ڕۆژانە

14:31

ئەمڕۆ بۆ جاری دووەم دانیشتنی دادگای دهۆک لەسەر کەیسی سلێمان ئەحمەد، ڕۆژنامەنووس بەڕێوەچوو، دادگا سزای سێ ساڵ زیندانیکردنی بەسەردا سەپاند.

14:30

لەو ڕاپۆرتەدا کە لەلایەن هیومان ڕایتس وۆچ سەبارەت بە شەڕی سودان ئامادەکراوە، تاوانەکانی دەستدرێژیکردنە سەر ژنان بڵاوکراوەتەوە و دەرکەتووە زیادی کردووە.

13:43

٥ ماددەی یاسایی کە بە دەنگی ئاکەپە و مەهەپە لە پەرلەمانی تورکیا پەسەند کرا، ڕێگە بۆ کوشتنی ئاژەڵانی سەر شەقام دەکاتەوە.

13:27

ژنانی کۆچبەر لە کامپی تل سەمین بە چەندین سەختی ژیاندا تێدەپەڕن، سەرەڕای ئەمەش هێشتا لە تێکۆشاندان و هیوادارن بگەڕێنەوە سەر خاکی خۆیان.

11:52

بەرەبەیانی ئەمڕۆ ٢٩ی تەمووز، ئاگر لە شاخی گۆیژە کەوتەوە و بەهۆیەوە زیاتر لە ٢٠٠ دۆنم لە ڕووبەری پووش و دار سووتاون.

09:24

ژمارەیەک لە وەرزشوانانی ژن کە ئەندامی تەڤگەری ناڕەزایەتی "ژنانی بەهێزی ئەفغانستان"ن، سەبارەت بە قەدەغەکردنی وەرزش لەژێر دەسەڵاتی تاڵیبان ڕایانگەیاند، بێدەنگی کۆمەڵگەی نێودەوڵەتی بەرامبەر بە دوورخستنەوەی ژنان لە وەرزش و کۆمەڵگە و پەروەردە شەرمەزارکەرە.

09:17

کۆنفڕانسی ١٠یەمین ساڵیادی جینۆسایدی سەر ئێزدییەکان بە دروشمی "بۆ پێکهاتەی ئێزیدی دادپەروەری و ئازادی" بە ڕاگەیاندنی ئەنجامنامەیەک کۆتایی هات و داوایانکرد تاوانبارانی جینۆساید دادگایی بکرێن و کۆمەڵکوژیی سەر ئێزدییەکان بە فەرمی بە جینۆساید بانسێندرێت.

21:15

شاندی پەرلەمانتارانی دەم پارتی و ئەندامانی تەژەئە لەگەڵ بزووتنەوەی گۆڕان و ڕێکخراوی ژنانی ئازادی کوردستان-ڕژاک کۆبوونەوە و گرنگی پێکهێنانی خەباتی هاوبەش و شکاندنی گۆشەگیری سەر ڕێبەر ئۆجالانیان باس کرد.

15:58

کۆنگرەی ستار لە بەیاننامەیەکی نووسراو کاردانەوەی بەرامبەر بە سزای لەسێدارەدانی پەخشان عەزیزی و شەریفە محەمەدی دەربڕی و ڕایگەیاند: ڕاپەرین لە ڕۆژهەڵاتی کوردستان دەبێتە هەوێنی یەکڕیزی ژنان.

15:23

ژنە زیندانییە سیاسییەکانی زیندانی ئەڤین لە ناویاندا نێرگس محەمەدی خاوەن خەڵاتی نۆبڵی ئاشتی، بەرامبەر بە سزای لەسێدارەدانی ڕۆژنامەنووس پەخشان عەزیزی، ناڕەزایەتییان دەربڕی.

15:21

ڕۆژنامەنووس پەخشان عەزیزی کە لە زیندانی ئەڤین دەستبەسەرە و سزای لە سێدارەدانی بەسەردا سەپێندراوە، تا ئێستا ڕێگە نادرێت لەگەڵ پارێزەرەکانی کۆببێتەوە.

14:36

لە ئەنجامی تۆپبارانەکانی هێزەکانی پشتیوانی خێرا بۆ سەر شاری فاشێر لە سودان ٢٢ کەس گیانیان لەدەستدا و ١٧ کەسی دیکەش بریندار بوون.

14:33

کۆبوونەوەی گشتی ژنانی ڕێکخراو و تەڤگەرەکانی ژنان لە باکوور و ڕۆژهەڵاتی سووریا بۆ ئاڵوگۆڕی بیروڕا و تێگەیشتن لە میکانیزمی کارکردنی ئەنجومەنەکە بە وردی، بە ئامانجی ڕوونکردنەوەی ڕێسا ناوخۆییەکانی ئەنجومەنی ژنانی سووریا بەڕێوەچوو.

13:59

لە سنوورى دوکان بە هۆکارێکى نادیار ئاگرێكى فراوان کەوتەوە و لە ئەنجامیشدا ٣٠ دۆنم لە پوش و پاوان و ٢٥٠ داری سرووشتی سووتان.

13:42

لە ئاهەنگی هاوسەرگیریدا کە لە شوێنە جیاوازەکانی ئەستەنبوڵ بەڕێوەچوو، ١٨ کەس بەهۆی گۆرانی کوردیەوە دەستبەسەر کران، ١١ کەسیان دەستگیرکران.

12:28

ڕێکخراوی تەندروستی جیهانی ئاشکرای دەکات، ساڵانە زیاتر لە یەک ملیۆن کەس بەهۆی هەوکردنی جگەر گیان لەدەستدەدەن.

12:08

شاندێکی پەرلەمانتارانی دەم پارتی و تەژەئە لە شاری سلێمانی لەگەڵ هەریەک لە پارێزگاری سلێمانی و نەرمین عوسمان کۆبوونەوە و جەختیان لەسەر پێکەوە کارکردنی ژنان و دەستبەرکردنی ئازادی کۆمەڵگە و خەباتی هاوبەش بۆ شکاندنی گۆشەگیری سەر ڕێبەری گەلی کورد کردەوە.

11:42

قەدریە دۆغان، هاوسەرۆکی کۆمەڵەی عەلەوی دیموکراتیک ڕایگەیاند، هێرشە جینۆسایدییەکانی ئەمڕۆ لە ڕێگەی سیاسەتی ئاسمیلەکردنەوە ئەنجام دەدرێن و وتی: گرنگترین هەنگاو ئاوەدانکردنەوە و ڕێکخستنە.

10:59

لەیلا زانا، سیاسەتمەداری کورد کاردانەوەی بەرامبەر دەستگیرکردنی ئەو گەنجانەی هەڵپەڕی بوون دەربڕی و وتی: بەزۆر کورد سنووردار مەکەن.

09:33

کۆمەڵەی ڕۆژنامەنووسانی ژن "ڕۆژین" سەبارەت بە بڕیارەکانی لەسێدارەدان لەلایەن دەوڵەتی ئێران بەیاننامەیەکی نووسراوی بڵاوکردەوە، لە بەیاننامەکەدا داوا لە ڕێکخراوەکانی ڕاگەیاندن و ڕێکخراوەکانی ژنان کرد هەنگاو بۆ ڕاگرتنی سزای لەسێدارەدان بنێن.