rojane

11:07

Li gorî raporê Rêxistina Efûya Navneteweyî, herî kêm 78 xwepêşander, muxalifên siyasî û kesên ku bi komên muxalefetê ve girêdayî ne niha bi gefa darvekirinê re rû bi rû ne.

10:17

SOHR’ê ragihand ku ji destpêka 2026’an heta niha sûcên edlî bi awayek balkêş zêde bûne. Navendê 201 bûyerên kuştinê li bajarên cuda yên Sûriyeyê ku 222 kes mirine, belge kir. Ev nîşan dide ku ji ber rewşa ewlehî û civakî ya xirab tundî zêde dibe.

09:18

Rojnamevan Soma Xalit ku balkişand ser astengiyên li pêşiya jinan ên ji bo nikaribin tevlî qadên biryardayînê yên siyasî bibin û destnîşan kir ku ji jinan re destek bê dayîn, ew ê karibin civakê birêve bibin.

20:05

Helbestvan û stranbêja Îranî ya bi nav û deng Homa Mîrafşar piştî salên dirêj ji tekoşîna li dijî nexweşiya Alzahayîmer di 82 saliya xwe de koça dawî kir.

18:11

Nûçegihanê Ajansa Mezopotamyayê Sema Bîngol û 7 kesên din ku duh hatibûn binçavkirin, piştî kontrola li nexweşxaneyê hatin berdan. Karûbarên îfadedayînê ya 16 kesan li edliyeyê berdewam dike.

15:50

Bi sedan xwendekaran li bajarên cuda yên Îranê ji ber zêdebûna giraniya navîniya notan û bandora şert û mercên şer li ser pêvajoya amadekariya azmûnê xwepêşandan li dar xistin.

15:35

Xwepêşander Meryem Babacanî, derhêner û fîlmçêker Semîra Nuruz Nasirî û aktivîsta civaka sivîl Sûrî Babayî Çegînî ku di demên cuda de ji ber beşdarî xwepêşandanan bûne hatin girtin, cezayên girtîgehê li wan hat birîn.

15:25

Di nav dezgehên tenduristiyê yên navneteweyî de fikarên li ser cureyek nû ya vîrusa Ebolayê ya bi navê "Bondebgyo" zêde dibin. Pispor diyar dikin ku xetera belavbûna vê vîrusê ya li gelek welatên Efrîkayê heye.

14:50

Hat ragihandin ku li zanîngehên Îranê zextên dîsîplîn û ewlehiyê li ser xwendekaran zêde dibin, bi sedan xwendekar ji perwerdeyê tên dûrxistin an jî gihîştina wan tê tê astengkirin.

13:18

Gotinên nefretê û bangên cudakar li dijî civakên Elewî û Durzî li Sûriyeyê di demên dawî de zêde bûne. Bi kampanyayên ku li ser platformên medyaya dîjîtal hatine destpêkirin armanc ew e herdu civakan ji hêla aborî û civakî ve ji hev veqetînin.

13:09

Hefteya 123’emîn a kampanyaya ‘Sêşema Ji Darvekirinan re Na’ li 56 girtîgehên cuda yên li seranserê Îranê hate lidarxistin. Kampanyayê bang li rêxistinên mafên mirovan ên navneteweyî kir ku gavên bi bandor bavêjin .

11:08

Piştî rapora ji Buroya Sûc a Neteweyî, doza Rojwelat Kizmaz jî piştî du sal û nîvan ji nû ve hate lêkolînkirin. Li gorî raporê, telefona Rojwelat Kizmaz piştî doza Gulîstan Doku 46 rojan girtî maye.

11:04

Yekîtiya Jinên Iraqê, roja cîhanî ya zarokan bi çalakiyê hunerî û şahiya zarokan pîroz kir. Di çalakiyê de zarok, dayîk û mamoste amade bûn. Armanca çalakiyê ew bû ku zarok kêfxweş bibin û hişyariya derbarê maf û parastina zarokan zêde bibe.

10:42

TAJÊ di daxuyaniya ku bi boneya 10’emîn salvegera qetilkirina 19 jinên Êzidî de da, got ku “Ji bo ji berpirsên vê fermanê ku di destê wan de xwîna civaka me heye hesab bê xwestin û edalet ciyê xwe bibîne, em ê têbikoşin.”

10:31

Qanûnên nû yên ku ji aliyê Talîbanê ve li ser jin û keçan hatine ferzkirin, bi taybetî jî yên têkildarî hevberdan û zewacê, wekî binpêkirineke eşkere ya mafên wan ên bingehîn têne dîtin û nêzîkatiyeke cudakar xurt dikin.

20:24

Nûçeghana Ajansa Mezopotamyayê (MA), Sema Bîngol di dema şopandina merasîma bîranîna Etem Sarisuluk ku li Guvenpark a navçeya Çankaya ya Enqereyê hatibû organîzekirin, rastî lêdanê hat û hat binçavkirin.

19:12

Li bajarê Cali ya Kolombiyayê, ji bo nîşandana hevgirtina bi YPJ’ê re çalakiyeke hat lidarxistin û tê de peyama “Em ji Abya Yala hêviya xwe diparêzin, em hemû YPJ ne” hat dayîn.

18:08

Ev 40 roj in ji helbestavan û pêşkêşvan Ferzane Ferehbed ji Sebzewarê û hevjînê wê çalakvanê sendîkayê Elîreza Şayegan girtî ne. Agahiyek zelal li ser doza wan nayê parvekirin.

16:21

Jinên ji Başûrê Kurdistanê, di nav de rojnamevan, çalakvan û parêzer, li ser tora dijîtal dîmenê biştgiriya bi YPJ’ê re parvekirin.

14:12

Zanîngeha Tehranê bi zêdetirî 10 xwendekaran re têkilî danî û ragihand ku li dijî wan dosyayên dîsîplînê hatine vekirin û ew bi tohmetên wekî "teşwîqkirina bêserûberî û serhildanê" û "bûn hêmanek sereke ya civînek neqanûnî" re rû bi rû ne.