ڕۆژانە

13:31

ژنانی چالاکوان جەختیان لەوە کردەوە هەموو کۆبوونەوە و کۆنفڕانسەکان دەریانخست پرسی ژنان هاوبەشن و بە هەمان شێوە مامەڵەیان لەگەڵ دەکرێت، لەسەر بنەمای ئەمەش پێویستە ئەزموونەکان لە نێوان وڵاتە جیاوازەکانی ناوچەکەدا هاوبەش بکرێن.

13:23

لە چوارچێوەی گەڕانەوەی ئاوارەکانی ناوخۆی عێراق بۆ زێدی خۆیان، ١١٧ ئاوارە لە كامپی خازری سەر بە هەولێر گەڕێندرانەوە  بۆ نەینەوا و سەڵاحەدین.

11:46

لەسەر سکاڵای ژنێک، پۆلیسی سلێمانی تۆمەتبار "ه. أ. ح لەدایكبووی ١٩٨٥"ی دەستگیر کرد، بە تۆمەتی فریودان و دەست بەسەر بڕێک پارەدا گیرا، كە بە تۆمەتبار بووە.

10:56

دوو ژنی گەنج لە ڕووباری خازر خنكان و دوای دەرهێنانی تەرمەکانیان ڕەوانەی پزیشکی دادوەری کران، تەمەنیان لە نێوان ٢٠ بۆ ٢٣ ساڵدایە.

09:13

سەندیکای ڕاگەیاندنی ژنان لە باکوور و ڕۆژهەڵاتی سووریا ئیدانەی ئەو هێرشەی کرد کە ئۆتۆمبێلێکی دەزگای میدیایی ژن تیڤی کردە ئامانج و بەڵێنی دا تا گەیشتن بە ئامانجەکانیان و ئاشکراکردنی تاوانەکانی داگیرکەری تورکیا ڕێبازی ڕۆژنامەنووسانی ژن بگرنەبەر.

08:50

ئەنجومەنی کۆنگرەی ستار هێرشەکەی دەوڵەتی تورکیای بۆ سەر تەلەفزیۆنی ژن تی ڤی شەرمەزار کرد، کە بووە هۆی گیان لەدەستدانی کارمەندێکی تەلەفزیۆنەکە و برینداربوونی پەیامنێرێکی.

21:58

بەرزبوونەوەی پلەکانی گەرما تەنگی بە هاووڵاتیانی هەڵچنیووە و گەرمایەکی بێزارکەر شارەکانی گرتوەتەوە.

20:59

فڕۆکەیەکی بێ فڕۆکەوانی دەوڵەتی تورکیا ئۆتۆمبێلی ڕۆژنامەنووسێکی لەسەر ڕێگەی قامیشلۆ- عامودا بۆردومان کرد.

19:50

یەکێتی ئەوروپا یاسای "خزمەتگوزاری دیجیتاڵی" جێبەجێ دەکات، ئەمەش گووگڵ، فەیسبووک، ئێکس، و تیک تۆک ناچار دەکات ڕێوشوێنی توندتر بگرنەبەر بەرامبەر بەو بڵاوکراوانەی کە زانیاری ناڕاستیان تێدایە.

19:10

پاش دوو ساڵ دادگا سزای لەسێدارەدانی بۆ بکوژی ژنێکی گەنج دەرکرد، کە ئامۆزایەکی خۆیبوو.

18:45

عێراق نیوەی ئەو ناوچانەی بە مین پیسبوون پاککردووەتەوە، بڕیار وایە تا ساڵی ٢٠٢٨ بەتەواوی لە مین پاکبکرێتەوە.

17:53

نزیکەی ١٠٠ هەزار کەس بەهۆی لافاو و بارانی بەخوڕەوە لە هەرێمی پەنجابی پاکستان ئاوارەبوون .

16:51

بەهۆی زیادبوونی حاڵەتەکانی کوشتن و خۆکوشتن لە پارێزگای هەڵەبجە گفتوگۆیەکی کراوە لەسەر ئەو بابەتە بەڕێوەچوو، تیایدا تاوتوێی دۆخی کۆمەڵگە کرا.

15:55

بەهۆی ڕووخانی پردێکەوە لە ویلایەتی میزۆرامی لە هیندستان ١٧ کەس گیانیان لەدەستدا و ژمارەیەکی زۆریش بێ سەروشوێن بوون.

15:34

بە پێی ڕاپۆرتە بڵاوکراوەکان، سەرەڕای ناڕەزایەتیی چالاکوانان دژی لەسێدارەدان، لە ماوەی یەک مانگی ڕابردوودا لانیکەم ٦٩ کەس بە بیانووی ناڕاست لە سێدارە دراون.

15:04

کۆمیساریای باڵای پەنابەرانی نەتەوە یەکگرتووەکان پشتڕاستی کردەوە کە گەڕانەوەی ئەو پەنابەرانەی ڕۆهینگیا کە لە میانمارەوە هەڵاتوون بۆ بەنگلادیش پەیوەندی بە گەڕانەوەی سەلامەتیانەوە هەیە.

14:13

ل.ی، کە چەندین ساڵە لەلایەن هاوژینەکەیەوە ڕووبەڕووی هەڕەشەی کوشتن و توندوتیژی بووەتەوە، ئەوەی پشتڕاستکردەوە کە تاوانبارەکە دەستگیر نەکراوە سەرەڕای ئەوەی چەندین جار سکاڵای تۆمارکردووە.

11:46

پۆلیسی دارستان و ژینگەی سلێمانی ئاشکرای کرد، بەهۆى هەورە بروسکەوە ئاگرێکى فراوان ٥ گوندی سنووری پێنجوێن کەوتەوە و لە ئەنجامدا سێ هەزار دۆنم، پووش و پاوان سووتان.

10:39

عێراق کار بۆ گەڕاندنەوەی ئاوارە عێراقییەکانی کامپی هۆل دەکات و تا ئێستا نزیکەی ٪٢٠ی ئاوارەکان گەڕاونەتەوە و لە کامپی جدعە لە پارێزگای نەینەوا نشتەجێ كراون.

10:21

بوشرا عەکیلی، چالاکوانی عێراقی جەختی لەوە کردەوە کە کۆنفرانسی هەرێمیی ژنان دەرفەتی داوە بە ژنانی ١٢ وڵات کە سوود لە ئەزموونەکانی یەکتر وەربگرن و بارودۆخی خۆیان لە دژی هەموو قەیران و سیستمە سەرمایەدارییەکان پەرە پێبدەن.