ڕۆژانە

09:08

ژمارەیەک لە گەنج و چالاکوانی نێودەوڵەتی، کە دەیانویست لە یادی ١٠ ساڵەی فەرمانی ٣ی ئابی ٢٠١٤دا بچنە شەنگال، لەلایەن هێزە عێراقییەکانەوە ڕێگرییان لێکرا بچنە ناو تەلەعفەر.

09:02

لە شرناخ تەقەمەنییەکی نەناسراو لە هێلیکۆپتەرێکی سەربازییەوە لە ناوەڕاستی شارەکەدا خرایە خوارەوە.

08:41

شاندەی دەم پارتی و تەژەئە لە چوارچێوەی سەردانەکانیاندا بۆ لای لایەنەکانی باشووری کوردستان، دوێنێ لەگەڵ توێژە جیاوازەکانی هەرێمی کوردستان کۆبوونەوە و جەختیان لەسەر کار و خەباتی هاوبەش بۆ دەستەبەرکردنی ئاشتی و ئازادی و شکاندنی گۆشەگیری کردەوە.

16:28

دوای ململانێیەکی زۆر لەگەڵ نەخۆشی، ڕۆژنامەنووسی جەزائیری شەریفە ماشتی کە یەکێک بوو لە یەکەم ژنە ڕۆژنامەنووسەکان کە لە ڕاگەیاندنی چاپکراودا لە ساڵانی نەوەدەکاندا کاری کرد، کۆچی دوایی کرد.

16:09

ئەمڕۆ ٣٠ی تەمووز، ٤٦٦ ئاوارە لە کامپی حەسەن شام u2ی شاری هەولێرەوە گەڕانەوە زێدی خۆیان لە سنورى نەینەوا.

15:45

لە درێژەی سەردانەکەی شاندی دەم پارتی و تەژەئە بۆ لای کەسایەتی و لایەنە سیاسییەکانی باشووری کوردستان، ئەمڕۆ سەردانی یەکێتی ژنان و شاناز ئیبراهیم ئەحمەدیان کرد.

14:54

کۆمیتەی پاراستنی ڕۆژنامەنووسانی ئەمریکی بۆ بەرگریکردن لە ڕۆژنامەنووسان ڕایدەگەیەنێت، ئەو تۆمەتانەى ئاڕاستەى سلێمان ئەحمەد کراون تەنیا هۆکارێک بوون بۆ تۆڵەسەندنەوە لەو ڕۆژنامەنووسە، داوا لە دەسەڵاتدارانی هەرێمی کوردستان دەکات سلێمان ئەحمەد ئازاد بکەن.

14:40

لە شاری دێرک، سزای لەسێدارەدان کە ئێران بەسەر چالاکوان شەریف محەمەدی و ڕۆژنامەنووس پەخشان عەزیزیدا سەپاندبوو، بە بەیاننامەیەک شەرمەزار کرا و بانگەوازی وەستانەوە لە دژی سزای سێدارە کرا.

14:10

یەرەژە و یەرا بەیاننامەیەکی ڕۆژنامەوانییان دژی بڕیاری ئێران بۆ لەسێدارەدانی ڕۆژنامەنووس و چالاکی مافی ژنانی کورد پەخشان عەزیزی و شەریفە محەمەدی بڵاوکردەوە و ڕایانگەیاند: بە پێنووس و کامێراکانمان دەبینە دەنگی پەخشان و شەریفە.

13:00

بوومەلەرزەیەک بە گوڕی ٤.٦ پلەی ڕێختەر لە نزیک ناوچەی بێنتی شاری نیکشار لە باشووری سیستان و بەلوچستان ڕوویدا.

11:34

ڕێکخراوی ئیتاڵی بە ناوی "کۆمەڵەی ڤێرسۆ ئیل کوردستان" ڕایگەیاند کە بەشدارییان لە هەڵمەتەکەی تاژێ بە دروشمی "لە بەرامبەر قڕکردنی ژنان ببە دەنگی خۆپاراستن" کردووە.

10:53

دوای ئەوەی دەوڵەتی تورکیا باکووری سووریای بە بیانووی دروستکردنی ناوچەیەکی ئارام داگیر کرد، تاوان و پێشێلکارییان بەرامبەر بە گەل ئەنجامدا، لە چاوی جیهاندا مافەکانی مرۆڤیان تێپەڕاند و ژنانیش باس لە پێشێلکارییەکان دەکەن.

09:57

لە ئەنجامی هەڵکوتانە سەر ماڵەکان لە شاری وان، وەیسی دیلەکچی و گوڵشەن کورت، هاوسەرۆکانی دەم پارتی لە وان، دەستبەسەر کران.

09:52

ڕێکخراوەکانی ژنان و مافی مرۆڤی عێراق سەبارەت بە هەمووارکردنەوەی یاسای باری کەسێتی لە پەرلەمانی عێراق ناڕەزایەتییان دەربڕی و ڕایانگەیاند، ئەم هەمووارە پێچەوانەی پابەندبوونەکانی عێراقە بەرامبەر بە ڕێککەوتننامە و پەیماننامە نێودەوڵەتییەکانی مافی مرۆڤ.

09:19

شاندی ژنانی دەم پارتی و تەژەئە کە ماوەی ٥ ڕۆژە لە باشووری کوردستانن، سەردانی تەڤگەری ئازادییان کردو دەربارەی ئازادیی جەستەیی ڕێبەر ئۆجالان و هێرشە داگیرکارییەکانی دەوڵەتی تورک گفتوگۆ کرا.

09:16

 مزگین خەلیل، جێگری ئەنجومەنی جێبەجێکاری کانتۆنی فورات باسی لەو پێشهاتانەی کرد کە لە جیهان و ڕۆژهەڵاتی ناوەڕاستدا ڕوودەدەن و وتی: هەموو زلهێزە دەسەڵاتدارەکان ئامادەکاری بۆ ساڵی ٢٠٢٥ دەکەن، ئێمەش وەک کورد بە دەستکەوتەکانمان ستاتۆی خۆمان دەکەینە هەمیشەیی.

15:54

لە کاتی هەڵکوتانە سەر سێ ئاهەنگی هاوسەرگیری لە شاری جولەمێرگ، زۆرێک لە هاووڵاتیان، لەناویاندا هونەرمەندان و وێنەگرانە ناوخۆییەکان، دەستبەسەر کران.

15:38

ئەنجومەنی ژنانی دەم پارتی لە وان لە چوارچێوەی هەڵمەتی "پێداگرین لەسەر ژیانێکی ئازاد و یەکسان، ڕێکخراوین" کۆنفرانسێکی سازکرد، داوای بەرزکردنەوەی خەباتی دژی تێڕوانینی دەوڵەت کرد.

15:01

ئێدنا ئۆبراین، نووسەر و پێشەنگی وێژەی ئێرلەندی کە شێوازە جیاوازەکەی دەنگی بە ژنان بەخشی، لە تەمەنی ٩٣ ساڵیدا کۆچی دوایی کرد.

14:43

لە عەفرین بەهۆی شەڕ لە نێوان چەتەکانی سەر بە دەوڵەتی تورکیاوە دوو منداڵ برینداربوون، هەروەها ژنێکیش بە گوماناوی گیانی لەدەستدا.