ڕۆژانە

14:17

ڕێکخراوی تەندروستی جیهانی هۆشداری دا لە خراپتربوونی دۆخی یەمەن بەهۆی بەرزبوونەوەی حاڵەتەکانی پەتای کۆلێرا کە بووەتە هۆی گیان لەدەستدانی دەیان کەس و سەدان کەسیش تووشی ڤایرۆسەکە بوون.

13:22

بەهۆی خنکانەوە ژنێک لە کەلار گیانی لەدەستدا و پۆلیس دەربارەی ڕووداوەکە زانیاری نەخستووەتەڕوو.

11:54

ڕێكخراوی‌ گشتی‌ نەتەوە یەكگرتووەكان هۆشداری‌ دا لەوەی‌ عێراق نزیکە لەوەی ببێتە ناوەندێكی ناوچەیی بازرگانی كردن بە ماددە هۆشبەرەكان، چونکە لە ماوەی ٥ ساڵی ڕابردوودا لە عێراق ڕێژەی بازرگانی كردن و بەكارهێنانی ماددەى هۆشبەر بەرزبووەتەوە.

11:27

لە بارەی ڕێگرییکردن لە دامەزراندنی بەرەکەیان لەلایەن ئاسایشی سلێمانییەوە، بەرەی یەکڕیزیی دژی داگیرکاریی ڕایگەیاند، بە توندی ئیدانەی ئەو کارەی ئاسایشی سلێمانی دەکەن و داوا لە ئازادییخوازانیش دەکەن پێویستە بە توندی لە دژی هێرشە داگیرکارییەکان بووەستنەوە.

11:12

لە ئامەد کەسێک بە ناوی د.ی بە بەڵێنی هاوسەرگیری منداڵێکی تەمەن ١٣ ساڵانی ڕفاند، نورجان دەمیر دایکی منداڵەکە وتی: بە وتنی ئێمە پاسەوانین دەیانەوێت ئێمە بترسێنن، من نیگەرانم لە ژیانی منداڵەکەم.

10:27

لە یەکێک لە کۆمەڵگەکانی نێشتەجێبوونی هەولێر ژنێک و منداڵێک کەوتنەخوارەوە و دەستبەجێ گیانیان لەدەستدا.

08:28

نه‌ته‌وه‌یه‌كگرتووه‌كان لەبارەی کەمئاوی عێراقەوە هۆشداری ده‌دات و ئاشکرایکرد، عێراق له‌ ساڵی داهاتوودا ته‌نیا ده‌توانێت ١٥%ی رێژەی ئاوی پێویست دابین بكات.

15:49

حزب و ڕێکخراوی مەدەنى لە ناوچەکانى باکوور و ڕۆژهەڵاتی سووریا بڵاویان کردەوە، هێرشە بەردەوامەکانی دەوڵەتی تورک بۆسەر گەلانى عێراق و سووریا ڕەتدەکەینەوە و دووپاتی دەکەینەوە کە دەسەڵات و لایەنە سیاسییەکانی عێراق دەبێت بەرپرسیارێتی پاراستنی سەروەری خاکی خۆیان

15:15

بە وتەی ئەندامێکی ئەنجومەنی باڵای پەرستاری لە ئێران، نەبوونی بژێوی ژیان و فشارەکانی کار کە لە ئەنجامی کەمی هێزی مرۆییەوە سەرهەڵدەدات، لەو هۆکارانەن کە مانگانە لانیکەم ١٥٠ بۆ ٢٠٠ پەرستار پاڵدەنێن بۆ کۆچکردن بۆ وڵاتانی دیکە.

14:44

باران بارینی وەرزی کە پاکستانی گرتەوە، ٩ کەس گیانیان لەدەستداو چەندین باڵەخانە و ماڵی وێران کرد، هەروەها زیانی بە بەرهەمە کشتوکاڵییەکانیش گەیاند.

14:31

سی پی تی کە لە ڕووی بەجێگەیاندنی ئەرکەکانییەوە ڕەخنەی زۆری لێ گیراوە، لە گۆشەگیریی توندی عەبدوڵا ئۆجالان ڕێبەری گەلی کورد، بە بەرپرسیارێتی خۆی تۆمەتبار کراوە.

13:50

لەگەڵ بەردەوامی شەڕ لە سودان، پزیشکانی بێ سنوور هۆشدارییان داوە لە کاریگەری شەڕەکە لەسەر خەڵک و ئەو پێشێلکاریانەی کە بەرامبەریان ئەنجام دراوە.

13:25

ڕاگەیاندنەکانی هیندستان بڵاویان کردەوە، بەهۆی بڵاوبوونەوەی ڤایرۆسێکی مەترسیدار بەناوی "چاندیپور" ١٦ کەس گیانیان لە دەستداوە.

11:40

ڕق و کینە لە بەرامبەر ژنان لە ئێراندا هەمیشە باو بووە، بە پێی ڕاپۆرتەکانی مافی مرۆڤ لە ساڵانی ڕابردوودا بە ڕێژەیەکی مەترسیدار کوشتنی ژنان زیادی کردووە.

11:32

پەخشان عەزیزی، چالاکوانی مافی ژنان و زیندانیکراوی زیندانی ئەڤین، لە زیندانەوە نامەیەکی، بڵاوکردەوە و دەڵێت: شاردنەوەی ڕاستییەکانی کۆمەڵگەی ژنان و کورد و هەموو پێکهاتە پەراوێزخراوەکان و گیرخواردن بەدەست شێواندنی مێژووەوە، گەورەترین شاردنەوەی ڕاستییەکانە.

10:07

زلوخ بەکر، ئەندامی خۆبەڕێوەبەریی دیموکراتیک, ئامانجی پشت پەیوەندی و ئاساییکردنەوەی نێوان تورکیا و حکومەتی شام لێدانی پڕۆژەی دیموکراتیکە لە ناوچەکانی باکوور و ڕۆژهەڵاتی سووریا و لەناوبردنی گەلانی ئاشتیخوازە کە داوای ئازادی خۆیان دەکەن.

09:31

شەفیقە عەلی، ناسراو بە لەیلان، ژنە مێژوونووسی و نووسەری باشووری کوردستان لە تەمەنی ٨٩ ساڵیدا کۆچی دواییکرد.

08:56

ژنانی عەفرین کە کۆچیان کردووە بۆ شەهبا و بەردەوامن لە بەرخۆدانیان بەرامبەر بە سیاسەتەکانی قڕکردن ڕایانگەیاند، بە سیاسەتی هێرش و گەمارۆ ناتوانن ئیرادەی کۆچبەران بشکێنن و تا سەرکەوتن بەردەوام دەبن لە بەرخۆدان.

08:42

خۆبەڕێوەبەری ١٥ منداڵ و ٧ ژنی داعشی ڕادەستی شاندی کۆماری قیرغیزستان کرد, بەڵگەنامەی گەیاندن و وەرگرتن لە کاتی کۆبوونەوەکەدا واژۆ کرا.

16:16

فەرماندەیی گشتیی یەپەژە داوای لە هەموو ژنان و خەڵکی باشوور، عێراق، ناوچەکە و پێشمەرگە و هێزە نێودەوڵەتییەکان کرد، هەڵوێستیان هەبێت و بەرەنگاری هێرشەکانی دەوڵەتی تورکیا بۆ سەر خاکی باشووری کوردستان و بجەنگن و دژیان بوەستنەوە.