Navenda Nûçeyan- Kongra Star, bi daxuyaniyek êrîşên dewleta Tirk ên li ser Bakur û Rojhilatê Sûriyeyê şermezar kir.

Di daxuyaniyê de hat bibîrxistin ku dewleta Tirk avahiya Hêzên Ewlekariya Hundirîn a Qamişloyê hedef girtiye û 4 şervan qetil kirine û wiha hat gotin: “Dewleta Tirk a dagirker sê sal in bênavber ji bo têkbirina projeya Rêveberiya Xweser û destkeftiyên şoreşa jinan êriş dike.

Di berdewamiya daxuyaniyê de îşaret bi vw yekê hat kirin û zêdebûna êrişên dewleta Tirk ên li ser binesaziya herêmê û navendên Hêzên Ewlekariya Hundirîn hemwextî operasyona paqijkirina kampa Holê ji şaneyên DAIŞ’ê tên kirin û wiha hat gotin: "Şaneyên DAIŞ'ê ji van êrîşan cesaret digrin." Di daxuyaniyê de êriş hatin şermezarkirin û bang li rêxistinên mafên mirovan û kesên azadîxwaz hat kirin ku li hemberî van êrişan xwedî helwest bin û bertekên pêwîst raber bikin.