rojane

11:25

Rêveberiya Giştî ya Perwerdeyê ya Gîlanê ragihand ku tevî kêmkasiya hejmaran, pirsgirêka qutbûna ji perwerdeyê li parêzgehê berdewam dike û sedemên sereke jî pirsgirêkên darayî û astengiyên çûnhatinê ne.

11:13

Enstîtuya Fransî ya li Cezayîrê bi çalakiya "Roja Vekirî" re derfet da jinên hunermend û karsaz ku berhemên xwe yên afrîner pêşkêş bikin û ezmûnên xwe parve bikin.

10:40

Komên mafên jinan li Mexrîbê bi ‘Barometera Pabendbûnê’ re nêrîn û sozên partiyên siyasî yên ji bo wekheviya zayendî, mafên aborî û reformên yasayî radigihînin û mekanîzmayeke çavdêriyê li dijî cudakariyê datînin holê.

09:54

Kampanyaya li dijî cezayê darvekirinê ku du sal û 8 meh berê li Girtîgeha Qizilhesarê dest pê kiribû, berfireh dibe. Girtiyên Bender Ebas jî ragihandin ku ew ê jî roja Sêşemê tevlî greva birçîbûnê bibin û bi vê yekê re hejmara girtîgehan bû 63.

09:39

Parlamentera berê Çiro Heme şerîf bal kişand ser maf û xebatên jinan û destnîşan kir ku jin dikarin bi piştevaniya hevbeş û evîna kar hemû astengiyan derbas bikin.

09:17

Li bajarê Ed Daeinê ji ber nakokiyên îdarî û hewldanên kontrolkirinê, nexweşxaneya yekane ya pispor a zayînê û emeliyatên sezeryanê hate girtin. Ev yek rewşa tenduristiyê ya bi sedan jinên ducanî dixe metirsiyeke mezin de û malbatan neçarî rêyên biha dike

09:11

Kovara Jin bi sernavê 'Ji Rojhilat ber bi Cîhanê: Jin, Jiyan, Azadî' derket. Kovar di hejmara xwe ya nû de balê dikşîne ser felsefeya "Jin Jiyan Azadî" û bandora wê ya ku li cîhanê belav bûye.

19:35

Rêveberiya Avê ya Xezayê ragihand ku bi nêzbûna zivistanê re pergalên av û kanalizasyonê li ber hilweşînê ne. Rêveberiyê hişyarî da ku eger destûr ji bo ketina amûr û alîkariyan neyê dayîn, dê karesateke mirovî û tenduristî ya mezin rû bide.

17:59

TJA û Meclîsa Jinan a DEM Partiyê, bi boneya 4'emîn salvegera kuştina Jîna Emînî diyar kirin ku pergala serdestiya mêran dixwaze laş, nasname û jiyana jinan bixe bin kontrola xwe û gotin: “Em ê li dijî van pergalan têkoşîna xwe ya rêxistinkirî mezin bikin

15:16

Piştî ku dîmenên jinên bê hîcab di maratona li Parka Velayatê ya Tehranê de hatin parvekirin, der barê organîzasyonê de lêpirsîn hat destpêkirin. Berpirsan diyar kir ku tevî soznameya li ser ‘rêgezên îslamî’, hin beşdaran ev rêgez binpê kirine.

14:45

Li Yemenê êrîş û bombebarana bêserûber a Hûsiyan a li ser deverên niştecîbûnê didome. Di encama êrîşa li bazara Rebû ya Lahijê de 7 sivîlan jiyana xwe ji dest dan û zarokek birîndar bû.

14:00

Dayîkên Şemiyê di çalakiya xwe ya hefteya hezar û 121’an de aqûbeta Cemîl Kirbayir ê ku di sala 1980’an de hatibû windakirin pirsîn û gotin: “Dayîka Cemîl, Berfo Kirbayir tenê tiştek dixwest, beriya mirina xwe dixwest kurê xwe bibîne.”

12:59

Li Sûriyeyê bi zêdebûna êrîş û sûcan re rewşa ewlehiyê her diçe xirabtir dibe. Li gorî amarên ku ji destpêka salê ve hatine tomarkirin, bi sedan bûyerên kuştinê qewimîne û bi sedan sivîlan jiyana xwe ji dest dane.

12:31

Rêxistina Navneteweyî ya Koçberiyê (IOM) hişyarî da ku alîkariyên li Sûdanê di bin xetereya qedandinê de ne û banga fînansmana lezgîn kir.

08:30

Malbatên ku di bîranînên zarokên xwe de axivîn, bal kişandin ser biryara domandina têkoşînê û diyar kirin ku ew tenê ji bo bidawîkirina mirinan û parastina nasnameyê aştî û xwedîderketinê dixwazin.

21:23

Hevpeymaniya Jinan ji bo Aştiyê li Yemenê ragihand ku ji ber zêdebûna pevçûnan bi sed hezaran kes koçber bûne û jin û keç bi xetereyên mezin re rûbirû ne. Hevpeymaniyê xwest ku di hemû pêngavên mirovî de pêşengî ji jinan re bê dayîn.

17:45

Komxebata perwerdehiya rojnamevaniya mobîl (Mojo) ku ji aliyê BBC Media Action ve hate organîzekirin, bi dawî bû. Di vê komxebatê de rojnamevanên Cezayîrî bi bikaranîna telefonên xwe yên desta belgefîlmên balkêş ên li ser çanda û herêmî çêkirin.

15:23

Dayîkên Şemiyê ji bo biryara demboriyê ya di doza Ridvan Karakoç de diyar kirin ku windakirina bi darê zorê sûcê li dijî mirovahiyê ye, lewma divê nerazîbûn bê qebûlkirin û berpirsyar bên darizandin.

15:13

Komîteya Perwerdehiyê ya Kongra Star a Lubnanê rûniştineke perwerdehiyê ya li ser Jineolojî û têkoşîna li dijî zayendîperestiyê pêk anî. Di perwerdeyê de li ser xurtkirina hişmendiya rêxistinî û azadiya jinan hate nîqaş kirin.

13:53

Li Komara Demokratîk a Kongoyê hejmara kesên ku ji ber şewba Ebolayê mirin gihîşt 3 hezar û 577’an û hejmara bûyerên piştrastkirî bû 7 hezar û 404 kesan.