ڕۆژانە

15:28

مریەم مەحمودئابادی، هاووڵاتیی خەڵکی شاری سیرجانی سەر بە پارێزگای کرمان، دوای یەک مانگ دەستبەسەری، بە دانانی بارمتە لە زیندانی سیرجان ئازاد کرا.

15:00

ژمارەی ئەو ڕۆژنامەنووسانەی کە لە ماوەی ٣ ساڵی ڕابردوودا لە عێراق کوژراون، بەرامبەر کراوە، گەیشتووەتە ٤٧٠ ڕۆژنامەنووس.

14:52

ژمارەیەک لە تەڤگەرە ناڕەزایەتییەکانی ژنان ڕەخنەیان لە پراکتیزەکردنی تاڵیبان لە دژی خوێندکارانی کچ گرت و داوایان لە ڕێکخراوە نێودەوڵەتییەکان کرد کە پشتیوانی مافی خوێندنی کچان بکەن.

14:42

دەنگی خۆپیشاندەران لە شاری سوەیدای سووریا کە داوای ئازادی دەکەن، هەموو ڕۆژێک لە گۆڕەپانی "کەرەمە" بەردەوام بەرز دەبێتەوە و جەخت لەوە دەکەنەوە کە، بەردەوام دەبن لە ناڕەزایەتییەکان تا ئەو کاتەی هەموو داواکارییەکانیان بۆ بەدەستهێنانی ئاشتی بەدی دێت.

14:13

وەفا محەمەد، دامەزرێنەری گروپی سەمای ئاگری دجیب لە جیبۆتی، ڕایگەیاند، سەرەڕای ئەو هەموو فشارە، ژنان لە ڕێگەی سەماوە خۆیان دەردەبڕن و دەڵێت: سەختییەکان نابنە بەربەست بۆ ئەندامانی گروپەکە و ئەوان لە هەوڵەکانیان ناوەستن.

13:44

ژنان کاردانەوەیان دژی دانانی قەیوم لە شارەوانی جولەمێرگ دەربڕی و دەڵێن: ئەوانە دزن و پێویستە لە شارەکە دەربکرێن، پێویستە یەکبگرین و دەنگمان بەرز بکەینەوە.

13:27

پۆلیسی سلێمانی ئاشکرای کرد، دوو تۆمەتباریان دەستگیر کردووە، کە لەلایەن دادگاکانەوە داواکراو بوون و تۆمەتبارێکیان بەهۆی ئەنجامدانی توندوتیژیی خێزانییەوە فەرمانی دەستگیر کردنی هەبووە.

10:14

قیمەت کلینچ، ئەندامی کۆردیناسیۆنی ئەنجومەنی عشتاری کامپی پەنابەرانی شەهید ڕۆستەم جودی "مەخموور"  تیشکی خستەسەر گۆشەگیری توندی سەر ڕێبەری گەلی کورد عەبدوڵا ئۆجالان و وتی: بێدەنگی بەرامبەر گۆشەگیری هاوکارییە.

09:18

تیمی کوردستانی عێراقی سی پی تی ڕایدەگەیەنێت، لە ٦ مانگی سەرەتی ئەمساڵدا، سوپای تورکیا  ٨٣٣ هێرش و بۆردوومانی بۆ سەر خاکی هەرێمی کوردستان ئەنجامداوە، بە هۆشیانەوە ٨ هاوڵاتی مەدەنی گیانیان لەدەستداوە.

15:23

دادگای باڵای ئەمریکا بڕیاری هەڵوەشاندنەوەی سنووردارکردنی دەستگەیشتن بەو دەرمانانەی دەکرد، کە لە لەباربردنی منداڵاندا بەکاردەهێنرێن.

14:39

لەم ساڵانەی دواییدا، بەهۆی خراپتربوونی قەیرانی کەشوهەوا، ڕووداوە توندەکانی کەشوهەوا کاریگەری لەسەر دووگیانی ژنانیش هەبووە، لێکۆڵینەوەکان دەریانخستووە کە گەرمای زۆر ڕێژەی لەبارچوون زیاد دەکات.

14:00

نزیكەی ٢٨ هەزار خێزانی ئاوارە هەن و سەرجەمیان لە كامپەكانی هەرێمی كوردستاندان، بە پێی قسەکانی وەزیری كۆچ و كۆچبەرانی عێراق لە کامپەکانی دهۆک و هەولێر ئاستەنگییان بۆ دروست دەکرێت تا فەرمانبەرەکانیان بچنە کامپەکانەوە.

12:22

ڕێکخراوی یوئێن-ڕوا هۆشداری داوە کە ئەگەر ئاگربەست لە کەرتی غەززە کە لەژێر هێرشی ئیسرائیلدایە، ڕانەگەیەندرێت، نەوەیەک لەناو دەچێت.

11:27

یه‌كه‌مین فێستیڤاڵی ئەدەبیی شیعری ژنان بە دروشمی "ژنه‌كان ئه‌ستێره‌ن، له‌ ساماڵدا جوانتر دەبریسکێنەوە" لە شاری هەڵەبجە بەڕێوەچوو.

16:38

لە ژمارەیەکی پێوانەیی کە بەردەوام لە زیادبووندایە، کۆمیساریای باڵای پەنابەرانی نەتەوە یەکگرتووەکان پشتڕاستی کردەوە کە ژمارەی ئاوارەکان گەیشتووەتە ١٢٠ ملیۆن کەس لە سەرتاسەری جیهاندا.

16:19

زۆربەی پڕۆژەکانی بەشداربووانی کۆڕبەندی ئابووری ئەفریقای تونس لەسەر بنەمای بەشداریکردنی ژنان و ڕەخساندنی هەلی کار بۆیان دامەزراوە، سەرەڕای ئەو سەختییانەی ڕووبەڕووی پڕۆژەکانیان دەبێتەوە.

16:18

لە دانیشتنی دۆسیەی ٦ ڕۆژنامەنووس کە بە تۆمەتی پشتیوانی لە چاپەمەنی ئازاد دادگایی دەکرێن، داواکاری گشتی بۆچوونی خۆی خستەڕوو داوایکرد ڕۆژنامەنووسان سزا بدرێن.

16:04

 لە شاری جولەمێرگ بە دروشمی "شارەوانییەکان هی گەلن، ڕێگە بە دەستبەسەرداگرتن نادەین" دژی دەستبەسەرداگرتنی ئیرادەی دەیان هەزار کەس، گردبوونەوە دەستیپێکرد.

15:25

ئەنجومەنی کانتۆنی عەفرین-شەهبا بە ئامانجی شەرمەزارکردنی سیاسەتی گۆڕانی دیمۆگرافیا لەلایەن دەوڵەتی تورکیا لە ناوچە داگیرکراوەکان لە شەهبا بەیاننامەیەکیان بۆ ڕای گشتی خوێندەوە.

14:26

لە لێکۆڵینەوەیەکدا ئاشکرا کراوە لەماوەی ١٣ ساڵی ڕابردوودا ژمارەیەکی زۆر لە عەرەب و تورکمان براونەتە ڕۆژئاوای کوردستان کە مەبەست لێی کۆچپێکردنی گەلی ڕەسەنی ناوچەکەیە.