rojane

12:31

Beşdarên Konferansa dawî ya projeya zêdekirina beşdariya jinên pêşeng di biryardanê de, dan zanîn ku divê hebûna jinan di postên biryardanê û serokatiyan de zêdetir bin û daxwaza xurtkirina beşdariya siyasî ya jinan kirin.

11:54

Ji ber pevçûnên li herêma Nîla Şîn a Sûdanê nêzî 42 hezar kes bêwar mane, ku piraniya wan jin û zarok in. Saziyên sivîl hişyarî didin ku bi nêzîkbûna demsala payîzê û kêmbûna xwarin, av û dermanan re, rewşa mirovî ber bi karesatê ve diçe.

11:36

Tevgera Dadwer a Jinan li Efganistanê tevî gef, şert û mercên dijwar ji bo zarokên keçên ên ku ji xwendinê dûr mane heşt polên veşartî yên perwerdeyê vekir.

11:10

Hunermend û pêşenga jinê Merziye Feriqî, bi jiyana xwe ya tijî têkoşîn, stranên li çiyayan gotî û mîrateya çandî ya li pey xwe hiştî, bûye sembola berxwedan û azadiyê.

10:29

Raporeke Neteweyên Yekbûyî eşkere kir ku tevî hinek pêşveçûnên biçûk jî gihîştina wekheviya zayendî ya tam di warê ked, perwerde û siyasetê de hê jî gelekî li paş e û dibe ku bi qasî 171 salan bidome.

09:45

Rojnamevan Soma Xalid diyar kir ku hinek kes dixwazin bi rêya medyayê diyardeya pirzewacê vegerînin û got: “Hinek dezgehên medyayê, ji bo bidestxistina temaşevanan, hewl didin vê diyardeyê normal bikin.”

09:00

Jinên ku qetilkirina şervanê Tugaya Hesekê Sîpan Hiznî û bûyerên li Rojavayê Kurdistanê nirxandin, bertek nîşan dan û hişyariya "Dixwazin di navbera Kurd û Ereban de pevçûn derxin" dan.

08:00

Jinên Suryan yên li Hesekê li ser pêvajoya entegrasyona di navbera HSD’ê û hikûmeta Şamê de diyar kirin ku divê mafên çandî, zimanî û siyasî yên hemû pêkhateyan werin parastin û bal kişandin ku aştî bi çareseriya siyasî û beşdariya demokratîk pêkan e.

17:18

Li Îranşahrê zaroka Keç a 15 salî ya Belûc, piştî ku rewşa wê ya tenduristiyê xirabtir bû, mir. Malbata zarok, derengmayîna destwerdana bijîşkî, nebûna bijîşkekî pispor û dereng veguhastina wê ya ji bo Zahedanê wekî sedema mirina wê destnîşan kirin.

17:10

Mehmet Uçum, diyar kir ku Rêberê Gelê Kurd Abdullah Ocalan dê di Desteya Jêr a Bêçekkirin û Koordînasyona Siyasî de cih bigire. Mehmet Uçum, di avakirina komîsyonê û pêşveçûna pêvajoyê de balkişand ser heyama Cotmeh-Mijdarê.

16:00

Ji ber çandina mayînan a li ser rêyên çandiniyê û nebûna nîşaneyên hişyariyê yên li herêmên sînorî yên Serawan û Mîrjavehê, du welatiyên Belûç jiyana xwe ji dest dan. Vê rewşê jî metirsiyeke mezin li ser jiyana sivîl û koçerên herêmê çêkiriye.

15:49

Rêxistina Mafên Mirovan a Îranê (IHR) eşkere kir ku di xwepêşandanên dawî yên li wî welatî de zêdetirî 4 hezar û 200 kesan hatine kuştin, ku bi sedan jin û zarok jî di nav de ne, û hate ragihandin ku 29 kes jî hatine darvekirin.

15:02

Ji ber zêdebûna operasyonên leşkerî û qutbûna xizmetên bingehîn ên li çend bajarên Yemenê, di nîvê ewil ê mehê de zêdetirî 122 hezar kesî neçar man ku koçî deverên aram bikin. Ev rewşa heyî jî pêdiviyên lezgîn ên li herêmê zêde dike.

14:25

Nêrgiz Mihemedî di hevpeyvîna CNN de, behsa îşkence, lêdan, cezayê hucreyê û nebûna lênêrîna tendirustiyê ya di dema girtina xwe ya li Îranê de kir û got ku erka wê ew e li hemberî tiştên wê û girtiyên din jiyane bêdeng nemîne.

12:35

Ji destpêka salê, heta 15’ê Îlonê li Sûriyeyê bi hezaran mirin û windahiyên ku hatine tomarkirin, rûyê tundiyê yê hîn jî li herêmên cûda berdewam dike datîne holê. Saziyên mafên mirovan ji bo parastina sivîlan û bidawîkirina bêcezatiyê banga lezgîn dikin.

12:02

Li Kirmaşanê, bi boneya çaremîn salvegera serhildana ‘Jin, Jiyan, Azadî’ bazarê du caran deriyên xwe girt, herêm bi hêzên leşkerî û ewlehiyê hat dorpêçkirin û esnafan biryar da ku grevê bidomînin.

11:19

11:07

Meclîsa Gel a Neteweyî ya Cezayirê ji bo salên 2026-2027'an deriyê gera xwe ya nû vekir. Di rûniştinê de hate tekezkirin ku divê parlamenter bibin dengê gel, her wiha behsa têkoşîn û rola girîng a jinan di qada siyasî de hate kirin.

08:30

Cemşît Aşan, dayîka Jiyan Aşan a ku di têkoşîna azadiyê de bûye cangorî ye, dibêje “Bila em bibin dayîkên dawî yên dilê wan şewitî” û diyar dike ku ew ê têkoşîna keça xwe ya azadî û aştiyê bidomîne.

08:01

Mamosteyên zimanê Kurdî yên Rojavayê Kurdistanê, bertek nîşanî biryara 27’ê Tebaxê ya sînorkirina zimanê Kurdî dan û diyar kirin ku ev dê li ser perwerda xwendekaran û mafê wan ê xwendina bi zimanê dayîkê, bandoreke neyinî bike.