rojane

12:55

Li Morîtanyayê 2 parlementerên muxalif, 4 sal cezayê girtîgehê xwarin. Li gor rayedaran sûcê van her du kesan ew e ku heqaret li sembolên netewî kirine û nefretê teşwîq kirine. Ev doz cardin rê li ber nîqaşên azadiya civakê vekir.

12:26

Koordînatora Yekîtiya Jinên Ermen Anahîd Kasabiyan diyar kir ku pêwîst e hikûmeta demkî YPJ’ê nas bike û got “Ev pejirandin nayê wateya pejirandina siyasî, ew rê li ber diyalogê vedike ku beşdariya her kesî di teşedana pêşerojê de mîsoger dike.”

10:59

Komîserê Bilind ê Mafên Mirovan ê Neteweyên Yekbûyî piştî êrîşên berfireh ên ku di dawiya Nîsanê de ji aliyê komên çekdar ve hatin kirin û di encamê de gelek sivîl hatin kuştin, hişyariya xirabûneke rewşa mirovî li Maliyê dide.

09:48

Li gorî çeteleya tundiyê ya meha Nîsanê ya JINNEWS’ê, di mehekê de herî kêm 25 jin û zarokek hatine qetilkirin, 14 jin û zarok jî bi guman jiyana xwe ji dest dane.

09:40

Tiştê ku li ser Îran, Rojhilata Navîn û sînorên bêaram ên Kurdistanê diqewime, wek şerê Îran-Îsraîlê, rageşiya di navbera Tehran û Washingtonê de, Tengava Hurmuzê, pirsgirêka nukleerî, agirbesta ne aram û danûstandinên bê encam tê binavkirin.

08:06

Mamosteya Zimanê Kurdî Henan Bekir û Xwendekara beşa Çandiniyê ya Zanîgeha Rojava Hundirîn Îsa gotin ku “Ziman hebûna her miletek e, ji ber ku her welatiyek di cîhanê de xwedî ziman û nasnameyek e.

08:00

Endama Komîteya Jineolojî ya Mexmûrê Songul Guler, têkildarî êrişên dawî yên li ser jin û zarokan zêdebûne ji ajansa me re axivî û diyar kir ku hişmendiya desthilatdar bi bêcezakirinê rê li ber rizîna civakê vedike.

21:16

Gelê Mexmûrê ev nêzî sê salane bi biryardariyek xurt ji bo azadiya fîzîkî ya Rêberê Gelê Kurd Abdullah Ocalan dinava çalakiyê de ne. Çalakvan bi baweriyek mezin tevlê çalakiyê dibin û çalakî bi koma 198’an didome.

19:25

Rêxistina Serbixwebûna Jinê ya li Başûrê Kurdistanê bi daxuyaniyekê piştgiriya xwe ji bo YPJ’ê ragihand. Rêxistina Serbixwebûna Jinê di daxûyaniyê de helwest û nêzîkatiyê hikûmeta demkî weke berdewamkirina ramanê DAÎŞ’ê binav kir.

15:29

Li Koyê Enfal û êrîşên kîmyewî bi fîlm û belgefîlmên ku bi rêya bikaranîna hişê çêkirî hatine çêkirin hatin bibîranîn, di heman demê de girîngiya belgekirina dîrokê hat destnîşankirin.

14:51

Di meha Nîsanê de, 26 jin ji aliyê mêran ve hatine kuştin û 23 jin jî di bin şert û mercên gumanbar de mirine.

14:11

Li Îranê bi hinceta ku beşdarî kampanyaya ‘Sêşema na ji darvekirinan re’ bûne mafê hevdîtinê yê 7 girtiyên siyasî yên jin hate astengkirin. Parêzvanên mafê mirovan van pêkanîna wek hewldana tepeserkirina dengên li dijî darvekirinan di nirxînin.

13:52

Li Îranê 63 parlementeran, destek dan biryara darvekirinê ya piştî xwepêşandanên meha Çileyê hatî dayîn û sipasiya darazê kir, ev yek rastî bertekan hat. Parêzvanên mafê mirovan vê rewşê wek sazîbûna polîtîkayên zextê di nirxînin.

11:52

Dayîkên Aştiyê yên Rojhilatê Kurdistanê bertek nîşanî darvekirinên girtiyên siyasî yên li Îranê dan û banga piştevaniya di asta neteweyî û navneteweyî de kir. PJAK’ê jî destek da bangê.

11:38

Du girtiyên siyasî ku li girtîgeha Qerçekê tên ragirtin Şîva Îsmaîlî û Elahe Fuadî, ji ber mirina Semiye Reşîdî protesto kirin, her yek jê 6 meh din cezayê girtîgehê lê hatin birîn

11:22

Çalakvana xwendekar a berê Motaharah Ghoney ji hêla Dozgeriya Çand û Medyayê yê Tehranê ve ji bo dozek nû hate gazîkirin. Ev gazîkirin wek berdewamiya zextên ewlehiyê li ser ev girtiya siyasî ya berê ve girêdayî ye.

11:03

Rêveberiya Tevgera Apoyî, bi boneya salvegera yekemîn a fesixkirina PKK’ê daxuyanî da û got: “Ji bo encamek ji pêvajoyê were girtin, divê statuya Rêber Apo were diyarkirin û gavên yasayî û hiqûqî bên avêtin.”

10:42

Komeleya Rojnamegeran a Dicle Firatê (DFG), rapora binpêkirina mafên rojnamegeran a meha Nîsanê eşkere kir û got: “Binpêkirinên mafan ên li dijî rojnamegeran bi awayekî piralî û sîstematîk didome.”

08:54

Jinên ciwan yên di nav Partiya Yekîtiya Demokratîk (PYD) de ne, anîn ziman ku YPJ hêza her jinek e, ragihandin ku ew destek didin kampanya ji bo YPJ’ê hatiye destpêkirin û gotin ku: “Pêwîst e rol û mîsyona YPJ`ê di entegrasyonê de hebe.”

20:22

Koordînasyona KJK’ê di daxuyaniya xwe ya nivîskî de ji bo xwedî derketina YPJ’ê bang li tevahî jinan dike û dibêje: “Ev 13 salan nîşan da ku YPJ ne tenê hêzek leşkerî ye, di heman demê de hêzek parastina jinan e ku ji bo azadî û wekheviya jinan têdikoşe.