ڕۆژانە

09:23

 گوڵناز ئیبراهیم لە قامیشلۆ کە خاوەن پێداویستی تایبەتە، چیرۆکی خەباتی خۆی گێڕایەوەو وتی: مرۆڤەکان باڵیان هەیە بۆ ئەوەی بفڕن بۆ سەرکەوتن، دەرفەت بۆ بەهرەکانیان دروست بکەن.

08:58

شازیە ئیبراهیم، ئەندامی دادپەروەری کۆمەڵایەتی عەفرین-شەهبا باسی له هاوکارییەکانی پەدەکە بۆ دەوڵەتی داگیرکەری تورک کرد و وتی: به هاوکارییەکانی پەدەکە ڕێگه بۆ داگیرکردنی کوردستان دەکرێتەوە.

08:41

ئاگرێکی فراوان لە دارستانەکانی چەند گوندێکی سنووری کانتۆنی عەفرین کەوتووەتەوە و بەهۆیەوە ٢٥ هەزار داری بەرهەمدار سووتاون، دانیشتووانی گوندەکان پشتڕاستیان کردووەتەوە، کە ئاگرەکە لەلایەن چەتەکانی دەوڵەت تورکەوە کراوەتەوە.

15:58

لە هێرشەکانی ئیسرائیل بۆ سەر کەرتی غەززە لە ماوەی ١٠ ڕۆژی ڕابردوودا ٥٦١ فەلەستینی گیانیان لەدەستدا، ژمارەی ئەو کەسانەی لە ٧ی تشرینی یەکەمی ٢٠٢٣ەوە گیانیان لەدەستداوە بووە ٣٩ هەزار و ١٤٥ کەس.

15:40

٢٥ی تەمووز سێهەمین کۆنفرانسی ژنانی عێراقی تایبەت بە قڕکردنی ژنان "ژنانی ئێزیدی" بە بەشداری زۆرێک لە ژنانی شارەکانی عێراق لە بەغدا بەڕێوەدەچێت.

14:56

ڕێکخراوی تەندروستی جیهانی گیانلەدەستدانی زیاتر لە ٢٠ کەسی تووشبوو بە نەخۆشی سورێژەی لە ئەفغانستان ڕاگەیاند.

14:48

دانیشتووانی کۆبانێ دژی گۆشەگیرکردنی ڕێبەری گەلی کورد عەبدوڵا ئۆجالان و نوێکردنەوەی سزاکان ڕێپێوانیان کرد، لە ڕێپێوانەکەدا پشتڕاستکرایەوە کە خەبات بۆ شکاندنی سیستمی ئیمرالی بەردەوام دەبێت.

14:23

کۆنگرەی ستار بەیاننامەیەکی ڕۆژنامەوانی دژی هێرشەکانی داگیرکاریی دەوڵەتی تورکیا بۆ سەر باشووری کوردستان و هاوکاری پەدەکەی بڵاوکردەوە و ڕایگەیاند، لە بەرامبەر سیاسەتی دوژمنایەتی دژی گەل و ژنان کە گەل دابەش دەکات و دەکوژێت، بێدەنگ نابین.

13:46

ڕێکخراوی نەتەوە یەکگرتووەکان ڕایگەیاندووە کە ٢٣ ملیۆن کەس لە سودان ناتوانن خۆراکی پێویستیان دەست بکەوێت و ٧٥٠ هەزار کەسیش ڕووبەڕووی برسێتی بوونەتەوە.

13:11

لە فەرەنسا، بەرەی گەلی نوێ لە بەیاننامە هاوبەشەکەیاندا ڕایگەیاند، بە کاندیدبوونی لوسی کاستێتس دەچنە هەڵبژاردن، کە بو تێکۆشان لە دژی تاوانە داراییەکان هاتە پێشەوە.

11:28

سبەینێ ٢٢ەمین فێستیڤاڵی ڕۆشنبیری و سروشت مونزور دەست پێدەکات، بیرسەن ئۆرهان، هاوسەرۆکی شارەوانی دەرسیم، ئاماژەی بەوەدا کە فێستیڤاڵەکە بە "گەڕانەوە بۆ خودی مرۆڤ" پێناسە دەکرێت.

10:11

دەزگای چاودێریی گۆڕانی کەشوهەوای کۆپەرنیکۆسی یەکێتی ئەوروپا رایگەیاند، ڕۆژی ٢١ی تەمووزی ئەمساڵ گەرمترین ڕۆژی ساڵ بووە.

09:40

شەوی ڕابردوو لە شارۆچکەی سێمێل ژنێک لەسەر کێشەیەکی کۆمەڵایەتی کوژرا.

08:56

پەخشان عەزیزی، ڕۆژنامەنووس و چالاکوان و زیندانی سیاسیی کورد لە زیندانی ئەڤێن کە لەم دواییانەدا لە مافی پەیوەندیی تەلەفۆنی و چاوپێکەوتن لەگەڵ بنەماڵەکەی بێبەش کرابوو، لەلایەن دەزگای دادوەریی ڕژێمی ئیسلامی ئێرانەوە بە تۆمەتی "بەغی" سزای سێدارەی بەسەردا سەپێ

08:36

سی پی تی ڕایگەیاند، سوپای تورکیا ئۆپەراسیۆنە داگیرکارییە نوێیەکەی لە ئاسمانەوە بۆ شارۆچکەی چۆمان درێژکردووەتەوە و لەم هەفتەیەدا دوو جار بۆردوومانی سنوورەکەی کردووە.

16:00

بە پێی بڵاوکراوەی وەزارەتی کۆچ و کۆچبەرانی عێراق هەزار و ٨٤١ ئاوارەی دانیشتووى كامپەكانی سنووری پارێزگاى دهۆک بە ڕەزامەندی خۆیان گەڕێندرانەوە بۆ شەنگال.

15:36

بزووتنەوەی ژنانی پەنجەرەی هیوا لە ساڵی سێیەمی داگیرکردنی ئەفغانستان لەلایەن تاڵیبانەوە لێدوانێکی دا و داوای یەکڕیزی دژی تاڵیبان کرد و داوای یاخیبوونی لە ١٥ی ئابدا کرد.

15:24

لە ئەسیوپیا ئەو کەسانەی هەوڵیاندا ئەو کەسانە ڕزگار بکەن کە لە ژێر زەویدا لە بوومەلەرزەکەدا گیریان خواردبوو، لە بوومەلەرزەی دووەمدا گیانیان لەدەستدا، دیاری کرا کە ژمارەی ئەو کەسانەی گیانیان لەدەستداوە ١٥٧ کەسە.

15:03

پەیامنێری ئاژانسی هەواڵی 'ڕۆژنیوز'، دێرین ڕەحیم، کاتێک بەدواداچوونی بۆ بەیاننامەیەکی ڕۆژنامەوانی کرد، لەلایەن هێزە ئەمنییەکانی شاری سلێمانییەوە هێرشی کرایە سەر، جگە لەوە دەستیان بەسەر مۆبایل و کەرەستەی ڕۆژنامەنووسییەکەیدا گرت.

14:43

نیلوفەر شاهین، بەندکراوی ٢٠ ساڵ، کە لە زیندانی ژنان لە سینجان مافی تەلەفۆنکردنی لێسەندراوەتەوە، بە بێ ئەوەی پێی بڵێن و بە بێ ئاگاداری بنەماڵەکەی ڕەوانەی زیندانی قەندیرە کراوە.