ڕۆژانە

15:15

ڕێکخراوی ڕزگارکردنی منداڵان بە بڵاوکردنەوەی ڕاپۆرتێک ڕایگەیاند کە بەهۆی دیاردە سەختەکانی کەشوهەوا، نزیکەی ٣٨ هەزار کەس لە ماوەی شەش مانگی یەکەمی ئەمساڵدا لە ئەفغانستان ئاوارە بوون.

14:44

ئەمڕۆ یەکینەکانی پاراستنی ژنان-یەپەژە پێشوازی لە شاندی شەنگال کرد کە لە چەند ڕۆژی ڕابردوودا زنجیرەیەک کۆبوونەوەیان لە ناوچەکە ئەنجامداوە، لە کۆبوونەوەکەدا هەردوو ژنی ئێزیدی تەواف و عەزیزە کە لەلایەن یەپەژە ڕزگارکراون ئامادەبوون.

14:02

لە ئاهەنگی هاوسەرگیرییەکەدا ٥ کەس لە ناویاندا هاوسەرۆکانی دەم پارتی لە شاری عوسمانیەی ئەدەنە، بەهۆی هەڵپەڕکێ و گۆرانی کوردییەوە دەستبەسەر کراون.

14:00

دانیشتووانی پاسور کە لە ناو خەباتدان دەڵێن: ئەم خاکە هی ئێمەیە، نایدەین بە کەس، هەروەها داوایان کرد هەمووان بەشداری گردبوونەوەکە بکەن لە ١٠ی ئابدا ئەنجام دەدرێت.

13:09

هاوپەیمانی "نادا" جەختی لەوە کردەوە، ژنانی ئێزیدی و ئەفغانی وانەی گەورەیان لە ئەزموونی شۆڕشی ژنان لە ڕۆژئاوا و بەرخۆدانی چیای شەنگال وەرگرتووە و کاریان کردووە بۆ خۆپاراستن لە بەرامبەر نادادپەروەری و ستەمکاری.

12:11

٢١ ژن و چوار منداڵ لەلایەن پیاوانەوە کوژراون، هەروەها گیانلەدەستدانی ٢٢ ژن و دوو منداڵیش بە گوماناوی تۆمارکراوە.

11:59

ژنانی ئێران ئاماژەیان بەوە کرد، لەگەڵ زیادبوونی بەکارهێنانی دیجیتاڵ میدیا، بازرگانی بە نەشتەرگەری جوانکاری لە ئێران لەم دواییانەدا پەرەی سەندووە و ڕایانگەیاند، ڕێگای ڕزگارکردنی کۆمەڵگا لە سیاسەتی پیاوان و کۆیلایەتی، دروستکردنی هۆشیاری کۆمەڵایەتییە.

10:29

ناوەندی ئەمریکی بۆ دادپەروەری "ئەی سی جی" بڵاویکردەوە، لە مانگی ئاداری ساڵی ٢٠١٥ تا مانگی کانوونی یەکەمی ساڵی ٢٠٢٣، بەهۆی گەمارۆ و پێشێلکاری حوسییەکانەوە ١٠ هەزار و ٦٢٣ کەس زیانیان بەرکەوتووە.

09:38

کامالا هاریس، جێگری سەرۆکی ئەمریکا بە فەرمی بووە کاندیدی پارتی دیموکراتەکان بۆ هەڵبژاردنی سەرۆکایەتیی ئەمریکا کە لە ٥ی تشرینی دووەمی ئەمساڵ بەڕێوەدەچێت.

08:51

بەهۆی هێرشەکانی دەوڵەتی تورک لە سەرەتای ئەمساڵ بۆ سەر ژێرخانی کانتۆنی جەزیرە، ژنانی گوندی بەیاندور تا ئێستا لە ئازاردا دەژین، ئەو ژنانە ڕایانگەیاندووە بەهۆی پچڕانی کارەبا و ئاو و بەرزبوونەوەی پلەکانی گەرما نەیانتوانیووە کشتوکاڵ بکەن.

16:13

بەشێک لە ژنە پەرلەمانتاران لە ئەنجومەنی نوێنەرانی عێراق، دەستەیەکیان دژ بە هەموواری نوێی یاسای باری کەسێتی دروستکردووە و دەڵێن: لە پێناو پاراستنى شیرازه‌ى خێزانى عێراق پێویستە هەمووارەکە ڕەتبکرێتەوە.

16:08

وەرزشکارێکی ئەفغانستان کە بەشداری پاڵەوانێتییەکانی ئۆڵۆمپیادی پاریس بوو، دروشمی دژی تاڵیبان بەرز کردەوەو داوای مافە سەرەتاییەکانی بۆ ژنانی ئەفغانستان  کرد.

15:36

ڕێکخراوی ئایندە بۆ پاراستنی ژینگە داوای زیادکردنی سەوزایی لە ڕێگەی چاندنی چڕی نەمامە هەمیشەییەکانەوە دەکات کە ڕێگەیەکی کاریگەرە بۆ ڕووبەڕووبوونەوەی گۆڕانی کەشوهەوا و کەمکردنەوەی پیسبوون.

15:33

لە مەراسیمێکدا بە بەشداری یەکە ئیدارییەکانی شاری هەڵەبجە، ژنێک بوو بە بەڕێوەبەری بەڕێوەبەرایەتی ڤێرتێنەری هه‌ڵه‌بجه.

15:14

لەلایەن ژنانی ئیتاڵیا و کۆڵۆمبیاوە پاڵپشتی لە هەڵمەتی کژار بە دروشمی "نا بۆ لەسێدارەدان، بەڵێ بۆ ژیانی ئازاد" کرا.

15:00

بۆ جاری حەوتەم داوای ئازادکردنی حەنیفە ئارسلان زیندانی نەخۆش کراو پارێزەر ژیان ئۆزکاپان ڕایگەیاند، بارودۆخی حەنیفە ئارسلانی تەمەن ٧٦ ساڵ ڕۆژانە خراپتر دەبێت و ٦٨ جار بەهۆی نەخۆشییەوە ڕەوانەی نەخۆشخانە کراوە.

14:12

بە بۆنەی هەفتەی شیرپێدانی دایکان، لە هەڵەبجە پانێڵێک بۆ هۆشیارکردنەوەی خێزانەکان و دایکان ڕێکخرا و بڕیارە چالاکییەکان بەردەوام بێت.

13:28

لیژنەی تەندروستی کۆنگرەی ستار لە عەفرین-شەهبا، گۆشەگیری سەر ڕێبەی گەلی کورد، عەبدوڵا ئۆجالانی شەرمەزار کرد و داوای لە سی پی تی کرد، ئەرکی خۆی جێبەجێ بکات و دەستبەجێ کۆتایی بەو پێشێلکارییانە بهێنێت.

11:32

کۆمەڵێک لە زیندانیانی سیاسی زیندانی لاکان لە شاری ڕەشت لە ڕاگەیەندراوێکدا دووپاتیان کردەوە، کە بەشدارییان لە مانگرتنی زیندانیانی سیاسی دژی سزای لەسێدارەدان کردووە و ئەو سزا نامرۆڤانەیان ئیدانە کردووە.

10:04

کلینیکەکانی دەروونی لە سودان بە ژمارەیەک کەس کە بەدەست نەخۆشییە دەروونییەوە دەناڵێنن سەرقاڵن، ئەمەش لە ئەنجامی ئەو شەڕەی کە زیاتر لە ساڵێک لەمەوبەر لە وڵاتەکەدا سەریهەڵدا و کاردانەوەی نەرێنی بۆ خەڵک بەجێهێشتووە.