ڕۆژانە

14:21

بەهۆی زۆری باران بارینی چەند ڕۆژی ڕابردوو، ئاستی ئاوی كۆگاكراو لەعێراق و هەرێمی كوردستان بەڕێژەی 10% بەرزبووەتەوەو زۆنگاوەكانیش لە ناوچەكانی باشووری عێراق بە تەواوەتی ژیاونەتەوە.

12:52

بەهۆی پێنەدانی مووچە بۆ ماوەی زیاتر لە ٥٠ ڕۆژ و دابەشکردنی تەنها یەک مووچە لە ماوەی ٦ مانگدا، ئەمڕۆ جارێکی دیکە مامۆستایان لە سلێمانی گردبوونەوە، ژمارەیەک مامۆستاش لەلایەن هێزە ئەمنییەکانەوە دەستگیرکران.

12:26

بریجیت گارسیای تەمەن ٢٧ ساڵ، گەنجترین سەرۆکی شارەوانی ئیکوادۆر و یاریدەدەرەکەی بەناوی جایرۆ لوور کوژران، تەرمەکانیان لەناو ئۆتۆمبێلێکدا دۆزرانەوە.

11:01

ژنانی بنغازی ئاماژەیان بەوەدا، بەهۆی هێرشەکانی ئیسرائیلەوە، لە دڵەوە هەست بە ئازارەکانی ژنانی غەززە دەکەن و پێویستە ئەو دڕندەییانەی کە لە غەززەدا ئەنجام دەدرێت، بگێڕدرێنەوە.

10:31

١١ کەس، کە دومەڵانیان کۆدەکردەوە لە بیابانی حەما لە پارێزگای ڕەققە لە باکوور و ڕۆژهەڵاتی سووریا، بەهۆی هێرشێکی چەتەکانی داعش گیانیان لەدەستدا.

08:29

لەیلا زانا، سیاسەتمەداری کورد، کە بەشداری چالاکییەکانی هەڵبژاردنی دەم پارتی بوو، ئاماژەی بەوەدا کە گەل هیچی لە بەرخۆدانیەکەی لەدەست نەداوە و وتی: بۆ ئەوەی هیوا بەرزبکەنەوە، دەبێت خاوەن هەڵوێست و دەنگ بن.

08:08

مەهدیە حاج محەمەد ئاماژەی بەوەکرد، سیاسەتی زیندانیکردن میتۆدێکی دەوڵەتییە بۆ پاراستنی بەرژەوەندییەکانیان و وتی: ئاگرکەوتنەوە لە زیندانی حەسەکە و سینەمای عامودا و کیمیابارانی هەڵەبجە لە هەمان پلان و مەبەستەوە هاتوون.

20:00

لە ئاهەنگی پیرۆزکردنی جەژنی نەورۆزی ئەدەنەدا، بەشداربووان چەندین دروشمیان دەوتەوە و داوای ئازادکردنی ڕێبەری گەلی کورد عەبدوڵا ئۆجالانیان کرد

19:34

بەپێی ئامارەکانی وەزارەتی تەندروستی غەززە، ژمارەی ئەو کەسانەی لە کەرتی غەززە لە ماوەی چەند کاتژمێری ڕابردوودا گیانیان لەدەستداوە گەیشتووەتە ٣٢ هەزار و ٢٢٦ کەس، هەروەها ژمارەی بریندارەکانیش بۆ ٧٤ هەزار و ٥١٨ کەس بەرزبووەتەوە.

19:04

لە کاتێکدا ئۆپەراسیۆنەکانی لە کۆمپلێکسێک لە مۆسکۆی پایتەختی ڕووسیا بەردەوامە، بەڵام ژمارەی کوژراوانی ئەو هێرشەی داعش بانگەشەی بۆ دەکات بۆ ١٥٢ کەس بەرزبووەتەوە.

18:05

زۆرێک لە شارە عەرەبییەکان و بیانییەکان تێکچوونی دۆخی مرۆیی دانیشتووانی غەززەیان شەرمەزار کرد، ئاماژەیان بەوەکرد ژمارەی ئەو کۆمەڵکوژییانەی کە لە دژی خێزانەکان ئەنجام دەدرێن لە زیادبووندایە.

17:20

ئۆنس جابری تونسی و ئارینا سابالینکای بیلاروسی زوو ماڵئاواییان لە پاڵەوانێتی میامی کرد

16:32

وەزیری كۆچ و كۆچبەرانی عێراق ڕایگەیاند، پشكنینی ئەمنی بۆ ئەو كەسانە ئەنجام دەدرێت، كە لە كامپی هۆلەوە دەگەڕێنەوە بۆ عێراق، دەشڵێت، حكومەت ڕێگری دەکات لە گەڕانەوەی زۆرەملێی ئاوارەكان.

14:56

سیاسەتمەدار لەیلا زانا لە کۆبوونەوەی گەل لە ناوچەی سێوەرگ لە ڕەحا قسەی کرد و ڕایگەیاند، ژیان بە ڕەنجی ژنان بونیادنراوە و وتی: لەبەر ئەوەیە دەڵێین "ژن، ژیان، ئازادی" ئامانجمان بونیادنانی ژیانێکی نوێیە.

14:30

لە غەززە ٥٠ هەزار ژنی دووگیان و لە کەناری ڕۆژئاوا ٧٣ هەزار ژنی دووگیان لە توندروستی بێبەشن و لەگەڵ منداڵانی تازە لەدایکبوو بەهۆی جەنگەوە زۆترین زیانیان بەرکەوتووە.

13:31

پەخشان عەزیزی نزیکەی ٨ مانگە لە زیندانی ئەڤین دەستبەسەرە و هیچ بڕیارێک لە بارەیەوە نەدراوە.

12:46

دەربارەی ژیان و خەباتی ئینتەرناسیۆنالیستەکان کە لە شۆڕشی ڕۆژئاوادا گیانیان لەدەستدا، پەرتوکێک بە ناونیشانی "شەهید نامرن، پاڵەوانانی ئینتەرناسیۆنالیستی شۆڕشی ڕۆژئاوا " بڵاوکرایەوە.

12:43

بەهۆی دروستبوونى لافاو لە ناوچە شاخاوییەکانى ڕیۆ دی جانیرۆ لە باشووری ڕۆژهەڵاتی بەڕازیل ١٢ كەس گیانیان لەدەستدا.

10:34

دوێنێ سەرەتای ساڵی خوێندن بوو لە ئەفغانستان، خوێندکاران دەڵێن: ئەم شەوە تاریکانە بە بەیانی دەگات، ئەگەر ڕۆژێک وەک خوشکە کوردەکانمان چەک هەڵبگرین، ڕووخساری تاوانباران دەسڕینەوە و ئازادی بەدەست دەهێنین.

10:18

لە ئەفغانستان کە لەژێر دەسەڵاتی تاڵیبان دایە, کوشتن و گیان لەدەستدانی گوماناویی ژنان لە زیادبووندایە، تەنها لە مانگی ئاداردا سێ ژن و مندالیکی کچ کوژران و گیان لەدەستدانی سێ ژنیش بە "خۆکوشتن" تۆمارکراون.