rojane

11:15

Dû raporên ku ragihandin girtiyekî siyasî li girtîgeha “Wekîlabad” a Meşhedê rastî lêdaneke giran hatiye, dan zanîn ku nêzî 350 girtiyên ku di beşa karantînayê ya vê girtîgehê de tên ragirtin, dest bi greva birçîbûnê kirine.

11:00

Di 55’emîn Fîstîvala Neteweyî ya Hunerên Gelêrî ya Marakeşê de rola jinan a di parastina çanda devkî de derket pêş. Jinan bi hunerên wekî “El-Etiye”, “Ahîdûs” û “Ahwaş” reng dan fîstîvalê û mohra xwe li hunerên gelêrî dan.

10:35

Li Amedê li cihê du navendên tenduristiyê yên malbatê ku di erdhejê de hilweşiyan, avahî nehatin çêkirin. Kedkarên tenduristiyê bi awayekî demkî di du odeyan de di mercên zor de ji hezaran kesan re xizmetê dikin dibêjin ku sê sal in soz nehatine bicihanîn

10:20

Belavbûna ziwabûnê li Aviya Anzalî, careke din alarma wêrankirina vê zeviya zozan a navneteweyî da. Pispor ketina selebê, kişandina zêde ya avê û rêveberiya xelet a çavkaniyan, mîna faktorên sereke yên ku vê krîza jîngehê girantir dikin dibînin.

09:30

Rojnamevan Dîdar Şehla got ku îslama siyasî û fikrên wê sedema zêdebûna tundiya li dijî jinan e. Roj nîn e nûçeyên kuştin, girtin û tundiya li dijî jinan nayê bihistin. Îslama siyasî bandorê li civakê, bi taybetî li jinan û zarokan dike.”

09:15

Kovara Nîsan bi hejmara xwe ya nû gihîşt ber destê xwendevanan. Di hejmara nû de bi qasî rastiya bi êş a fermanê, milê tekoşîn û avakirina civaka Êzidî ya li Şengalê jî hatiye vegotin.

09:00

Pêla şermezarkirinê li pey êrîşên li ser jinan di dema serdagirtina gundên Til Hasil û Til Eranê bilind dibe. Saziyên mafên mirovan û jinan daxwaza rawestandina binpêkirinên dubare yên li dijî sivîlan, rêzgirtina qanûnan û parastina jinan kirin.

08:15

Gulîxan Sofî got ku di demek dosyeya vegera koçberên Serêkaniyê li ser maseya danûstandinan e dagirkeriya Tirk li ser stratejiyek xwe ya nû ku wê demdirêj li Serêkaniyê bimîne dixebite çimkî binesaziya xwe ya leşkerî û ewlekarî bihêztir dike.

08:00

Gaziyên ku bal kişandin ser girîngiya berxwedanê, gotin ku ev tenê di eniyên şer de nayê pîvan û destnîşan kirin ku vînek tevî hemû şertên dijwar, hîn jî berdewam e.

21:00

Xwendekarên Zanîngeha Kurdistanê, li dijî beraetkirina mamosteyekî ku piştî giliyên 17 xwendekaran ji kar hatibû avêtin nerazîbûn nîşan dan û daxwaza lêpirsîn û darizandinek şefaf kirin.

17:30

Çalvaniya sivîl Kazîwe Pervîzniya ya ku piştî serdegirtina mala wan neçar ma xwe radest bike, piştî 20 rojan di binçavan de ma, bi kefaletê hat berdan.

17:11

Derhênera fîlman Semîra Noruz Naserî ya ku ji serê meha Hezîranê ve girtî bû, piştî dayîna kefaletê hate berdan.

16:35

Li Cezayîrê hilbijartinên parlamentoyê yên nû dest pê kirin. Tevî ku di saetên pêşîn de hatina dengdaran hêdî ye jî zêdetirî 10 hezar namzed ji bo 407 kursiyên Meclîsa Gel a Neteweyî di pêşbirkê de ne.

16:11

33 rewşenbîr û hunermendên ku di 2'ê Tîrmeha 1993'an de tevlî Şahiyên Pîr Sûltan Abdal bûbûn, li Otela Madimak a Sêwasê hatibûn şewitandin û qetilkirin. Di salvegera komkujiyê de li bajêr bîranînek hat lidarxistin.

15:48

Leyla Afarîn a ku li Girtîgeha Evînê tê ragirtin, bi tumora mejî û nexweşiyên movikan dikişîne; rayedarên girtîgehê nahêlin ku ew li nexweşxaneyê bê dermankirin û daxwazên wê yên tehliyeyê red dikin.

15:09

Derbarê kiryarên destdirêjiya li zarokên ku di çarçoveya MESEM’ê de li Meclîsê dihatin xebitandin de, ceza hate dayîn û piştre hatin berdan. Ji kiryaran re rêya mafê îstinafê hate vekirin.

13:44

Li başûrê rojhilatê Îranê, çalakiyên kana zêr a Taftanê zirarek mezin dide jiyana xelkê herêmî. Di bin toza madenê de rezên tirî yên malbatên Belûc, hişk dibin û saziyên dewletê li hemberî vê talanê bêdeng in.

13:08

27 saziyên navneteweyî li dijî pêla darvekirinên siyasî yên li Îranê banga lezgîn kirin û gotin, 'bêdengî sûç e.'

11:19

Kampanya piştevaniya navneteweyî ya ji bo banga 'Aştî û Civaka Demokratîk' deng vedide. Felsefevan û parlamentera berê ya Ewropayê Geneviève Fraisse bi peyamekê piştgirî da vê pêvajoyê.

11:12

Piştî destpêkirina operasyona “Sola El-Fecr” a dijî gendeliya li Iraqê, bi pêşengiya rêxistinên jinan, çalakvan û hêzên demokratîk, li Bexdayê çalakiyeke protestoyî hat lidarxistin. Di çalakiyê de daxwaza dadgehkirineke eşkere hat kirin.