rojane

14:53

MKG'ê rapora xwe ya meha Gulanê aşkere kir û got: "9 platformên dîjîtal hatin astengkirin. Her wiha êrîşê du rojnamegeran hat kirin, rojnamegerek hat binçavkirin û rojnamegerek jî hat girtin."

14:35

Li Îranê parêzvana mafên zarokan û welatiya Behayî Nîhale Şehîdî hat girtin û ji bo cezayê xwe yê 6 salan ê girtîgehê bikşîne wê şandin girtîgeha navendî ya Kermanê.

13:50

Nivîskar û derhênera Fransî ya bi eslê xwe Îranî ya navdar a cîhanê Marjane Satrapî koça dawî kir. Fîlma wê ya bi navê "Persepolis", ku zilm û zordariya li Îranê nîşan dide, di Festîvala Fîlman a Cannesê de Xelata Juriyê wergirt.

12:56

MKG’ê ragihand ku serlêdanên ji bo 2’yemîn Xelatên Rojnamegeriya Jinan ên Gurbetellî Ersoz dê di navbera 8’ê Hezîranê û 25’ê Îlonê de werin qebûlkirin.

12:48

Tevî agirbesta di navbera Lubnan û Îsraîlê de hate îlankirin, piştî êrîşên ku Îsraîlê tevahiya şevê pêk anî, li başûrê Lubanê aramiya bi pîvan serdest e. Di vê pêvajoyê de hişyariyên derbarê xeteriyên bermahiyên şer de didome, hejmara miriyan zêde dibe.

12:24

Meclîsa Jinan a Partiya DEM’ê, derbarê pêşnûmeya Pakêta Dadwerî ya 12’emîn de got ku “Mîna rêbazek ji bo ji nû ve sêwirandina civakê ya bi kodên yekreng, zayendperest û serdestiya mêran tê bikaranîn.”

11:32

Di êrîşên Îsraîlê yên li dijî bajarê Xeza û kampa penaberan a Şatî de, herî kêm 8 Filistînî mirin, 15 kes jî birîndar bûn. Tevî agirbestê jî li herêmê bûyerên tundiyê didomin.

11:12

4’ê Hezîranê Roja Navneteweyî ya Zarokên Bêguneh ên Qurbaniyên Şer e lê hê jî mafên zarokan hem ji aliyê civakî hem jî zagonî ve nayên parastin. Li Iraqê bi guherîna zagona der barê mafên zarokan re, zarok bi destdirêjiya sîstematîk û zewacê re rûbirû ne.

10:10

Saba Zarîfe û her du zarokên wê ku li ser rêya Şam-Suweyda ya Sûriyeyê ji aliyê çekdaran ve hatibûn revandin, piştî zêdetirî hefteyekê dîlgirtinê hatin berdan.

08:18

Koçberên Serêkaniyê ku tevî hevpeymana di navbera QSD û hikûmeta demkî ya Şamê de jî nikarin vegerin ser axa xwe, ragihandin ku di demên dawî de gelek caran behsa yekbûn û entegrasyonê hatiye kirin, lê wan bandora wê nedîtine.

20:40

Li bajarê Hamburg yê Elmanyayê pankarteke mezin a piştgiriya Yekîneyên Parastina Jinan (YPJ) dike ji aliyê polîsan ve hate sansurkirin.

20:19

Komeleyên Jinên Demokrat ên Tunisê ji bo lêpirsîna ku piştê 4 sal şûnde hatiye vekirin daxuyaniyek da. Komeleyê piştgiriya xwe ji bo pêkhateyên civaka sivîl a demokratîk ên ku ji bo azadî, rûmet, wekhevî û edaletê têdikoşin tekez kir.

16:15

Li gorî daneyên herî dawî yên UNICEF’ê, her çend nifûsa cîhanê ji 8.3 milyarî derbas dibe jî, bi qasî 2.4 milyar ji wan zarok û ciwanên di bin 18 salî de ne. Lêbelê, şert û mercên jiyana van zarokan pir ne wekhev in.

15:50

Însiyatîfa Sûriyeyê ya Azadiya Abdullah Ocalan ji bo pêkanîna mafê hêviyê ji bo Rêberê Gelê Kurd Abdullah Ocalan, nameyek ji Komîteya Wezîran a Konseya Ewropayê re şand. Dê Komîteya Wezîran di navbera 9-11’ê Hezîranê de bicive.

15:24

Doza xwepêşandanên li dijî referandûma destûrî ya Serok Kais Saîd a li Tunisê ya di sala 2022’an de pêk hatibû, ji nû ve hate vekirin. Gazîkirina gelek çalakvanan ji bo lêpirsînê ya ji aliyê hêzên ewlehiyê ve, rastî rexneyên rêxistinên mafên mirovan hat.

15:00

Yekîtiya Nivîskarên Îranê di daxuyaniya nû de zêdebûna zextên navxweyî ya hikûmeta Îranê şermezar kir û diyar kir ku gelê Îranê ‘xwediyê tekane yê çarenûsa xwe ye’.

14:15

Li Îranê fikarên der barê rewşa tenduristiya girtiya siyasî Fatimeh Sepahrî ku di nava kesên nameya daxwaza îstifaya Elî Xamîneyî dikir îmze kiribû de bû, zêde dibin. Mamoste û hunermend Zehra Arefimehr piştî danişînê hat girtin û şandin girtîgehê.

13:35

10 girtiyên siyasî yên li girtîgeha Evînê, ji hevdîtina bi telefonê û vekirî ya bi malbatên xwere bê par tên hiştin. Ev qedexe piştî xwepêşandanên wan ên li dijî darvekirinan hatine pêkanîn.

13:27

Komeleya Rojnamegeran a Dîcle Firatê (DFG) ragihand ku di mehek dawî de 5 rojnamevan hatine binçavkirin, li dijî 5 rojnamevanan doz hatiye vekirin û rojnamevanek jî hatiye girtin.

12:32

Raporên meydanî piştrast dikin ku zêdebûna êrîşên bi balafirên bêmirov li Sûdanê êşa sivîlan û hejmara kuştiyan zêde dike, her wiha ji ber şerên berdewam ên di navbera artêşê û Hêzên Piştgiriya Lezgîn de bi hezaran malbatan neçarî koçberiyê kirine.