بەهۆی ئاگرکەوتنەوە لە پاسێکدا ٢٥ کەس لە هندستان گیانیان لەدەستدا
بەهۆی ئاگرکەوتنەوە لە پاسێکدا کە ٣٢ کەسی تێدابوو 25 کەس گیانیان لەدەستداو ٨ کەسی دیکە برینداربوون.
ناوەندی هەواڵ
میدیاکانی هیندستان ئەمڕۆ شەممە ڕایانگەیاند، دوای ئەوەی پاسێک لە ویلایەتی مەهاراشترای ناوەندی هیندستان ئاگری گرت، ٢٥ کەس گیانیان لەدەستداوە و ٨ کەسی دیکە برینداربوون.
بەگوێرەی میدیاکانی هیندستان، پاسەکە ٣٢ کەسی تێدابوو کە لە شاری یاڤاتمالەوە بەرەو پونا بەڕێکەوتبوون، جێگری بەڕێوەبەری پۆلیسی ناوخۆی بۆڵدانا وتی: 25 تەرم لە پاسەکەدا دۆزراونەتەوە.
ئاماژە بەوەشکراوە، بریندارەکان گواستراونەتەوە بۆ نەخۆشخانەیەکی نزیک ویلایەتەکە کە نزیکەی ٤٠٠ کیلۆمەتر لە شاری بۆمبای پایتەختی هیندستانەوە دورە.
پۆلیسی هیندستان لێکۆڵینەوەی لە بارودۆخی ڕووداوەکە ڕاگەیاند.