ڕۆژانە

08:58

مەهناز تەراح، زیندانی سیاسی زیندانیکراوی زیندانی ئەڤین، بەیاننامەیەکی بۆ پشتیوانی لە پەخشان عەزیزی، زیندانی سیاسی کە سزای لەسێدارەدانی بەسەردا سەپێنراوە، بڵاوکردەوە و ڕایگەیاند، تا کۆتاییهێنان بە ستەم پشتیوانی یەکدی دەبن.

16:06

چیگدەم کلچگون ئوچار، هاوسەرۆکی دەبەپە لە کۆنگرەی پارتەکەی لە دیلۆک قسەی کرد و ڕایگەیاند، حکومەتی ئاکەپە-مەهەپە پێدایگری لەسەر چارەسەر نەکردنی پرسی کورد دەکات و وتی: گەلی کورد سەد ساڵە لەسەر پێیە.

15:47

دانیشتووانی گەڕەکی موکریانی شاری سلێمانی دژی نەبوونی خزمەتگوزارییەکانی وەک ئاو و ڕێگاوبان و چەند خزمەتگوزارییەکی دیکە گردبوونەوە.

15:21

لە ئەنجامی تۆپبارانی سەر شاری فاشر لە ڕۆژئاوای سودان ٢٣ هاوڵاتی گیانیان لەدەستدا و ٦٠ کەسی دیکەش بریندار بوون.

14:35

ئاگرێكى فراوان لە سنوورى پیرەمەگرون و بازیان کەوتەوە و لە ئەنجامدا ١٠٠ دۆنم لە پوش و پاوان و داری سرووشتی سووتا.

14:21

ئەمشە عەلی، بەشداری ئەو ڕێپێوانەی کرد کە بۆ یادی ١٠ ساڵەی فەرمانی شەنگال بەڕێوەچوو وتی؛ خیانەتی پەدەکەمان لەبیر ناچێتەوە، ئەگەر پەکەکە بە هانای ئێزدییەوە نەهاتایە کۆمەڵگەی ئێستا لە شەنگال ئێزدی نەدەبوو.

13:58

دانیشتووانی شارۆچکەی بەعشیقە بە مەراسیمێک یادی ڕزگاربووانی کۆمەڵکوژی شەنگالیان کردەوە و داوایان لە حکومەتی عێراق کرد یاسای ڕزگاربووان بەپێی پێویست جێبەجێ بکات.

13:26

٣٧ ژنە زیندانی سیاسی کە لە زیندانی ئەڤین ڕاگیراون وناڕەزایەتییان دەربڕی بەرامبەر سزای لەسێدارەدان بەسەر ڕۆژنامەنووس پەخشان عێزی، لە لایەن ئیدارەی زیندانی ئێرانەوە کۆبوونەوە لەگەڵ بنەماڵە و پارێزەرەکانیان قەدەغە کران.

13:11

لە هێرشی ئیسرائیل بۆ سەر چادرەکانی حەوشەی نەخۆشخانەی شەهیدانی ئەقسا لە غەززە و باڵەخانەکانی دیکە لانیکەم ١٦ فەلەستینی گیانیان لەدەستدا و ژمارەیەکی زۆر کەسی دیکەش بریندار بوون، لە هێرشەکەی سەر لوبنان منداڵێک ژیانی لەدەستدا.

13:00

وریشە مورادی، چالاکوانی مافەکانی ژنان، بە بڵاوکردنەوەی بەرگرینامەیەک ڕایگەیاند، وەک ناڕەزایەتییەک دژی سزای لەسێدارەدانی پەخشان عەزیزی و شەریفە محەمەدی، ئامادە نییە بەشداری لە دانیشتنی دووەمی دادگا، کە بڕیارە ئەمڕۆ بەڕێوە بچێت، بکات.

11:59

سیبەل چاپراز، هاوسەرۆکی لقی جولەمێرگی IHD ڕایگەیاند، لە جولەمێرگ شەڕی تایبەت بە چەندین شێوە بەکاردەهێندرێت، لە ئیکۆلۆژییەوە تا کولتوور.

11:10

"با خوێنی ئازیزانمان بکەینە هێز و لە بیرماندا یەکبگرین، بۆ ڕووخاندنی حکومەتە ستەمکارەکانی مەلاکان و تاڵیبان” بەم قسانە ژنانی ئەفغانستان وەڵامی سزای لەسێدارەدانیان دایەوە کە بەسەر چالاکوانان پەخشان عەزیزی و شەریفە محەمەدی سەپێندراوە.

10:06

ژنانی کانتۆنی شەهبا لە باکوور و ڕۆژهەڵاتی سووریا ناڕەزایی خۆیان لە بەرامبەر هێرشەکانی دەوڵەتی تورکیا دەربڕی و دووپاتیان کردەوە کە ئامانجی هێرشەکان جینۆسایدە و دەبێت دەوڵەتی تورکیا لە ناوچەکە دەربکرێت.

09:35

بە سەرپەرشتی تەڤگەری کولتوورو هونەری ڕۆژئاوا، پەروەردەی هاوینە بۆ منداڵان لە دێرک دەستی پێکرد، منداڵان فێری مۆسیقا و شانۆ دەبن.

09:22

ژنان لە پاش فەرمانی ٧٤ توانیان بە فەلسەفەی ڕێبەری گەلی کورد عەبدوڵا ئۆجالان سەرکەون بەسەر زهنیەتی دوژمن و ئامانجەکانیان بپێکن.

08:53

پارێزەران و ڕێکخراوەکانی کۆمەڵگەی مەدەنی تیشکیان خستەسەر پێشێلکردنی مافە یاساییەکانی ڕێبەری گەلی کورد عەبدوڵا ئۆجالان لە ئیمڕالی و ڕایانگەیاند: سی پی تی و دەوڵەتی تورکیا لە ڕێککەوتندان بۆ شاردنەوەی دۆخی ڕێبەر ئاپۆ لە پارێزەران و بنەماڵە و گەل.

20:55

ڕێکخراوەکانی بواری جینۆساید بۆ بەرز ڕاگرتنی یادی ۱٠ ساڵەی کۆمەڵکوژی ئێزیدییەکان، بە دروشمی " ۱٠ ساڵە ئازارەکانی شەنگال ساڕێژ نەبوون " و  " تاوانی جینۆسایدی ئێزیدییەکان پەڵەیەکی ڕەشە بە ڕووی مرۆڤایەتییەوە "  چالاکییەکیان ڕێکخست.

15:49

ئەنجومەنی ژنانی دەم پارتی بە بۆنەی ١٠ ساڵەی فەرمانی ٧٤ی ٣ی ئاب بەیاننامەیەکی دا و لە بەیاننامەکەدا داوا کراوە کۆمەڵکوژی ٣ی ئاب وەک ڕۆژی جیهانی چالاکی دژ بە جینۆساید و جینۆسایدی ژنان دەستنیشان بکرێت.

15:00

یەکێتی ژنانی ئێزیدی حەلەب لە بەیاننامەیەکدا کۆمەڵکوژییەکەی دژی گەلی ئێزدی شەرمەزار کرد و داوایان کرد لێپرسینەوە لەو کەسانە بکرێت کە بەرپرسن لە کۆمەڵکوژییەکەی شەنگال.

14:39

خۆبەڕێوەبەری باکوور و ڕۆژهەڵاتی سووریا داوای لە کۆمەڵگەی نێودەوڵەتی کرد کۆمەڵکوژی چەتەکانی داعش لە شەنگال لە ٣ی ئابی ٢٠١٤ وەک جینۆساید قبوڵ بکەن.