجە ساڵانە ژمارەیەک لە خوێندکارەکانی ڕیزبەندی یەکەمەکانی هەرێم بۆ پۆلی ١٢ بەدەستدەهێنن، ئه‌مساڵیش دوو لە خوێندکارەکانی ئەو شارە لەسەر ئاستی هەرێم پلەی دووەم و لەسەر ئاستی شارەکەش پلەی یەکەمیان بەدەستهێنا.

14:38

ئەو ژنانەی عەفرین کە ڕوویان لە شەهبا کردووە، ڕۆژانە ڕووبەڕووی هێرشی لەشکرکێشی دەبنەوە، باسیان لە هێرشەکان کرد و ئاماژەیان بەوەکرد، حکومەتی تورکیا دەیەوێت شەهبا داگیر بکات بەڵام لە بەرامبەریدا بەرخۆدان دەکەن.

13:57

پەنجەوین عەلی، هاوسەرۆکی دادگای هاوپەیمانی کۆمەڵایەتی، ئاماژەی بەوەدا کە هاوپەیمانی کۆمەڵایەتی یەکێکە لە دەستکەوتە گرنگەکانی شۆڕشی ١٩ی تەمووز و کار بۆ مافەکانی ژنان و کۆمەڵگە دەکەن.

13:24

لە عەفرین کە لەلایەن دەوڵەتی تورک و چەتەکانیەوە داگیرکراوە، ٩ کەس ڕفێندراون کە منداڵێکی کچیان تێدایە.

11:35

هەزاران کەس بۆ یادی ١٢ ساڵەی ١٩ی تەمووز لە حەسەکە و قامیشلۆ لە کانتۆنی جزیرە لە باکوور و ڕۆژهەڵاتی سووریا، چوونە شوێنی ئاهەنگ گێڕان، هەموو لایەنەکان لە ئاهەنگەکەدا کۆبوونەوە و داوای پاراستنی دەستکەوتەکانی شۆڕشیان کرد.